Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tika Nipaato
III. Puggala Vagga

Sutta 27

Jigucchitabba Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[126]

[1][pts][bodh] Eva.m me suta.m|| ||

Eka.m samaya.m Bhagavaa Saavatthiya.m viharati,||
Jetavane Anaathapi.n.dikassa aaraame.|| ||

Tayo'me bhikkhave puggalaa santo sa.mvijjamaanaa lokasmi.m.|| ||

Katame tayo?|| ||

Atthi bhikkhave puggalo jigucchitabbo,||
na sevitabbo,||
na bhajitabbo,||
na payirupaasitabbo.|| ||

Atthi bhikkhave puggalo ajjhupekkhitabbo,||
na sevitabbo,||
na bhajitabbo,||
na payirupaasitabbo.|| ||

Atthi bhikkhave puggalo sevitabbo,||
bhajitabbo,||
payirupaasitabbo.|| ||

Katamo ca bhikkhave puggalo jigucchitabbo,||
na sevitabbo,||
na bhajitabbo,||
na payirupaasitabbo?|| ||

Idha bhikkhave ekacco puggalo dussiilo hoti paapadhammo asuci sa.mkassarasamaacaaro pa.tichannakammanto assama.no sama.napa.ti~n~no abrahmacaarii brahmacaariipa.ti~n~no antopuuti avassuto kasambujaato.|| ||

Evaruupo bhikkhave puggalo jigucchitabbo, na sevitabbo,||
na bhajitabbo,||
na payirupaasitabbo.|| ||

Ta.m kissa hetu?|| ||

Ki~ncaapi bhikkhave evaruupassa puggalassa na di.t.thaanugati.m aapajjati,||
atha kho na.m paapako kittisaddo abbhuggacchati paapamitto purisapuggalo paapasahaayo paapasampava'nko ti.|| ||

Seyyathaa pi, bhikkhave, ahi guthagato,||
ki~ncaapi na da.msati,||
atha kho na.m makkheti.|| ||

Evam eva kho bhikkhave ki~ncaapi evaruupassa puggalassa na di.t.thaanugati.m aapajjati,||
atha kho na.m paapako kittisaddo abbhuggacchati paapamitto purisapuggalo paapasahaayo paapasampava'nko ti.|| ||

Tasmaa evaruupo puggalo jigucchitabbo,||
na sevitabbo,||
na bhajitabbo,||
na payirupaasitabbo.|| ||

Katamo ca bhikkhave puggalo ajjhupekkhitabbo,||
na sevitabbo,||
na bhajitabbo,||
na payirupaasitabbo?|| ||

Idha bhikkhave ekacco puggalo kodhano hoti||
upaayaasa- [127] bahulo,||
appam pi vutto samaano abhisajjati,||
kuppati,||
vyaapajjati,||
patitthiiyati,||
kopa~n ca dosa~n ca appaccaya~n ca paatukaroti.|| ||

Seyyathaa pi bhikkhave du.t.thaaruko ka.t.thena vaa ka.thalena vaa ka.thalaaya vaa gha.t.tito bhiiyosomattaaya aasava.m deti.|| ||

Evam eva kho bhikkhave idh'ekacco puggalo kodhano hoti,||
upaayaasabahulo,||
appam pi vutto samaano abhisajjati,||
kuppati,||
vyaapajjati,||
patitthiiyati,||
kopa~n ca dosa~n ca appaccaya~n ca paatukaroti.|| ||

Seyyathaa pi bhikkhave tindukaalaata.m ka.t.thena vaa ka.thalaaya vaa gha.t.tita.m bhiiyosomattaaya cicci.taayati, ci.tici.taayati.|| ||

Evam eva kho bhikkhave idh'ekacco puggalo kodhano hoti,||
upaayaasabahulo,||
appam pi vutto samaano abhisajjati,||
kuppati,||
vyaapajjati,||
patitthiiyati,||
kopa~n ca dosa~n ca appaccaya~n ca paatukaroti.|| ||

Seyyathaa pi bhikkhave guuthakuupo ka.t.thena vaa ka.thalaaya vaa gha.t.tito bhiiyosomattaaya duggandho hoti.|| ||

Evam eva kho bhikkhave idh'ekacco puggalo kodhano hoti,||
upaayaasabahulo,||
appam pi vutto samaano abhisajjati,||
kuppati,||
vyaapajjati,||
patitthiyati,||
kopa~n ca dosa~n ca apaccaya~n ca paatukaroti.|| ||

Evaruupo bhikkhave puggalo ajjhupekkhitabbo,||
na sevitabebaa,||
na bhajitabbo,||
na payirupaasitabbo.|| ||

Ta.m kissa hetu?|| ||

Akkoseyyaa pi ma.m,||
paribhaaseyyaa pi ma.m,||
anattham pi ma.m kareyyaa ti.|| ||

Tasmaa evaruupo puggalo ajjhupekkhitabbo,||
na sevitabbo,||
na bhajitabbo,||
na payirupaasitabbo.|| ||

Katamo ca bhikkhave puggalo sevitabbo,||
bhajitabbo,||
payirupaasitabbo?|| ||

Idha bhikkhave ekacco puggalo siilavaa hoti kalyaa.nadhammo.|| ||

Evaruupo bhikkhave puggalo sevitabbo,||
bhajitabbo,||
payirupaasitabbo.|| ||

Ta.m kissa hetu?|| ||

Ki~ncaa pi bhikkhave evaruupassa puggalassa na di.t.thaanugati.m aapajjati.|| ||

Atha kho na.m kalyaa.no kittisaddo abbhuggacchati:|| ||

"Kalyaa.namitto purisapuggalo,||
kalyaa.nasahaayo,||
kalyaa.nasampava'nko" ti.|| ||

Tasmaa evaruupo puggalo sevitabbo,||
bhajitabbo,||
payirupaasitabbo.|| ||

Ime kho bhikkhave tayo puggalaa santo sa.mvijjamaanaa lokasmin ti.|| ||

 


Contact:
E-mail
Copyright Statement