Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
IV. Devaduuta Vagga

Sutta 31

Sabrahmaka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts][bodh] Eva.m me suta.m|| ||

Eka.m samaya.m Bhagavaa Saavatthiya.m viharati,||
Jetavane Anaathapi.n.dikassa aaraame.|| ||

Tayo'me bhikkhave puggalaa santo sa.mvijjamaanaa lokasmi.m.|| ||

Katame tayo?|| ||

Avakujjapa~n~no puggalo,||
uccha'ngapa~n~no puggalo,||
puthupa~n~no puggalo.|| ||

Katamo ca bhikkhave avakujjapa~n~no puggalo?|| ||

Idha bhikkhave ekacco puggalo aaraama.m gantaa hoti abhikkha.na.m bhikkhuuna.m santike dhammasava.naaya.|| ||

Tassa bhikkhuu dhamma.m desenti,||
aadi kalyaa.na.m majjhe kalyaa.na.m pariyosaana-kalyaa.na.m,||
saattha.m savya~njana.m kevalaparipu.n.na.m parisuddha.m brahmacariya.m pakaasenti.|| ||

So tasmi.m aasane nisinno tassaa kathaaya n'eva aadi.m manasikaroti,||
na majjha.m manasikaroti,||
na pariyosaana.m manasikaroti.|| ||

Vu.t.thito pi tamhaa aasanaa tassaa kathaaya n'eva aadi.m manasikaroti,||
na majjha.m manasikaroti,||
na pariyosaana.m manasikaroti.|| ||

Seyyathaa pi, bhikkhave, kumbho nikkujjo,||
tatra udaka.m aasitta.m viva.t.tati, no sa.n.thaati.|| ||

Evam eva kho bhikkhave idh'ekacco puggalo aaraama.m gantaa hoti abhikkha.na.m bhikkhuuna.m santike dhammasava.naaya.|| ||

Tasasa bhikkhuu dhamma.m desenti,||
aadi kalyaa.na.m majjhe kalyaa.na.m pariyosaana-kalyaa.na.m,||
saattha.m savya~njana.m kevalaparipu.n.na.m parisuddha.m brahmacariya.m pakaasenti.|| ||

So tasmi.m aasane nisinno tassaa kathaaya n'eva aadi.m manasikaroti,||
na majjha.m manasikaroti,||
na pariyosaana.m manasikaroti.|| ||

Vu.t.thito pi tamhaa aasanaa tassaa kathaaya n'eva aadi.m manasikaroti,||
na majjha.m manasikaroti,||
na pariyosaana.m manasikaroti.|| ||

Aya.m vuccati bhikkhave avakujjapa~n~no puggalo.|| ||

Katamo ca bhikkhave uccha'ngapa~n~no puggalo?|| ||

Idha bhikkhave ekacco puggalo aaraama.m gantaa hoti abhikkha.na.m bhikkhuuna.m santike dhammasava.naaya.|| ||

Tassa bhikkhuu dhamma.m desenti,||
aadi kalyaa.na.m majjhe kalyaa.na.m pariyosaana-kalyaa.na.m,||
saattha.m savya~njana.m kevalaparipu.n.na.m parisuddha.m brahmacariya.m pakaasenti.|| ||

So tasmi.m aasane nisinno tassaa kathaaya aadim pi manasikaroti,||
majjham pi manasikaroti,||
pariyasonam pi manasikaroti.|| ||

Vu.t.thito pi tamhaa aasanaa tassaa kathaaya n'eva aadi.m manasikaroti,||
na majjha.m manasikaroti,||
na pariyosaana.m manasikaroti.|| ||

Seyyathaa pi, bhikkhave, purisassa uccha'nge naanaakhajjakaani aaki.n.naani tilaa ta.n.dulaa modakaa badaraa,||
so tambhaa aasanaa vu.t.tha- [131] hanto satisammosaa pakireyya.|| ||

Evam eva kho bhikkhave idh'ekacco puggalo aaraama.m gantaa hoti abhikkha.na.m bhikkhuuna.m santike dhammasava.naaya.|| ||

Tassa bhikkhuu dhamma.m desenti,||
aadi kalyaa.na.m majjhe kalyaa.na.m pariyosaana-kalyaa.na.m,||
saattha.m savya~njana.m kevalaparipu.n.na.m parisuddha.m brahmacariya.m pakaasenti.|| ||

So tasmi.m aasane nisinno tassaa kathaaya aadim pi manasikaroti,||
majjham pi manasikaroti,||
pariyesaanam pi manasikaroti.|| ||

Vu.t.thito pi tamhaa aasanaa tassaa kathaaya n'eva aadi.m manasikaroti,||
na majjha.m manasikaroti,||
na pariyosaana.m manasikaroti.|| ||

Aya.m vuccati bhikkhave uccha'ngapa~n~no puggalo.|| ||

Katamo ca bhikkhave puthupa~n~no puggalo?|| ||

Idha bhikkhave ekacco puggalo aaraama.m gantaa hoti abhikkha.na.m bhikkhuuna.m santike dhammasava.naaya.|| ||

Tassa bhikkhuu dhamma.m desenti,||
aadi kalyaa.na.m majjhe kalyaa.na.m pariyosaana-kalyaa.na.m,||
saattha.m savya~njana.m kevalaparipu.n.na.m parisuddha.m brahmacariya.m pakaasenti.|| ||

So tasmi.m aasane nisinno tassaa kathaaya aadim pi manasikaroti,||
majjham pi manasikaroti,||
pariyasonam pi manasikaroti.|| ||

Vu.t.thito pi tamhaa aasanaa tassaa kathaaya aadim pi manasikaroti,||
majjham pi manasikaroti,||
pariyosaanam pi manasikaroti.|| ||

Seyyathaa pi, bhikkhave, kumbho ukkujjo,||
tatra udaka.m aasitta.m sa.n.thaati, no viva.t.tati.|| ||

Evam eva kho bhikkhave idh'ekacco puggalo aaraama.m gantaa hoti abhikkha.na.m bhikkhuuna.m santike dhammasava.naaya.|| ||

Tassa bhikkhuu dhamma.m desenti,||
aadi kalyaa.na.m majjhe kalyaa.na.m pariyosaana-kalyaa.na.m,||
saattha.m savya~njana.m kevalaparipun.na.m parisuddha.m brahmacariya.m pakaasenti.|| ||

So tasmi.m aasane nisinno tassaa kathaaya aadim pi manasikaroti,||
majjham pi manasikaroti,||
pariyosaanam pi manasikaroti.|| ||

Vuc.thito pi tamhaa aasanaa tassaa kathaaya aadim pi manasikaroti,||
majjham pi manasikaroti,||
pariyosaanam pi manasikaroti.|| ||

Aya.m vuccati bhikkhave puthupa~n~no puggalo.|| ||

Ime kho bhikkhave tayo puggalaa santo sa.mvijjamaanaa lokasmin ti.|| ||

9. Avakujjapa~n~no puriso dummedho avicakkha.no,||
Abhikkha.nam pi ce hoti gantaa bhikkhuuna.m santike.|| ||

10. Aadi.m kathaaya majjha~n ca pariyosaana~n ca taadiso.||
Uggahetu.m na sakkoti pa~n~naa hi'ssa na vijjati.|| ||

11. Uccha'ngapa~n~no puriso seyyo etena vuccati.||
Abhikkha.nam pi ce hoti gantaa bhikkhuuna santike.|| ||

12. Aadi.m kathaaya majjha~n ca pariyaasaana~n ca taadiso,||
Nisinno aasane tasmi.m uggahetvaana vya~njana.m,||
Vu.t.thito na pajaanaati gahitam pi'ssa mussati.|| ||

13. Puthupa~n~no ca puriso seyyo etehi vuccati,||
Abhikkha.nam pi ce hoti gantaa bhikkhuuna santike.|| ||

14. Aadi.m kathaaya majjha~n ca pariyosaana~n ca taadiso,||
Nisinno aasane tasmi.m uggahetvaana vya~njana.m.|| ||

15. Dhaareti se.t.thasa'nkappo avyaggamanaso naro,||
Dhammaanudhammapa.tipanno dukkhassantakaro siyaa ti.|| ||

 

Puggalavaggo tatiyo

 


Contact:
E-mail
Copyright Statement