Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
IV. Devaduuta Vagga

Sutta 33

Nidaana Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][wrrn][pts][than][olds][bodh] Eva.m me suta.m|| ||

Eka.m samaya.m Bhagavaa Saavatthiya.m viharati.|| ||

Tii.n'imaani bhikkhave nidaanaani kammaana.m samudayaaya.|| ||

Katamaani tii.ni?|| ||

Lobho nidaana.m kammaana.m samudayaaya,||
doso nidaana.m kammaana.m samudayaaya,||
moho nidaana.m kammaana.m samudayaaya.

Ya.m bhikkhave lobhapakata.m kamma.m||
lobhaja.m lobhanidaana.m lobhasamudaya.m,||
yatth'assa attabhaavo nibbattati,||
tattha ta.m kamma.m vipaccati.|| ||

Yattha ta.m kamma.m vipaccati,||
tattha tassa kammassa vipaaka.m pa.tisa'nvedeti di.t.th'evaa dhamme,||
upapajje vaa pariyaaye.

Ya.m bhikkhave dosapakata.m kamma.m||
dosaja.m dosanidaana.m dosasamudaya.m,||
yatth'assa attabhaavo nibbattati,||
tattha ta.m kamma.m vipaccati.|| ||

Yattha ta.m kamma.m vipaccati,||
tattha tassa kammassa vipaaka.m pa.tisa'nvedeti di.t.th'evaa dhamme,||
upapajje vaa pariyaaye.

Ya.m bhikkhave mohapakata.m kamma.m||
mohaja.m mohanidaana.m mohasamudaya.m,||
yatth'assa attabhavo nibbattati,||
tattha ta.m kamma.m vipaccati.|| ||

Yattha ta.m kamma.m vipaccati,||
[135] tattha tassa kammassa vipaaka.m pa.tisa'nvedeti di.t.th'evaa dhamme,||
upapajje vaa pariyaaye.

seyyathaa pi, bhikkhave,||
biijaani akha.n.daani apuutiini avaataatapahataani saaraadaani sukhasayitaani sukhette suparikammakataaya bhumiyaa nikkhittaani||
devo ca sammaa dhaara.m anuppaveccheyya,||
ev'assu taani bhikkhave biijaani vu.d.dhi.m viruu'hi.m vepulla.m aapajjeyyu.m.|| ||

Evam eva kho bhikkhave||
ya.m lobhapakata.m kamma.m||
lobhaja.m lobhanidaana.m lobhasamudaya.m,||
yatth'assa attabhaavo nibbattati,||
tattha ta.m kamma.m vipaccati.|| ||

Yattha ta.m kamma.m vipaccati,||
tattha tassa kammassa vipaaka.m pa.tisa'nvedeti di.t.th'evaa dhamme,||
upapajje vaa pariyaaye.

Ya.m dosapakata.m kamma.m||
dosaja.m dosanidaana.m dosasamudaya.m,||
yatth'assa attabhaavo nibbattati,||
tattha ta.m kamma.m vipaccati.|| ||

Yattha ta.m kamma.m vipaccati,||
tattha tassa kammassa vipaaka.m pa.tisa'nvedeti di.t.th'evaa dhamme,||
upapajje vaa pariyaaye.|| ||

Ya.m mohapakata.m kamma.m||
mohaja.m mohanidaana.m mohasamudaya.m,||
yatth'assa attabhavo nibbattati,||
tattha ta.m kamma.m vipaccati.|| ||

Yattha ta.m kamma.m vipaccati,||
tattha tassa kammassa vipaaka.m pa.tisa'nvedeti di.t.th'evaa dhamme,||
upapajje vaa pariyaaye.

[33.2] Tii.n'imaani bhikkhave nidaanaani kammaana.m samudaayaaya.|| ||

Katamaani tii.ni?|| ||

Alobho nidaana.m kammaana.m samudayaaya,||
adoso nidaana.m kammaana.m samudayaaya,||
amoho nidaana.m kammaana.m samudayaaya.

Ya.m bhikkhave alobhapakata.m kamma.m||
alobhaja.m alobhanidaana.m alobhasamudaya.m,||
lobhe vigate eva.m ta.m kamma.m pahiina.m hoti ucchinnamuula.m taala-vatthu-kata.m anabhaavakata.m aayati.m anuppaadadhamma.m.

Ya.m bhikkhave adosapakata.m kamma.m||
adosaja.m adosanidaana.m adosasamudaya.m,||
dose vigate eva.m ta.m kamma.m pahiina.m hoti ucchinnamuula.m taala-vatthu-kata.m anabhaavakata.m aayati.m anuppaadadhamma.m.

Ya.m bhikkhave amohapakata.m kamma.m||
amohaja.m amohanidaana.m amohasamudaya.m,||
mohe vigate eva.m ta.m kamma.m pahiina.m hoti ucchinnamuula.m taala-vatthu-kata.m anabhaavakata.m aayati.m anuppaadadhamma.m.

seyyathaa pi, bhikkhave, biijaani akha.n.daani apuutiini avaataata- [136] pahataani saaraadaani sukhasayitaani taani puriso agginaa daheyya agginaa dahitvaa masi.m kareyya masi.m karitvaa mahaavaate vaa opuneyya,||
nadiyaa vaa siighasotaaya pavaaheyya ev'assu taani bhikkhave biijaani ucchinnamuulaani taalaavatthukataani anabhaavakataani aayati.m anuppadadhammaani.|| ||

Evam'eva kho bhikkhave ya.m alobhapakata.m kamma.m||
alobhaja.m alobhanidaana.m alobhasamudaya.m,||
lobhe vigate eva.m ta.m kamma.m pahiina.m hoti ucchinnamuula.m taala-vatthu-kata.m anabhaavakata.m aayati.m anuppaadadhamma.m.

Ya.m adosapakata.m kamma.m||
adosaja.m adosanidaana.m adosasamudaya.m,||
dose vigate eva.m ta.m kamma.m pahiina.m hoti ucchinnamuula.m taala-vatthu-kata.m anabhaavakata.m aayati.m anuppaadadhamma.m.|| ||

Ya.m amohapakata.m kamma.m||
amohaja.m amohanidaana.m amohasamudaya.m,||
mohe vigate eva.m ta.m kamma.m pahiina.m hoti ucchinnamuula.m taala-vatthu-kata.m anabhaavakata.m aayati.m anuppaadadhamma.m.|| ||

Imaani kho bhikkhave tii.ni nidaanaani kammaana.m samudayaayaa ti.|| ||

Lobhaja.m dosaja.m c'eva mohaja~n caapi'viddasu,||
Ya.m tena pakata.m kamma.m appa.m vaa yadi vaa bahu.m,||
Idh'eva ta.m vedaniiya.m vatthu a~n~na.m na vijjati.
Tasmaa lobha.m ca dosa.m ca mohaja.m caapi'viddasu,||
Vijja.m uppaadaya.m bhikkhu sabbaa duggatiyo jahe ti.|| ||

 


Contact:
E-mail
Copyright Statement