Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
IV. Devaduuta Vagga

Sutta 37

Dutiya Catu-Mahaaraaja Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[143]

[1][bit][pts][bodh] Eva.m me suta.m.|| ||

Eka.m samaya.m Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Bhuutapubba.m bhikkhave Sakko devaanam indo deve Taavati.mse anunayamaano taaya.m velaaya.m ima.m gaatha.m abhaasi:|| ||

[144] Caatuddasi.m pa~ncadasi yaava pakkhassa a.t.thamii||
Paa.tihaariyapakkha~n ca a.t.tha'ngasusamaagata.m,||
Uposatha.m upavaseyya yo p'assa maadiso naro ti.|| ||

Saa kho pan'esaa bhikkhave Sakkena devaanam indena gaathaa duggiitaa, na sugiitaa,||
dubbhaasitaa, na subhaasitaa.|| ||

Ta.m kissa hetu?|| ||

Sakko bhikkave devaanam indo aviitaraago aviitadoso aviitamoho.|| ||

Yo ca kho so bhikkhave bhikkhu araha.m khii.naasavo vusitavaa katakara.niiyo ohitabhaaro anuppatta-sadattho parikkhii.nabhavasa.myojano sammada~n~naa-vimutto.|| ||

Tassa kho eta.m bhikkhave bhikkhuno kalla.m vacanaaya:|| ||

Caatuddasi.m pa~ncadasi yaava pakkhassa a.t.thamii||
Paa.tihaariyapakkha.m ca a.t.tha'ngasusamaagata.m,||
Uposatha.m upavaseyya yo p'assa maadiso naro ti.|| ||

Ta.m kissa hetu?|| ||

So hi bhikkhave bhikkhu viitaraago viitadoso viitamoho ti.|| ||

Bhuutapubba.m bhikkhave Sakko devaanam indo deve Taavati.mse anunayamaano taaya.m velaaya.m ima.m gaatha.m abhaasi:-|| ||

Caatuddasi pa~ncadasi yaava pakkhassa a.t.thamii,||
Paa.tihaariyapakkha.m ca a.t.tha'ngasusamaagata.m||
Uposatha.m upavaseyya yo p'assa maadiso naro ti.|| ||

Saa kho pan'esaa bhikkhave Sakkena devaanam indena gaathaa duggiitaa, na sugiitaa,||
dubbhaasitaa, na subhaasitaa.|| ||

Ta.m kissa hetu?|| ||

Sakko hi bhikkhave devaanam indo aparimutto jaatiyaa jaraaya mara.nena sokehi paridevehi dukkhehi domanassehi upaayaasehi,||
aparimutto dukkhasmaa ti vadaami.|| ||

Yo ca kho so bhikkhave bhikkhu araha.m khii.naasavo vusitavaa katakara.niiyo ohitabhaaro anuppattasadattho parikkhii.nabhavasa.myojano sammada~n~naa-vimutto,||
tassa kho eta.m bhikkhave bhikkhuno kalla.m vacaanaaya.|| ||

Caatuddasi pa~ncadasii yaava pakkhassa a.t.thamii||
Paa.tihaariyapakkha~n ca a.t.tha'ngasusamaagata.m,||
Uposatha.m upavaseyya yo p'assa maadiso naro ti. || ||

[145] Ta.m kissa hetu?|| ||

So bhikkhave bhikkhu parimutto jaatiyaa jaraayaa marane.na sokehi paridevehi dukkhehi domanassehi upaayaasehi,||
parimutto dukkhasmaa ti vadaami.|| ||

 


Contact:
E-mail
Copyright Statement