Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
IV. Devaduuta Vagga

Sutta 38

Sukhumaala Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[145]

[1][pts][than][bodh] Eva.m me suta.m.|| ||

Eka.m samaya.m Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Sukhumaalo aha.m bhikkhave paramasukhumaalo, accantasukhumaalo.|| ||

Mama suda.m bhikkhave pitu nivesane pokkhara.niyo kaaritaa honti.|| ||

Ekattha suda.m uppala.m pupphati,||
ekattha paduma.m,||
ekattha pu.n.dariika.m,||
yaavad eva mama atthaaya.|| ||

Na kho pan'assaaha.m bhikkhave akaasika.m candana.m dhaaremi.|| ||

Kaasika.m su me ta.m bhikkhave ve.thana.m hoti.|| ||

Kaasikaa ka~ncukaa,||
kaasika.m nivaasana.m,||
kaasiko uttaraasa'ngo.|| ||

Rattindiva.m kho pana su me ta.m bhikkhave setacchatta.m dhaariiyati,||
maa na.m phuusi siita.m vaa u.nha.m vaa rajo vaa ti.na.m vaa ussaavo vaa ti.|| ||

Tassa mayha.m bhikkhave tayo paasaadaa ahesu.m,||
eko hemantiko,||
eko gimhiko,||
eko vassiko.|| ||

So kho aha.m bhikkhave vassike paasaade vassike cattaaro maase nippurisehi turiyehi paricaariyamaano na he.t.thaa paasaada.m orohaami.|| ||

Yathaa kho pana bhikkhave a~n~nesa.m nivesanesu daasakammakaraporisassa ka.naajaka.m bhojana.m diyyati bila'ngadutiya.m.|| ||

Evam evassu me bhikkhave pitu nivesane daasakammakaraporisassa saalima.msodano diyyati.|| ||

2. Tassa mayha.m bhikkhave evaruupaaya iddhiyaa samannaagatassa evaruupena ca accanta-sukhumaalena etad ahosi:|| ||

'Assutavaa kho puthujjano attanaa jaraadhammo samaano jara.m anatiito para.m ji.n.na.m disvaa a.t.tiiyati,||
haraayati,||
jigucchati,||
attaana.m yeva atisitvaa.|| ||

Aham pi kho'mhi jaraadhammo jara.m anatiito,||
aha~n c'eva kho pana jaraadhammo samaano jara.m anatiito,||
para.m ji.n.na.m disvaa a.t.tiiyeyya.m,||
haraayeyya.m,||
[146] jiguccheyya.m.|| ||

Na me ta.m assa pa.tiruupan ti.|| ||

Tassa mayha.m bhikkhave iti pa.tisa~ncikkhato yo yobbane yobbanamado so sabbaso pahiyyi.|| ||

Assutavaa kho puthujjano attanaa vyaadhidhammo samaano vyaadhi.m anatiito,||
para.m vyaadhita.m disvaa a.t.tiiyati,||
haraayati,||
jigucchati,||
attaana.m yeva atiyitvaa.|| ||

Aham pi kho'mhi vyaadhidhammo,||
vyaadhi.m anatiito,||
aha~n c'eva kho pana vyaadhidhammo samaano vyaadhi.m anatiito,||
para.m vyaadhita.m disvaa a.t.tiiyeyya.m haraayeyya.m jiguccheyya.m.|| ||

Na me ta.m assa pa.tiruupan ti.|| ||

Tassa mayha.m bhikkhave iti pa.tisa~ncikkhato yo aarogye aarogyamado,||
so sabbaso pahiyyi.|| ||

Assutavaa kho puthujjano attanaa mara.nadhammo samaano mara.na.m anatiito para.m mata.m disvaa a.t.tiiyati haraayati jigucchati,||
attaana.m yeva atiyitvaa.|| ||

Aham pi kho'mhi mara.nadhammo mara.na.m anatiito,||
aha~n c'eva kho pana mara.nadhammo samaano mara.na.m anatiito para.m mata.m disvaa a.t.tiiyeyya.m haraayeyya.m jiguccheyya.m.|| ||

Na me ta.m assa pa.tiruupan ti.|| ||

Tassa mayha.m bhikkhave iti pa.tisa~ncikkhato yo jiivite jiivitamado,||
so sabbaso pahiyii ti.|| ||

 


Contact:
E-mail
Copyright Statement