Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
IV. Devaduuta Vagga

Sutta 40

Aadhipateyya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[147]

[1][pts][than][bodh] Eva.m me suta.m.|| ||

Eka.m samaya.m Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

"Tii.n'imaani bhikkhave aadhipateyyaani.|| ||

Katamaani tii.ni?|| ||

Attaa-dhipateyya.m,||
lokaa-dhipateyya.m,||
dhammaa-dhipateyya.m.|| ||

Katama.m ca bhikkhave attaadhipateyya.m?|| ||

idha bhikkhave bhikkhu ara~n~nagato vaa rukkha-muula-gato vaa su~n~naa-gaara-gato vaa iti pa.tisa~ncikkhati:|| ||

'Na kho panaaha.m ciivara-hetu agaarasmaa anagaariya.m pabbajito,||
na pi.n.dapaata-hetu agaarasmaa anagaariya.m pabbajito,||
na senaasana-hetu agaarasmaa anagaariya.m pabbajito,||
na iti-bhavaa-bhava-hetu agaarasmaa anagaariya.m pabbajito.|| ||

"Api ca kho'mhi oti.n.no jaatiyaa jaraaya mara.nena sokehi paridevehi dukkhehi domanassehi upaayaasehi,||
dukkhoti.n.no dukkhapareto,||
appeva naama imassa kevalassa dukkhakkhandhassa antakiriyaa pa~n~naayethaa" ti.|| ||

Aha~n c'eva kho pana [148] yaadisake vaa kaame ohaaya agaarasmaa anagaariya.m pabbajito,||
taadisake vaa kaame pariyeseyya.m,||
tato vaa paapi.t.thatare,||
na me ta.m assa pa.tiruupan' ti.|| ||

So iti pa.tisa~ncikkhati:|| ||

'Aaraddha.m kho pana me viriya.m bhavissati asalliina.m,||
upa.t.thitaa sati asammu.t.thaa,||
passaddho kaayo asaaraddho,||
samaahita.m citta.m ekaggan' ti.|| ||

So attaana.m yeva adhipateyya.m karitvaa akusala.m pajahati,||
kusala.m bhaaveti,||
saavajja.m pajahati,||
anavajja.m bhaaveti,||
suddha.m attaana.m pariharati.|| ||

Ida.m vuccati bhikkhave 'attaadhipateyya.m'.|| ||

2. Katama~n ca bhikkhave lokaadhipateyya.m?|| ||

Idha bhikkhave bhikakhu ara~n~nagato vaa rukkha-muula-gato vaa su~n~naa-gaara-gato vaa iti pa.tisa~ncikkhati:|| ||

'Na kho panaaha.m ciivara-hetu agaarasmaa anagaariya.m pabbajito,||
na pi.n.dapaata-hetu agaarasmaa anagaariya.m pabbajito,||
na senaasana-hetu agaarasmaa anagaariya.m pabbajito,||
na iti-bhavaa-bhava-hetu agaarasmaa anagaariya.m pabbajito.|| ||

"Api ca kho'mhi oti.n.no jaatiyaa jaraaya mara.nena sokehi paridevehi dukkhehi domanassehi upaayaasehi,||
dukkhoti.n.no dukkhapareto,||
appeva naama imassa kevalassa dukkhakkhandhassa antakiriyaa pa~n~naayethaa" ti.|| ||

Aha~n c'eva kho pana eva.m pabbajito||
samaano kaama-vitakka.m vaa vitakkeyya.m,||
vyaapaada-vitakka.m vaa vitakkeyya.m,||
vihi.msaa-vitakka.m vaa vitakkeyya.m -||
mahaa kho panaaya.m loka-sannivaaso -||
mahantasmi.m kho pana loka-sannivaase santi sama.na-braahma.naa iddhi-manto||
dibba-cakkhukaa paracitta-viduno.|| ||

Te duurato pi passanti,||
aasannaa pi na disasanti,||
cetasaa pi citta.m pajaananti.|| ||

Te pi ma.m eva.m jaaneyyu.m:|| ||

"Passatha bho ima.m kulaputta.m,||
saddhaa agaarasmaa anagaariya.m pabbajito samaano voki.n.no viharati paapakehi akusalehi dhammehii" ti.|| ||

Devataa pi kho santi iddhi-mantiniyo dubba-cakkhukaa paracitta-viduniyo.|| ||

Taa duurato pi passanti,||
aasannaa pi na dissanti,||
cetasaa pi citta.m pajaananti.|| ||

Taa pi ma.m eva.m jaaneyyu.m:|| ||

"Passatha bho ima.m kulaputta.m,||
saddhaa agaarasmaa anagaariya.m pabbajito samaano voki.n.no viharati paapakehi akusalehi dhammehii" ti.|| ||

So iti pa.tisa.mcikkhati:|| ||

'Aaraddha.m kho pana me viriya.m [149] bhavissati asalliina.m,||
upa.t.thitaa sati asammu.t.thaa,||
passaddho kaayo asaaraddho,||
samaahita.m citta.m ekaggan' ti.|| ||

So loka.m yeva adhipati.m karitvaa akusala.m pajahati,||
kusala.m bhaaveti,||
saavajja.m pajahati,||
anavajja.m bhaaveti,||
suddha.m attaana.m pariharati.|| ||

Ida.m vuccati bhikkhave 'lokaa-dhipateyya.m'.

Katama~n ca bhikkhave dhammaadhipateyya.m?|| ||

Idha bhikkhave bhikakhu ara~n~nagato vaa rukkha-muula-gato vaa su~n~naa-gaara-gato vaa iti pa.tisa~ncikkhati:|| ||

'Na kho panaaha.m ciivara-hetu agaarasmaa anagaariya.m pabbajito,||
na pi.n.dapaata-hetu agaarasmaa anagaariya.m pabbajito,||
na senaasana-hetu agaarasmaa anagaariya.m pabbajito,||
na iti-bhavaa-bhava-hetu agaarasmaa anagaariya.m pabbajito.|| ||

"Api ca kho'mhi oti.n.no jaatiyaa jaraaya mara.nena sokehi paridevehi dukkhehi domanassehi upaayaasehi,||
dukkhoti.n.no dukkhapareto,||
appeva naama imassa kevalassa dukkhakkhandhassa antakiriyaa pa~n~naayethaa" ti.|| ||

Svaakkhaato Bhagavataa dhammo sandi.t.thiko akaaliko ehipassiko opanayiko paccatta.m veditabbo vi~n~nuuhii' ti.|| ||

Santi kho pana me sabrahmacaarii jaana.m passa.m viharanti.|| ||

Aha~n c'eva kho pana eva.m svaakkhaate dhamma-vinaye pabbajito samaano kusito vihareyya.m pamatto,||
na me ta.m assa pa.tiruupan' ti.|| ||

So iti pa.tisa.mcikkhati:|| ||

'Aaraddha.m kho pana me viriya.m bhavissati asalliina.m,||
upa.t.thitaa sati asammu.t.thaa,||
passaddho kaayo asaaraddho,||
samaahita.m citta.m ekaggan' ti.|| ||

So dhamma.m yeva adhipati.m karitvaa akusala.m pajahati,||
kusala.m bhaaveti,||
saavajja.m pajahati,||
anavajja.m bhaaveti,||
suddha.m attaana.m pariharati.|| ||

Ida.m vuccati bhikkhave 'dhammaa-dhipateyya.m'.|| ||

Imaani kho bhikkhave tii.ni aadhipateyyaanii" ti.|| ||

N'atthi loke raho naama paapakamma.m pakubbato.||
Attaa te purisa jaanaati sacca.m vaa yadi vaa musaa.||
Kalyaa.na.m vata bho sakkhi attaana.m atima~n~nasi.||
Yo santa.m attani paapa.m attaana.m pariguuhasi.||
[150] Passanti devaa ca Tathaagataa ca lokasmi.m baala.m visama.m caranta.m.||
Tasmaa hi attaa-dhipako sato care lokaa-dhipo ca nipako ca jhaayii.||
Dhammaa-dhipo ca anudhammacaarii na hiiyati saccaparakkamo muni.||
Pasayha Maara.m abhibhuyya antaka.m yo ca phuusii jaatikhaya.m padhaanavaa,||
Sa taadiso lokaviduu sumedho sabbesu dhammesu atammayo munii ti.|| ||

Devaduuta Vaggo Catuttho.|| ||

 


Contact:
E-mail
Copyright Statement