Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
VIII. Aananda Vagga

Sutta 73

Mahaanaamasakka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[219]

[1][pts][than]Eva.m me suta.m:|| ||

Eka.m samaya.m Bhagavaa Sakkesu viharati Kapilavatthusmi.m Nigrodhaaraame.|| ||

Tena ko pana samayena Bhagavaa gilaanaa vu.t.thito hoti aciravu.t.thito gela~n~naa.|| ||

Atha ko Mahaanaamo Sakko yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho Mahaanaamo Sakko Bhagavanta.m etad avoca:|| ||

"'Diigha-rattaaha.m bhante Bhagavataa eva.m dhamma.m desita.m aajaanaami samaahitassa ~naa.na.m,||
no asamaahitassaa' ti|| ||

Samaadhi nu kho bhante pubbe,||
pacchaa ~naa.na.m||
udaahu ~naa.na.m pubbe,||
pacchaa samaadhii" ti?|| ||

2. Atha kho aayasmato Aanandassa etad ahosi|| ||

"Bhagavaa ko gilaanaa vu.t.thito aciravu.t.thito gela~n~naa;||
aya~n ca Mahaanaamo Sakko Bhagavanta.m atigambhiira.m pa~nha.m pucchati.|| ||

Yan nuunaaha.m Mahaanaama.m Sakka.m eka-m-anta.m apanetvaa dhamma.m deseyyan" ti?|| ||

Atha ko aayasmaa Aananda Mahaanaama.m sakka.m baahaaya.m gahetvaa eka-m-anta.m apanetvaa Mahaanaama.m Sakka.m etad avoca:|| ||

3. "Sekham pi kho Mahaanaama siila.m vutta.m Bhagavataa,||
asekham pi siila.m vutta.m Bhagavataa,||
sekho pi samaadhi vutto [220] Bhagavataa,||
asekho pi samaadhi vutto Bhagavataa,||
sekhaa pi pa~n~naa vuttaa Bhagavataa,||
asekhaa pi pa~n~naa vuttaa Bhagavataa.|| ||

4. Katama~n ca Mahaanaama sekha.m siila.m?|| ||

Idha Mahaanaama bhikkhuu silavaa hoti paatimokkha-sa.mvarasa.mvuto viharati aacaara-gocara-sampanno a.numattesu vajjesu bhaya-dassaavii samaadaaya sikkhati sikkhaapadesu.|| ||

Ida.m vuccati Mahaanaama sekha.m siila.m.|| ||

Katamo ca Mahaanaama sekho samaadhi?|| ||

Idha Mahaanaama bhikkha vivicce komehi vivicca akusalehi dhammehi savitakka.m savicaara.m vivekaja.m piiti-sukha.m pa.thama.m-jhaana.m upasampajja viharati|| ||

Vitakka-vicaaraana.m vuupasamaa ajjhatta.m sampasaadana.m cetaso ekodi-bhaava.m avitakka.m avicaara.m samaadhija.m piiti-sukha.m dutiya.m-jhaana.m upasampajja viharati|| ||

Piitiyaa ca viraagaa upekkhako ca viharati sato ca sampajaano sukha.m ca kaayena pa.tisa'nvedeti,||
ya.m ta.m ariyaa aacikkhanti 'upekkhako satimaa sukhavihaari' ti ta.m tatiya.m-jhaana.m upasampajja viharati|| ||

Sukhassa ca pahaa.naa dukkhassa ca pahaa.naa pubb'eva somanassa-domanassaana.m attha'ngamaa adukka.m asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

Aya.m vuccanii Mahaanaama sekho samaadhi.|| ||

Katamaa ca Mahaanaama sekhaa pa~n~naa?|| ||

Idha Mahaanaama bhikkhu ida.m dukkhan ti yathaabhuuta.m pajaanaati||
idha Mahaanaama bhikkhu ida.m dukkhasamudayanti yathaabhuuta.m pajaanaati||
idha Mahaanaama bhikkhu ida.m dukkhanirodho ti yathaabhuuta.m pajaanaati idha Mahaanaama bhikkhu ida.m dukkhanirodhagaaminii pa.tipadaa ti yathaabhuuta.m pajaanaati|| ||

Aya.m vuccati Mahaanaama sekhaa pa~n~naa.|| ||

Sa ko so Mahaanaama ariyasaavako eva.m siilasampanno||
eva.m samaadisampanno||
eva.m pa~n~naasampanno||
aasavaana.m khayaa anaasava.m ceto-vimutti.m sa~n~naavumutti.m||
du.t.th'eva dhamme saya.m abhi~n~naa sacchikatvaa upasampajja viharati.|| ||

Eva.m ko Mahaanaama sekham pi siila.m vutta.m Bhagavataa,||
asekham pi siila.m vutta.m Bhagavataa,||
sekho pi samaadhi vutto Bhagavataa,||
asekho pi samaadhi vutto Bhagavataa,||
sekhaa pi pa~n~naa vuttaa Bhagavataa,||
asekhaa pi pa~n~naa vuttaa Bhagavataa ti.|| ||

 


Contact:
E-mail
Copyright Statement