Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
IX. Sama.na Vagga

Sutta 82

Khetta Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[229]

[1][pts] Eva.m me suta.m.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Tii.n'imaani bhikkhave kassakassa gahapatissa pubbe kara.niiyaani.|| ||

Katamaani tii.nii?|| ||

Idha bhikkhavekassako gahapati pa.tigacceva khetta.m suka.t.tha.m karoti sumatikata.m.|| ||

Pa.tigacceva khetta.m suka.t.tha.m karitvaa sumatikata.m kaalena biijaani pati.t.thaapeti.|| ||

Kaalena biijaani pati.t.thaapetvaa samayena udaka.m abhineti pi [230] apanetipi.|| ||

Imaani kho bhikkhave tii.ni kassakassapatissa pubbe kara.niiyaani.|| ||

Evam eva kho bhikkhave tinimaani bhikkhussa pubbe kara.niiyaani.|| ||

Katamaani tii.ni?|| ||

Adhisiila-sikkhaa-samaadaana.m,||
adhicitta-sikkhaa-samaadaana.m,||
adhipa~n~naa-sikkhaa-samaadaana.m.|| ||

Imaani khobhikkhave tiini bhikkhussa pubbe kara.niiyaani.|| ||

Tasmaat iha bhikkhave eva.m sikkhitabba.m:|| ||

'Tibbo no chando bhavissati adhisiila-sikkhaa-samaadaane,||
tibbo no chando bhavissati adhicitta-sikkhaa-samaadaane,||
tibbono chando bhavissati adhipa~n~naa-sikkha-samaadaane' ti.|| ||

Eva.m hi ve bhikkhave sikkhitabban ti.|| ||

 


Contact:
E-mail
Copyright Statement