Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
IX. Sama.na Vagga

Sutta 87

Dutiya Sikkha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


 

[1][pts] Eva.m me suta.m.|| ||

Eka.m samaya.m Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Saadhikam ida.m bhikkhave diya.d.dha-sikkhaapadasata.m anvaddhamaasa.m uddesa.m aagacchati,||
yattha atthakaamaa kulaputtaa sikkhanti.|| ||

Tisso imaa bhikkhave sikkhaa,||
yatth'eta.m sabba.m samodhaana.m gacchati.|| ||

Katamaa tisso?|| ||

Adhisiila-sikkhaa,||
adhicitta-sikkhaa,||
adhipa~n~naa-sikkhaa.|| ||

Imaa ko bhikkhave tisso sikkhaa,||
yatth'eta.m sabba.m samodhaana.m gacchati.|| ||

2. Idha pana bhikkhave bhikkhu siilesu paripuurakaarii hoti,||
samaadhismi.m paripuura kaarii||
pa~n~naaya paripuura kaarii.|| ||

So yaani taani khuddaanukhuddakaani sikkhaapadaani,||
taani aapajjati pi||
vu.t.thaati pi.|| ||

Ta.m kissa hetu?|| ||

Na hi m'ettha bhikkhave abhabbataa vuttaa.|| ||

Yaani kho taani sikkhaapadaani aadibrahmacariyikaani buhmacariyasaaruppaani,||
tattha dhuvasiilo ca hoti||
.thitasiili ca||
samaadaaya sikkhati sikkhaapadesu.|| ||

So aasavaana.m khayaa anaasava.m||
cetaavimutti.m||
pa~n~naa-vimutti.m||
di.t.the va dhamme saya.m abhi~n~naa sacchikatvaa||
upasampajja viharati.|| ||

3. Ta.m vaa pana anabhisambhava.m appa.tivijjha.m pa~ncanna.m orambhaagiyaana.m sa~n~nojanaana.m parikkhayaa antaraaparinibbaayii hoti.|| ||

Ta.m vaa pana anabhisambhava.m appa.tivijjha.m pa~ncanna.m orambhaagiyaana.m sa~n~nojanaana.m parikkhayaa upahacca-parinibbaayii hoti.|| ||

So pa~ncanna.m orambhaagiyaana.m sa~n~nojanaana.m parikkhayaa asasankhaaraparinibbaayii hoti.|| ||

So pa~ncanna.m orambhaagiyaana.m sa~n~nojanaana.m parikkhayaa sasankhaaraparinibbaayii hoti.|| ||

So pa~ncanna.m orambhaagiyaana.m sa~n~nojanaana.m parikkhayaa uddha.msoto hoti.|| ||

So pa~ncanna.m orambhaagiyaana.m sa~n~nojanaana.m parikkhayaa Akani.t.thagaami hoti.|| ||

Ta.m vaa pana anabhisambhava.m appa.tivijjha.m ti.na.m.na.m sa~n~nojanaana.m parikkhayaa raaga-dosa-mohaana.m tanuttaa sakadaagaamii hoti,||
sakideva ima.m [235] loka.m aagannvaa dukkhassanta.m karoti.|| ||

Ta.m vaa pana anabhisambhava.m appa.tivijjha.m ti.na.m.na.m sa~n~nojanaana.m parikkhayaa ekabiiji hoti,||
eka.m yeva maanusaka.m bhava.m nibbattetvaa dukkhassanta.m karoti.|| ||

Ta.m vaa pana anabhisambhava.m appa.tivijjha.m ti.na.m.na.m sa~n~nojanaana.m parikkhayaa kola'nkolo hoti,||
dve vaa tii.ni vaa kulaani sandhaavitvaa dukkhassanta.m karoti.|| ||

Ta.m vaa pana anabhisambhava.m appa.tivijjha.m ti.na.m.na.m sa~n~nojanaana.m parikkhayaa sattakkhattuparamo hoti.|| ||

Sattakkhattuparama.m deve ca manusse ca sandhaavitvaa sa.msaritvaa dukkhassanta karoti.|| ||

Iti kho bhikkhave paripuura.m||
paripuurakaarii||
aaraadheti padesa.m||
padesakaarii.|| ||

Ava~njhaanitvevaaha.m bhikkhave sikkaapadaani vadimiti.|| ||

 


[ed1] See the Outline comparing Suttas 85-86-87.

 


Contact:
E-mail
Copyright Statement