Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
IX. Sama.na Vagga

Sutta 88

Pa.thama Sikkhattaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[235]

[1][pts][than] Eva.m me suta.m.|| ||

Eka.m samaya.m Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Tisso imaa bhikkhave sikkhaa.|| ||

Katamaa tisso?|| ||

Adhisiila-sikkhaa||
adhicitta-sikkhaa||
adhipa~n~naa-sikkhaa.|| ||

Katamaa ca bhikkhave adhisiilasikkhaa?|| ||

Idha bhikkhave bhakkhuu siilavaa hoti||
paatimokkha-sa.mvara-sa.mvuto viharati||
aacaara-gocara-sampanno a.numattesu vajjesu bhaya-dassaavii||
samaadaaya sikkhati sikkhaa-padesu.|| ||

Aya.m vuccati bhikkhave adhisiila-sikkhaa.|| ||

Katamaa ca bhikhave adhicitta-sikkhaa.|| ||

Idha, bhikkhave, bhikkhuu vivicc'eva kaamehi||
vivicc'eva kaamehi||
vivicca akusalehi dhammehi||
savitakka.m||
savicaara.m||
vivekaja.m piiti-sukha.m||
pa.thama.m-jhaana.m upasampajja viharati.|| ||

Vitakka-vicaaraana.m vuupasamaa||
ajjhatta.m sampasaadana.m||
cetaso ekodi-bhaava.m||
avitakka.m||
avicaara.m||
samaadhija.m piiti-sukha.m||
dutiya.m-jhaana.m upasampajja viharati.|| ||

Piitiyaa ca||
viraagaa upekkhako ca||
viharati sato ca||
sampajaano sukha.m ca||
kaayena pa.tisa'nvedeti,||
ya.m ta.m ariyaa aacikkhan ti.|| ||

'Upekkhako satimaa sukhavihaari' ti|| ||

ta.m tatiya.m-jhaana.m upasampajja viharati.|| ||

Sukhassa ca pahaa.naa||
dukkhassa ca pahaa.naa||
pubb'eva somanassa-domanassaana.m attha'ngamaa||
adukka.m||
asukha.m||
upekkhaa-sati-paarisuddhi.m||
catuttha.m-jhaana.m upasampajja viharati.|| ||

Aya.m vuccati bhikkhave adhictta-sikkhaa.|| ||

Katamaa ca bhikkhave adhipa~n~naa-sikkhaa?|| ||

Idha bhikkhave bhikkhuu||
"Ida.m dukkhan" ti yathaabhuuta.m pajaanaati;||
"Aya.m dukkhasamudayo" ti yathaabhuuta.m pajaaniti;||
"Aya.m dukkhanirodha" ti yathaabhuuta.m pajaaniti;||
"Aya.m dukkhanirodhagaaminii pa.tipadaa" ti yathaabhuuta.m pajaanaati.|| ||

Aya.m vuccati bhikkhave adhipa~n~naasikkhaa.|| ||

Imaa ko bhikkhave tisso sikkhaa ti.|| ||

 


Contact:
E-mail
Copyright Statement