Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
X. Lo.naphala Vagga

Sutta 97

Potthaka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[246]

[97.1][pts] Eva.m me suta.m.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Navo pi bhikkhave potthako dubba.n.no ca hoti dukkhasamphasso ca appaggho ca.|| ||

Majjhimo pi bhikkhave potthako dubba.n.no ca hoti dukkhasamphasso ca appaggho ca.|| ||

Ji.n.no pi bhikkhave potthako dubba.n.no ca hoti dukkhasamphasso ca appaggho ca.|| ||

Ji.n.nam pi bhikkhave potthaka.m upakkhaliparimaddana.m vaa karonti sa'nkaarakuu.te vaa ta.m cha.d.denti.|| ||

2. Evam eva ko bhikkhave navo ce pi bhikkhu hoti dussiilo paapadhammo,||
idam assa dubba.n.nataaya vadaami.|| ||

[247] Seyyathaa pi so bhikkhave potthako dubba.n.no,||
tathuupamaaha.m bhikkhave ima.m puggala.m vadaami.|| ||

Ye kho pan'assa sevanti bhajanti payirupaasanti,||
di.t.thaanugati.m aapajjanti,||
tesa.m ta.m hoti digharatta.m ahitaaya dukkhaaya.|| ||

Idam assa dukkhasamphassataaya vadaami.|| ||

Seyyathaa pi so bhikkhave potthako dukkhasamphasso,||
tathuupamaaha.m bhikkhave ima.m puggala.m vadaami.|| ||

Yesa.m kho pana patiga.nhaati ciivara-pin.dapaata-senaasanagilaana-paccaya-bhesajja-parikkhaara.m,||
tesa.m ta.m na mahapphala.m hoti||
na mahaanisa.msa.m.|| ||

Idam assa appagghataaya vadaami.|| ||

Seyyathaa pi so bhikkhave potthako appaggho,||
tathuupamaaha.m bhikkhave ima.m puggala.m vadaami.|| ||

3. Majjhimo ce pi bhikkhave navo ce pi bhikkhu hoti dussiilo paapadhammo,||
idam assa dubba.n.nataaya vadaami.|| ||

Seyyathaa pi so bhikkhave potthako dubba.n.no,||
tathuupamaaha.m bhikkhave ima.m puggala.m vadaami.|| ||

Ye kho pan'assa sevanti bhajanti payirupaasanti,||
di.t.thaanugati.m aapajjanti,||
tesa.m ta.m hoti digharatta.m ahitaaya dukkhaaya.|| ||

Idam assa dukkhasamphassataaya vadaami.|| ||

Seyyathaa pi so bhikkhave potthako dukkhasamphasso,||
tathuupamaaha.m bhikkhave ima.m puggala.m vadaami.|| ||

Yesa.m kho pana patiga.nhaati ciivara-pin.dapaata-senaasanagilaana-paccaya-bhesajja-parikkhaara.m,||
tesa.m ta.m na mahapphala.m hoti||
na mahaanisa.msa.m.|| ||

Idam assa appagghataaya vadaami.|| ||

Seyyathaa pi so bhikkhave potthako appaggho,||
tathuupamaaha.m bhikkhave ima.m puggala.m vadaami.|| ||

4. Thero ce pi bhikkhave bhikkhuu hoti hoti dussiilo paapadhammo,||
idam assa dubba.n.nataaya vadaami.|| ||

Seyyathaa pi so bhikkhave potthako dubba.n.no,||
tathuupamaaha.m bhikkhave ima.m puggala.m vadaami.|| ||

Ye kho pan'assa sevanti bhajanti payirupaasanti,||
di.t.thaanugati.m aapajjanti,||
tesa.m ta.m hoti digharatta.m ahitaaya dukkhaaya.|| ||

Idam assa dukkhasamphassataaya vadaami.|| ||

Seyyathaa pi so bhikkhave potthako dukkhasamphasso,||
tathuupamaaha.m bhikkhave ima.m puggala.m vadaami.|| ||

Yesa.m kho pana patiga.nhaati ciivara-pin.dapaata-senaasanagilaana-paccaya-bhesajja-parikkhaara.m,||
tesa.m ta.m na mahapphala.m hoti||
na mahaanisa.msa.m.|| ||

Idam assa appagghataaya vadaami.|| ||

Seyyathaa pi so bhikkhave potthako appaggho,||
tathuupamaaha.m bhikkhave ima.m puggala.m vadaami.|| ||

Evaruupo caaya.m bhikkhave thero bhikkhuu sa'nghamajjhe bha.nati.|| ||

Tam ena.m bhikkhuu evam aaha.msu:|| ||

Ki.m kho tuyha.m baalassa avyattassa bha.nitena,||
tvam pi naama bha.nitabba.m ma~n~nasii ti?|| ||

So kupito anattamano tathaa-ruupi.m vaaca.m nicchaareti yathaaruupaaya vaacaaya sa'ngho ta.m ukkhipati sa'nkaaraku.teva na.m potthaka.m.|| ||

 


[247]

Sutta 98

Kaasika.m Vattha.m Sutta.m

[98.1][pts] Eva.m me suta.m.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Navam pi bhikkhave Kaasika.m vattha.m va.n.navanta~n c'eva hoti sukhasamphassa~n ca mahagagha~n ca.|| ||

Majjhimam pi [248] bhikkhave Kaasika.m vattha.m va.n.navanta~n c'eva hoti sukhasamphassa~n ca mahagacha~n ca.|| ||

Ji.n.nam pi bhikkhave Kaasika.m vattha.m va.n.navanta.m c'eva hoti sukhasamphassa~n ca mahagagha~n ca.|| ||

Ji.n.nam pi bhikkhave Kaasika.m vattha.m ratanapalive.thana.m vaa karonti,||
gandhakara.n.dake vaa na.m nikkhipanti.|| ||

2. Evam eva kho bhikkhave navo ce pi bhikkhu hoti siilavaa kalyaa.nadhammo,||
idam assa suvan.nataaya vadaami.|| ||

Seyyathaa pi, bhikkhave, Kaasika.m vattha.m va.n.navanta.m||
tathuupamaaha.m bhikkhave ima.m puggala.m vadaami.|| ||

Ye kho pan'assa sevanti bhajanti payirupaasanti di.t.thaanugati.m aapajjanti,||
tesa.m ta.m hoti diigha-ratta.m hitaaya sukhaaya.|| ||

Idam assa sukhasamphassataaya vadaami.|| ||

Seyyathaa pi ta.m bhikkhave Kaasika.m vattha.m sukhasamphassa.m,||
tathuupamaaha.m bhikkhave ima.m puggala.m vadaami.|| ||

Yesa.m kho pana so pa.tiga.nhaati ciivara-pi.n.dapaata-senaasanagilaana-paccaya-bhesajja-parikkhaara.m,||
tesa.m ta.m mahapphala.m hoti mahaanisa.msa.m.|| ||

Idam assa mahagghataaya vadaami.|| ||

Seyyathaa pi ta.m bhikkhave Kaasika.m vattha.m mahaggha.m,||
tathuupamaaha.m bhikkhave ima.m puggala.m vadimi.|| ||

3. Majjhimo ce pi bhikkhave bhikkhu hoti siilavaa kalyaa.nadhammo,||
idam assa suvan.nataaya vadaami.|| ||

Seyyathaa pi, bhikkhave, Kaasika.m vattha.m va.n.navanta.m||
tathuupamaaha.m bhikkhave ima.m puggala.m vadaami.|| ||

Ye kho pan'assa sevanti bhajanti payirupaasanti di.t.thaanugati.m aapajjanti,||
tesa.m ta.m hoti diigha-ratta.m hitaaya sukhaaya.|| ||

Idam assa sukhasamphassataaya vadaami.|| ||

Seyyathaa pi ta.m bhikkhave Kaasika.m vattha.m sukhasamphassa.m,||
tathuupamaaha.m bhikkhave ima.m puggala.m vadaami.|| ||

Yesa.m kho pana so pa.tiga.nhaati ciivara-pi.n.dapaata-senaasanagilaana-paccaya-bhesajja-parikkhaara.m,||
tesa.m ta.m mahapphala.m hoti mahaanisa.msa.m.|| ||

Idam assa mahagghataaya vadaami.|| ||

Seyyathaa pi ta.m bhikkhave Kaasika.m vattha.m mahaggha.m,||
tathuupamaaha.m bhikkhave ima.m puggala.m vadimi.|| ||

4. Thero ce pi bhikkhave bhikkhu hoti siilavaa kalyaa.nadhammo,||
idam assa suvan.nataaya vadaami.|| ||

Seyyathaa pi, bhikkhave, Kaasika.m vattha.m va.n.navanta.m||
tathuupamaaha.m bhikkhave ima.m puggala.m vadaami.|| ||

Ye kho pan'assa sevanti bhajanti payirupaasanti di.t.thaanugati.m aapajjanti,||
tesa.m ta.m hoti diigha-ratta.m hitaaya sukhaaya.|| ||

Idam assa sukhasamphassataaya vadaami.|| ||

Seyyathaa pi ta.m bhikkhave Kaasika.m vattha.m sukhasamphassa.m,||
tathuupamaaha.m bhikkhave ima.m puggala.m vadaami.|| ||

Yesa.m kho pana so pa.tiga.nhaati ciivara-pi.n.dapaata-senaasanagilaana-paccaya-bhesajja-parikkhaara.m,||
tesa.m ta.m mahapphala.m hoti mahaanisa.msa.m.|| ||

Idam assa mahagghataaya vadaami.|| ||

Seyyathaa pi ta.m bhikkhave Kaasika.m vattha.m mahaggha.m,||
tathuupamaaha.m bhikkhave ima.m puggala.m vadimi.|| ||

5. Evaruupo caaya.m bhikkhave thero bhikkhu sa'nghamajjhe [249] bha.nati,||
tam ena.m bhikkhuu evam aaha.msu: -||
appasaddaa aayasmanto hotha,||
thero bhikkhuu dhamma~n ca vinaya~n ca bha.natii ti.|| ||

[Tassa ta.m vacana.m aadheyya.m gacchati gandha-kara.n.dake va na.m Kaasikavattha.m nikkhipanti.|| ||]

Tasmaat iha bhikkhave eva.m sikkhitabba.m:||
'Kaasikavatthuupamaa bhavissaama na pothakuupamaa' ti.|| ||

Eva.m hi vo bhikkhave sikkhitabban ti.|| ||

 


Contact:
E-mail
Copyright Statement