Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XI. Sambodhi Vagga

Sutta 101

Pubbeva Sambodha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[258]

[1][pts] Eva.m me suta.m.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Pubbe va me bhikhave sambodhaa anabhisambuddhassa bodhisattass'eva sato etad ahosi:|| ||

Ko nu kho loke assaado,||
ko aadinavo,||
ki.m nissara.nan ti?|| ||

Tassa mayha.m bhikkhave etad ahosi:|| ||

Ya.m kho loke pa.ticca uppajjati sukha.m somanassa.m,||
aya.m loke assaado.|| ||

Ya.m loke anicco dukkho vipari.naama-dhammo,||
aya.m loke aadiinavo.|| ||

Ya.m loke chandaraagavinayo chandaraagappahaana.m,||
ida.m loke nissara.nan ti.|| ||

2. Yaavakiiva~n caaha.m bikkhave eva.m lokassa assaada~n ca [259] assaadato aadiinava~n ca aadiinavato nissara.na~n ca nissara.nato yathaabhuuta.m naa abbha~n~naasi.m,||
n'eva taavaaha.m bhikkhave sadevake loke samarake sabrahmake sassama.na-braahma.niyaa pajaaya sadeva-manussaaya anuttara.m sammaasambodhi.m abhisambuddo pacca~n~naasi.m.|| ||

Yato ca kho aha.m bhikkhave eva.m lokassa assaada~n ca assaadato aadiinava~n ca aadiinavato nissara.na~n ca nissara.nato yathaabhuuta.m abbha~n~naasi.m,||
athaaha.m bhikkhave sadevake loke samaarake sabrahmake sassama.na-braahma.niyaa pajaaya sadeva-manussaaya anuttara.m sammaasambodhi.m abhisambuddho pacca~n~naasi.m.|| ||

~Naa.na~n ca pana me dassana.m udapaadi:|| ||

Akuppaa me cetevimutti.|| ||

Ayam antimaa jaati.|| ||

N'atthi daani punabbhavo ti.|| ||

3. Lokassaaha.m bhikkhave assaadapariyesana.m avari.m.|| ||

Yo loke assaado,||
tad ajjhagama.m.|| ||

Yaavatako loke assaado,||
pa~n~naaya me so sudi.t.tho.|| ||

Lokassaaha.m bhikkhave aadiinavapariyesana.m acari.m.|| ||

Yo loke aadiinavo,||
tadajjhagama.m.|| ||

Yaavatako loke aadiinavo,||
pa~n~naaya me eso sudi.t.tho.|| ||

Lokassaaha.m bhikkhave nissara.napariyesana.m acari.m.|| ||

Ya.m loke nissara.na.m,||
tadajjhagama.m.|| ||

Yaavataka.m loke nissara.na.m,||
pa~n~naaya me eta.m sudi.t.tha.m.|| ||

4. Yaavakiiva~n caaha.m bikkhave eva.m lokassa assaada~n ca assaadato aadiinava~n ca aadiinavato nissara.na~n ca nissara.nato yathaabhuuta.m naa abbha~n~naasi.m,||
n'eva taavaaha.m bhikkhave sadevake loke samarake sabrahmake sassama.na-braahma.niyaa pajaaya sadeva-manussaaya anuttara.m sammaasambodhi.m abhisambuddo pacca~n~naasi.m.|| ||

Yato ca kho aha.m bhikkhave eva.m lokassa assaada~n ca assaadato aadiinava~n ca aadiinavato nissara.na~n ca nissara.nato yathaabhuuta.m abbha~n~naasi.m,||
athaaha.m bhikkhave sadevake loke samaarake sabrahmake sassama.na-braahma.niyaa pajaaya sadeva-manussaaya anuttara.m sammaasambodhi.m abhisambuddho pacca~n~naasi.m.|| ||

~Naa.na~n ca pana me dassana.m udapaadi:|| ||

Akuppaa me cetevimutti.|| ||

Ayam antimaa jaati.|| ||

N'atthi daani punabbhavo ti.|| ||

 


Contact:
E-mail
Copyright Statement