Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XI. Sambodhi Vagga

Sutta 102

Assaada Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[260]

[1][pts] Eva.m me suta.m.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

No ce ta.m bhikkhave loke assaado abhavissa,||
na-y-ida.m sattaa loke saarajjeya yu.m.|| ||

Yasmaa ca kho bhikkhave atthi loke assaado,||
tasmaa sattaa loke saarajjanati.|| ||

No ce ta.m bhikkhave loke aadiinavo abhavissa,||
na-y-ida.m sattaa loke nibbindeyyu.m.|| ||

Yasmaa ca kho bhikkhave atthi loke aadiinavo,||
tasmaa sattaa loke nibbindanti.|| ||

No ce ta.m bhikkhave loke nissara.na.m abhavissa,||
na-y-ida.m sattaa loke nissareyyu.m.|| ||

Yasmaa ca kho bhikkhave atthi loke nissara.na.m,||
tasmaa sattaa lokambhaa nissaranti.|| ||

Yaavakiiva~n caa bhikkhave sattaa lokassa assaada~n ca assaadato aadiinava~n ca aadiinavato nissara.na~n ca nissara.nato yathaabhuuta.m na abbha~n~naasu.m,||
n'eva taava bhikkhave sattaa sadevake lokaa samaarake sabrahmake -||
sassama.nabraahma.niyaa pajaaya sadevamanussaaya nissa.taa visa'nyuttaa vippamuttaa vimariyaadikatena cetasaa vihari.msu.|| ||

Yato ca kho bhikkhave sattaa lokassa assaada~n ca assaadato aadiinava~n ca aadiinavato nissara.na~n ca nissara.nato yathaabhuuta.m abbha~n~naasu.m,||
atha bhikkhave sattaa sadevake lokaa samaarake sabrahmake -||
sassama.nabraahma.niyaa pajaaya sadevamanussaaya nissa.taa visa'nyuttaa vippamuttaa vimariyaadikatena cetasaa viharantii ti.|| ||

Ye hi keci, bhikkhave,||
sama.naa vaa braahma.naa vaa lokassa assaada~n ca assaadato aadiinava~n ca aadanavato nissara.na~n ca nissara.nato yathaabhuuta.m nappajaananti,||
na me te kho bhikkhave sama.naa vaa braahma.naa vaa sama.nesu vaa sama.nasammataa,||
braahma.nesu vaa braahma.nasammataa.|| ||

Na ca pana te aayasmanto saama~n~nattha.m vaa brahma~n~nattha.m vaa di.t.the va dhamme saya.m abhi~n~naa sacchikatvaa upasampajja viharanti.|| ||

Ye ca kho keci bhikkhave sama.naa vaa braahma.naa vaa lokassa assaada~n ca assaadato aadiinava~n ca aadanavato nissara.na~n ca nissara.nato yathaabhuuta.m pajaananti,||
te kho bhikkhave sama.naa vaa braahma.naa vaa sama.nesu vaa sama.nasammataa,||
braahma.nesu vaa braahma.nasammataa.|| ||

Te ca pan'aayasmanto saama~n~nattha~n ca vaa brahma~n~nattha~n ca di.t.the va dhamme saya.m abhi~n~naa sacchikatvaa upasampajja viharantii ti.|| ||

 


Contact:
E-mail
Copyright Statement