Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XI. Sambodhi Vagga

Sutta 106

Kuta (2) (Byaapanna) Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[262]

[1][pts][olds] Atha kho Anaathapi.n.dako gahapati yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m ko Anaathapi.n.dika.m gahapati.m Bhagavaa etad avoca:|| ||

"Citte gahapati vyaapanne kaaya-kammam pi vyaapanna.m hoti.|| ||

Vacii-kammam pi vyaapanna.m hoti.|| ||

Mano-kammam pi vyaapanna.m hoti.|| ||

Tassa vyaapanna-kaaya-kammantassa vyaapanna-vacii-kammantassa vyaapanna-mano-kammantassa na bhaddaka.m mara.na.m hoti.|| ||

Na bhaddikaa kaalakiriyaa.|| ||

Seyyathaa pi gahapati kuu.taagaare ducchanne kuu.tam pi vyaapanna.m hoti gopanasiyo pi vyaapannaa honti.|| ||

Bhittii pi vyaapannaa hoti.|| ||

Evam eva kho gahapati citte vyaapanne-kaaya-kammam pi vyaapanna.m hoti.|| ||

Vacii-kammam pi vayaapanna.m hoti.|| ||

Mano-kammam pi vyaapanna.m hoti.|| ||

Tassa vyaapanna-kaaya-kammantassa vyaapanna-vacii-kammantassa vyaapanna-mano-kammantassa na bhaddaka.m mara.na.m hoti.|| ||

Na bhaddikaa kaala-kiriyaa.|| ||

Citte gahapati avyaapanne kaaya-kammam pi avyaapanna.m hoti.|| ||

Vacii-kammam pi avyaapanna.m hoti.|| ||

Mano-kammam pi avyaapanna.m hoti.|| ||

Tassa avyaapanna-kaaya-kammantassa avyaapanna-vacii-kammantassa avyaapanna-mano kammantassa bhaddaka.m mara.na.m hoti.|| ||

Bhaddikaa kaala-kiriyaa.|| ||

Seyyathaa pi gahapati kuu.taagaare succhanne kuu.tam pi avyaapanna.m hoti.|| ||

[263] Gopaanasiyo pi avaapannaa honti.|| ||

Bittii pi avyaapannaa hoti.|| ||

Evam eva kho gahapati citte avyaapanne-kaaya-kammam pi avyaapanna.m hoti,||
vacii-kammam pi avayaapanna.m hoti,||
mano-kammam pi avyaapanna.m hoti.|| ||

Tassa avyaapanna-kaaya-kammantassa||
avyaapanna-vacii-kammantassa||
avyaapanna-mano-kammantassa||
bhaddaka.m mara.na.m hoti.|| ||

Bhaddikaa kaalakiriyaa ti.|| ||

 


Contact:
E-mail
Copyright Statement