Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XI. Sambodhi Vagga

Sutta 109

Tatiya Nidaana Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[264]

[1][pts] Eva.m me suta.m.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Tii.n'imaani bikkhave nidaanaani kammaana.m samudayaaya.|| ||

Katamaani tiini?|| ||

Atiite bhikkave chandaraaga.t.thaaniiye dhamme aarabbha chando jaayati.|| ||

Anaagate bhikkhave chandaraaga.t.thaaniiye dhamme aarabbha chando jaayati.|| ||

Paccuppanne bikkhave chandaraaga.t.thaaniiye dhamme aarabbha chando jaayati.|| ||

2. Katha~n ca bhikkhave atiite chandaraaga.t.thaaniiye dhamme aarabbha chando jaayati?|| ||

Atiite bhikkave chandaraaga.t.thaaniiye dhamme aarabbha cetasaa anuvitakketi anuvicaareti.|| ||

Tassa atiite chandaraaga.t.thaaniiye dhamme aarabbha cetasaa anuvitakkayato anuvicaarayato chando jaayati.|| ||

Chandajaato tehi dhammehi sa~n~nutto hoti.|| ||

Etaha.m bikkhave sa~n~nojana.m vadaami,||
yo cetaso saaraago.|| ||

Eva.m kho bhikkhave atiite chandaraaga.t.thaaniiye dhamme aarabbha chando jaayati.|| ||

3. Katha~n ca bhikkhave anaagate chandaraaga.t.thaaniiye dhamme aarabbha chando jaayati?|| ||

Anaagate bhikkave chandaraaga.t.thaaniiye dhamme aarabbha cetasaa anuvitakketi anuvicaareti.|| ||

Tassa anaagate chandaraaga.t.thaaniiye dhamme aarabbha cetasaa anuvitakkayato anuvicaarayato chando jaayati.|| ||

Chandajaato tehi dhammehi sa~n~nutto hoti.|| ||

Etaha.m bhikkhave sa~n~nojana.m vadaami,||
yo cetaso saaraago.|| ||

Eva.m kho bhikkhave anaagate chandaraaga.t.thaaniiye dhamme aarabbha chando jaayati.|| ||

4. Katha~n ca bhikkhave paccuppanne chandaraaga.t.thaaniiye dhamme aarabbha chando jaayati?|| ||

Paccuppanne bhikkave chandaraaga.t.thaaniiye dhamme aarabbha cetasaa anuvitakketi anuvicaareti.|| ||

Tassa paccuppanne chandaraaga.t.thaaniiye dhamme aarabbha cetasaa anuvitakkayato anuvicaarayato chando jaayati.|| ||

Chandajaato tehi dhammehi sa~n~nutto hoti.|| ||

Etaha.m bhikkhave sa~n~nojana.m vadaami,||
yo cetaso saaraago.|| ||

Eva.m kho bhikkhave paccuppanne chandaraaga.t.thaaniiye dhamme aarabbha chando jaayati.|| ||

Imaani kho bikkhave tii.ni nidaanaani kammaana.m samudayaayaati.|| ||

 


Contact:
E-mail
Copyright Statement