Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XII. Aapaayika Vagga

Sutta 114

Aane~nja Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[267]

[1][pts][olds] Eva.m me suta.m.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Tayo'me bhikkave puggalaa santo sa.mvijjamaanaa lokasmi.m.|| ||

Katame tayo?|| ||

Idha, bhikkhave, ekacco puggalo sabbaso ruupa-sa~n~naana.m samatikkamaa||
pa.tigha-sa~n~naana.m attha'ngamaa,||
naanaatta-sa~n~naana.m amanasi-kaaraa||
'ananto aakaaso' ti||
aakaasaana~ncaayatana.m upasampajja viharati.|| ||

So tad assaadeti tan nikaameti,||
tena ca vitti.m aapajjati.|| ||

Tatra .thito tad adhimutto tabbahula-vihaarii aparihino kaala.m kurumaano aakaasaana~ncaayatan'uupagaana.m devaana.m sahavyata.m upapajjati.|| ||

Aakaasaana~ncaayatanuupagaana.m bhikkhave devaana.m viisati.m kappasahassaani aayuppamaa.na.m.|| ||

Tatra puthujjano yaavataayuka.m .thatvaa yaavataka.m tesa.m devaana.m aayuppamaana.m,||
ta.m sabba.m khepetvaa nirayam pi gacchati,||
tiracchaanayonim pi gacchati,||
pettivisayam pi gacchati.|| ||

Bhagavato pana saavako tattha yaavataayuka.m .thatvaa yaavataka.m tesa.m devaana.m aayuppamaana.m,||
ta.m sabba.m khepetvaa tasmi.m yeva bhave parinibbaaya ti.|| ||

Aya.m ko bhikkhave viseso,||
aya.m adhippaayoso,||
ida.m naanaakarana.m sutavato ariyasaavakassa assutavataa puthujjanena yad ida.m gatiyaa upapattiyaa sati.|| ||

[2][pts][olds] Puna ca para.m bhikkhave idh'ekacco puggalo sabbaso aakaasaana~ncaayatana.m samatikkamma||
'Ananta.m vi~n~naa.nan' ti||
vi~n~naa.na~ncaayatana.m upasampajja viharati.|| ||

So tad assaadeti tan nikaameti,||
tena ca vitti.m aapajjati.|| ||

Tatra .thito tad adhimutto tabbahulavihaarii aparihino kaala.m kurumaano vi~n~naa.na~ncaayatanuupagaana.m devaana.m sahavyata.m upapajjati.|| ||

Vi~n~naa.na~ncaayatanuupagaana.m bhikkhave devaana.m cattaariisa.m kappasahassaani aayuppamaa.na.m.|| ||

Tattha puthujjano yaavataayuka.m .thatvaa yaavataka.m tesa.m devaana.m aayuppamaana.m,||
ta.m sabba.m khepetvaa nirayam pi gacchati,||
tiracchaanayonim pi gacchati,||
pettivisayam pi gacchati.|| ||

Bhagavato pana saavako tattha yaavataayuka.m .thatvaa yaavataka.m tesa.m devaana.m aayuppamaana.m,||
ta.m sabba.m khepetvaa tasmi.m yeva bhave parinibbaayati.|| ||

Aya.m kho bhikkhave viseso,||
aya.m adhippaayo,||
ida.m naanaakara.na.m [268] sutavato ariyasaavakassa assutavataa puthujjanena yad ida.m gatiyaa upapattiyaa sati.|| ||

[3][pts][olds] Puna ca para.m bhikkhave idh'ekacco puggalo sabbaso vi~n~naa.na~ncaayatana.m samatikkamma 'N'atthi ki~nci' ti aaki~nca~n~naayatana.m upasampajja viharati.|| ||

So tad assaadeti tan nikaameti,||
tena ca vitti.m aapajjati.|| ||

Tatra .thito tad adhimutto tabbahulavihaarii aparihino kaala.m kurumaano aaki~nca~n~naayatanuupagaana.m devaana.m sahavyata.m upapajjati.|| ||

Aaki~nca~n~naayatanuupagaana.m bhikkhave devaana.m sa.t.thi.m kappasahassaani aayuppamaa.na.m.|| ||

Tattha puthujjano yaavataayuka.m .thatvaa yaavataka.m tesa.m devaana.m aayuppamaana.m,||
ta.m sabba.m khepetvaa nirayam pi gacchati,||
tiracchaanayonim pi gacchati,||
pettivisayam pi gacchati.|| ||

Bhagavato pana saavako tattha yaavataayuka.m .thatvaa yaavataka.m tesa.m devaana.m aayuppamaana.m,||
ta.m sabba.m khepetvaa tasmi.m yeva bhave parinibbaayati.|| ||

Aya.m ko bhikkhave viseso,||
aya.m adhippaayoso,||
ida.m naanaakarana.m sutavato ariyasaavakassa assutavataa puthujjanena yad ida.m gatiyaa upapattiyaa sati.|| ||

Ime ko bikkhave tayo puggalaa santo sa.mvijjamaanaa lokasmin ti.|| ||

 


Contact:
E-mail
Copyright Statement