Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XII. Aapaayika Vagga

Sutta 116

Apa~n~naka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[270]

[1][pts] Eva.m me suta.m.|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Tisso imaa bhikkhave vipattiyo.|| ||

Katamaa tisso?|| ||

Silavipatti,||
cittavipatti,||
di.t.thivipatti.|| ||

Katamaa ca bhikkhave siilavipatti?|| ||

Idha, bhikkhave, ekacco paa.naatipaatii hoti,||
adinnaadaayii hoti,||
kaamesumucchaacaarii hoti,||
musaavaadii hoti.|| ||

Pisu.naavaaco hoti,||
pharusaavaaco hoti,||
samphappalaapii hoti.|| ||

Aya.m vuccati bhikkhave siilavipatti.|| ||

Katamaa ca bhikkhave cittavipatti?|| ||

Idha, bhikkhave, ekacco abhijjhaaluu hoti:||
vyaapannacitto hoti,||
aya.m vuccati bhikkhave citta vipatti.|| ||

Katamaa ca bhikkhave di.t.thivipatti?|| ||

Idha, bhikkhave, ekacco micchaadi.t.thiko hoti.|| ||

Vipariitadassano n'atthi dinna.m,||
n'atthi yi.t.tha.m,||
n'atthi huta.m,||
n'atthi suka.ta-dukka.taana.m kammaana.m phala.m vipaako,||
n'atthi aya.m loko,||
n'atthi paroloko,||
natti maataa,||
n'atthi pitaa,||
natti sattaa opapaatikaa,||
natti loke sama.na-braahma.naa sammaggataa sammaapa.tipannaa,||
ye ima~n ca loka.m para~nca loka.m saya.m abhi~n~naa sacchikatvaa pavedentii ti.|| ||

Aya.m vuccati bhikkave di.t.thivipatti.|| ||

Seyyathaa pi, bhikkhave, apa.n.nako ma.ni uddha.m khitto yena yen'eva pati.t.thaati,||
suppati.t.thita.m yeva pati.t.thaati.|| ||

Evam eva kho bhikkhave silavipatti hetu vaa sattaa kaayassa bhedaa param mara.naa apaaya.m duggati.m viniipaata.m Niraya.m upapajjanti.|| ||

Cittavipattihetu vaa bhikkhave sattaa kaayassa bhedaa param mara.naa apaaya.m duggati.m vinipaata.m Niraya.m upapajjanti.|| ||

Di.t.thipittihetu vaa bhikkhave sattaa kaayassa bhedaaparam mara.naa apaaya.m duggati.m vinipaata.m Niraya.m upapajjanti.|| ||

Imaa ko bhikkhave tisso vipattiyoti.|| ||

Tisso imaa bhikkave sampadaa.|| ||

Katamaa tisso? siilasampadaa cittasampadaa di.t.thisampadaa.|| ||

Katamaa ca bhikkhave suulasampadaa?|| ||

Idha, bhikkhave, ekacco paa.naatipaataa pa.tivirato hoti,||
adinnaadaanaa pa.tivirato hoti,||
kaamesu micchaacaaraa pa.tivirato hoti,||
musaa-vaadaa pa.tivirato hoti,||
pusu.naavaacaa pa.tivirato hoti,||
pharusaavaacaa pa.tivarato hoti,||
samphappalaapaa pa.tivirato hoti.|| ||

Aya.m vuccati bhikkave siilasampadaa.|| ||

Katamaa ca bhikkhave cittasampadaa?|| ||

Idha, bhikkhave, ekacco anabhijjhaluu hoti,||
avyaapannacitto hoti.|| ||

Aya.m vuccati bhikkhave cittasampadaa.|| ||

Katamaa ca bhikkhave di.t.thisampadaa?|| ||

Idha, bhikkhave, ekacco sammaadi.t.thiko hoti aviparitadassano: atthi dinna.m,||
atthi yi.t.tha.m,||
atthi huta.m,||
atthi sukamadukkamaana.m kammaana.m phala.m vipaako,||
atthi aya.m loko,||
atthi paro loko,||
atthi maataa,||
atthi pitaa,||
atti sattaa opapaatikaa,||
atthi loke sama.na-braahma.naa sammaggataa sammaapa.tipannaa ye ima~n ca loka.m para~nca loka.m saya.m abhi~n~naa sacchikatvaa pavedentii ti.|| ||

Aya.m vuccati bhikkhave di.t.thisampadaa.|| ||

Seyyathaa pi, bhikkhave, apa.n.nako ma.ni uddha.m khitto yena yen'eva pati.t.thaati,||
suppati.t.thita.m yeva pati.t.thaati.|| ||

Evam eva kho bhikkhave silasampadaahetu vaa sattaa kaayassa bhedaa param mara.naa sugati.m sagga.m loka.m upapajjanti.|| ||

Cittavipattihetu vaa bhikkhave sattaa kaayassa bhedaa param mara.naa apaaya.m duggati.m vinipaata.m Niraya.m upapajjanti.|| ||

Di.t.thipittihetu vaa bhikkhave sattaa kaayassa bhedaaparam mara.naa apaaya.m duggati.m vinipaata.m Niraya.m upapajjanti.|| ||

Imaa kho bhikkhave tisso sampadaati.|| ||

 


Contact:
E-mail
Copyright Statement