Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XIII. Kusinaara Vagga

Sutta 124

Bhara.n.dukaalaama Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[276]

[1][pts] Eva.m me suta.m:|| ||

Eka.m samaya.m Bhagavaa Kosalosu caarika.m caramaano yena Kapilavatthu tad avasari.|| ||

Assosi kho Mahaanaamo Sakko Bhagavaa kira Kapilavatthu.m anuppatto ti.|| ||

Atha kho Mahaanaamo Sakko yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m a.t.thaasi.|| ||

Eka-m-anta.m .thita.m kho Mahaanaama.m Sakka.m Bhagavaa etad avoca:|| ||

"Gaccha Mahaanaama, Kapilavatthusmi.m tathaaruupa.m aavasatha.m jaana,||
yatth'ajja maya.m ekaratti.m vihareyyaamaa" ti.|| ||

[277] "Eva.m bhante" ti kho Mahaanaamo Sakko Bhagavato pa.tissutvaa Kapilavatthu.m pavisitvaa kevalakappa.m Kapilavatthu.m anvaabhi.n.danto na addasa Kapilavatthusmi.m tathaaruupa.m aavasatha.m yattha Bhagavaa ekaratti.m vihareyya.|| ||

Atha ko Mahaanaamo Sakko yena Bhagavaa ten'upasa'nkami.|| ||

Upasa'nkamitvaa Bhagavanta.m etad avoca:|| ||

2. "N'atthi bhante Kapilavatthusmi.m tathaaruupo aavasato yatth'ajja Bhagavaa ekaratti.m vihareyya.|| ||

Aya.m bhante Bhara.n.du Kaalaamo Bhagavato puraa.nasabrahmacaarii.|| ||

Tass'ajja Bhagavaa assame ekaratti.m viharatuu" ti.|| ||

"Gaccha Mahaanaama, satthara.m pa~n~naapehii" ti.|| ||

"Eva.m bhante" ti kho Mahaanaamo Sakko Bhagavato pa.tissutvaa yena Bhara.n.dukassa Kaalaamassa assamo ten'upasa'nkami.|| ||

Upasa'nkamitvaa satthara.m pa~n~naapetvaa udaka.m .thapetvaa paadaana.m dhovanaaya yena Bhagavaa ten'upasa'nkami.|| ||

Upasa'nkamitvaa Bhagavanta.m etad avoca:|| ||

"Santhato bhante santhaaro,||
udaka.m .thapita.m paadaana.m dhovanaaya.|| ||

Yassa daani bhante Bhagavaa kaala.m ma~n~natii" ti.|| ||

3. Atha kho Bhagavaa yena Bhara.n.dukassa Kaalaamassa assamo ten'upasa'nkami.|| ||

Upasa'nakamitvaa pa~n~natte aasane nisiidi.|| ||

Nisajja kho Bhagavaa paade pakkhaalesi.|| ||

Atha kho Mahaanaamassa Sakkassa etad ahosi:|| ||

Akaalo kho ajja Bhagavanta.m payirupaasitu.m,||
kilanto Bhagavaa,||
sve daanaaha.m Bhagavanta.m payirupaasissaamiiti.|| ||

Bhagavanta.m abhivaadetvaa padakkhi.na.m katvaa pakkaami.|| ||

Atha kho Mahaanaamo Sakko tassaa rattiyaa accayena yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho Mahaanaama.m Sakka.m Bhagavaa etad avoca:|| ||

"Tayo ko'me Mahaanaama sattaaro santo savijjamaanaa lokasmi.m.|| ||

Katame tayo?|| ||

Idha Mahaanaama ekacco satthaa kaamaana.m pari~n~na.m pa~n~naapeti,||
na ruupaana.m pari~n~na.m pa~n~naapeti,||
na vedanaana.m pari~n~na.m pa~n~naapeti.|| ||

Idha pana Mahaanaama ekacco satthaa kaamaana.m pari~n~na.m pa~n~naapeti,||
ruupaana.m pari~n~na.m pa~n~naapeti,||
na vedanaana.m [278] pari~n~na.m pa~n~naapeti.|| ||

Idha pana Mahaanaama ekacco satthaa kaamaana.m pari~n~na.m pa~n~naapeti,||
ruupaana.m pari~n~na.m pa~n~naapeti,||
vedanaana.m pari~n~na.m pa~n~naapeti.|| ||

Ime kho Mahaanaama tayo satthaaro santo sa.mvijjamaanaa lokasmi.|| ||

Imesa.m Mahaanaama ti.n.na.m satthaaraana.m ekaa ni.t.thaa,||
udaahu puthu ni.t.thaa" ti?|| ||

5. Eva.m vutto Bhara.n.du Kaalaamo Mahaanaama.m Sakka.m etad avoca:|| ||

"'Ekaa' ti Mahaanaama vadehii" ti.|| ||

Eva.m vutte Bhagavaa Mahaanaama.m Sakka.m etad avoca:|| ||

"'Naanaa' ti Mahaanaama vadehii" ti.|| ||

Dutiyam pi kho Bhara.n.du Kaalaamo Mahaanaama.m Sakka.m etad avoca:|| ||

"'Ekaa' ti Mahaanaama vadehii" ti.|| ||

Dutiyam pi kho Bhagavaa Mahaanaama.m Sakka.m etad avoca:|| ||

"'Naanaa' ti Mahaanaama vadehii" ti.|| ||

Tatiyam pi kho Bhara.n.du Kaalaamo Mahaanaama.m Sakka.m etad avoca:|| ||

"'Ekaa' ti Mahaanaama vadehii" ti.|| ||

Tatiyam pi kho Bhagavaa Mahaanaama.m Sakka.m etad avoca:|| ||

"'Naanaa' ti Mahaanaama vadehii" ti.|| ||

6. Atha kho Bhara.n.dussa Kaalaamassa etad ahosi:|| ||

"Mahesakkhassa vat'amhi Mahaanaamassa Sakkassa sammukhaa sama.nena Gotamena yaava tatiyaka.m apasaadito.|| ||

Yan nuunaaha.m Kapilavatthumhaa pakkameyyan" ti.| ||

Atha kho Bhara.n.du Kaalemo Kapilavatthumhaa pakkaami,||
ya.m Kapilavatthumhaa pakkaami,||
tathaa pakkanto va ahosi na puna paccaaga~nchi ti.

 


Contact:
E-mail
Copyright Statement