Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XIII. Kusinaara Vagga

Sutta 125

Hatthaka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[278]

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Atha ko Hatthako devaputto abhikkantaa rattiyaa abhikkantava.n.naa kevalakappa.m Jetavana.m obhaasetvaa yena Bhagavaa ten'upasa'nkami.|| ||

Upasa'nkamitvaa Bhagavato purato .thassaamii ti osiidati c'eva sa.msidati c'eva,||
na sakkoti sa.n.thaatu.m.|| ||

Seyyathaa pi naama sappi vaa tela.m maa vaalikaaya aasitta.m osiidati sa.msiidati na sa.n.thaati||
evam eva Hatthako devaputto Bhagavato purato .thassaamii ti osiidati c'eva sa'nasiidati c'eva,||
na sakkoti sa.n.thaatu.m.|| ||

[279] 2. Atha ko Bhagavaa Hatthaka.m devaputta.m etad avoca:|| ||

"O.laarika.m Hatthaka, attabhava.m abhinimminaahii" ti.|| ||

"Eva.m bhante" ti ko Hatthako devaputto Bhagavato pa.tissutvaa o.laarika.m attabhaava.m abhinimminitvaa Bhagavanta.m abhivaadetvaa eka-m-anta.m a.t.thaasi.|| ||

Eka-m-anta.m .thita.m kho Hatthaka.m devaputta.m Bhagavaa etad avoca:|| ||

"Ye te Hatthaka.m dhammaa pubbe manussabhuutassa pavattino ahesu.m,||
api nu te te dhammaa etarahi pavattino" ti?|| ||

"Ye ca me bhante dhammaa pubbe manussabhuutassa pavattino ahesu.m,||
te ca me dhammaa etarahi pavattino,||
ye ca me bhante dhammaa pubbe manussabhuutassa nappavattino ahesu.m,||
te ca me dhammaa etarahi pavattino.|| ||

Seyyathaa pi bhante Bhagavaa etarahi aaki.n.no viharati bhikkhuuhi bhikkhuuniihi upaasakehi upaasikaahi raa~n~naahi raaja-mahaa-mattehi titthiyehi titthiyasaavakehi,||
evam eva ko aha.m bhante aaki.n.no viharaami devaputtehi.|| ||

Durato pi bhante devaputtaa aagacchanti Hatthakassa devaputtassa santike dhamma.m sossaamaa ti.|| ||

Ti.n.naaha.m bhante dhammaana.m atitto appa.tivaano kaalakato.|| ||

Katamesa.m ti.n.na.m?|| ||

Bhagavato aha.m bhante dassanaaya atitto appa.tivaano kaalakato,||
saddhammasava.nassaaha.m bhante atitto appa.tivaano kaalakato,||
sa'nghassaa.m ha.m bhante upa.t.thaanassa atitto appa.tivaano kaalakato.|| ||

Imesa.m kho aha.m bhante tin.na.m dhammaana.m atitto appa.tivaano kaalakato" ti.|| ||

Naaha.m Bhagavato dassanassa titti.m ajjhagaa kudaacana.m,||
Sa'nghassa upa.t.thaanassa saddhammasavanassa ca.||
Adhisiile sikkhamaano saddhammasava.ne rato||
Tin.na.m dhammaana.m atitto Hatthako Aviha.m gato ti.

 


Contact:
E-mail
Copyright Statement