Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XIII. Kusinaara Vagga

Sutta 126

Ka.tuviya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[279]

[1][pts][ati] Eva.m me suta.m:|| ||

Eka.m samaya.m Bhagavaa Baaraa.nasiya.m viharati Isipatane Migadaaye.|| ||

Atha kho Bhagavaa pubbanaha-samaya.m nivaasetvaa pattaciivaram aadaaya Baaraa.nasi.m pi.na.daaya paavisi.|| ||

[280] Addasaa kho Bhagavaa Goyogapilakkhasmi.m pi.n.daaya caramaano a~n~natara.m bhikkhu.m rittaassaada.m baahiraassaada.m sammu.t.thassati.m asampajaana.m asamaahita.m vibbhantacitta.m paakatindriya.m.|| ||

Disvaa ta.m bhakkhu.m etad avoca:|| ||

"Bhikkhu bhikkhu maa kho tva.m attaana.m ka.tuviyam akaasi.|| ||

Ta.m vata bhikkhuu ka.tuviyakata.m attaana.m aamagandhe avassuta.m makkhikaa naanupatissanti nanvaassavissantii ti n'eta.m .thaana.m vijjatii" ti.|| ||

2. Atha kho so bhikkhu Bhagavataa iminaa ovaadena ovadito sa.mvegam aapaadi.|| ||

Atha ko Bhagavaa Baaraa.nasiya.m pin.daaya caritvaa pacchaabhatta.m pin.dapaata-pa.tikkanto bhikkhuu aamantesi:|| ||

"Idaaha.m bhikkhave pubnhasamaya nivaasetvaa pattaciivaram aadaaya Baaraa.nasi.m pi.n.daaya paavisi.m.|| ||

Addasa.m ko aha.m bhikkhave Goyogapilakkhasmi.m pi.n.daaya caramaano a~n~natara.m bhikkhu.m rittaassaada.m baahiraassaada.m sammu.t.thassati.m asampajaana.m asamaahita.m vibbhantacitta.m paakatindriya.m.|| ||

Disvaa ta.m bhikkhu.m etad avoca:|| ||

'Bhikkhu bhikkhu maa kho tva.m attaana.m ka.tuviyam akaasi.|| ||

Ta.m vata bhikkhuu ka.tuviyakata.m attaana.m aamagandhe avassuta.m makkhikaa naanupatissanti naanvaassavissantii,||
ti n'eta.m .thaana.m vijjatii' ti.|| ||

Atha kho bhikkhave so bhikkhu mayaa imaanaa ovaadena ovadito sa.mvegam aapaadii" ti.|| ||

3. Eva.m vutte a~n~nataro bhikkhuu Bhagavanta.m etad avoca:|| ||

"Kin nu ko bhante ka.tuviya.m ko aamagandho kaa makkhikaa" ti?|| ||

"Abhaajjhaa ko bikkhuu ka.tuviya,||
vyaapaado aamagandho,||
paapakaa akusalaa vitakkaa makkhikaa.|| ||

Ta.m vata bhikkhuu ka.tuviya kata.m attaana.m aamagandhe avassuta.m makkhikaa naanupatissanti naanvassavissantii ti n'eta.m .thaana.m vijjatii" ti.|| ||

[281] Agutta.m cakkhusotasmi.m indriyesu asa.mvuta.m,||
Makkhikaa'nupatissanti sa.mkappaa raaganissitaa||
Ka.tuviyakato bhikkhu aamagandhe avassuto,||
Aarakaa hoti nibbaa.naa vighaatass'eva Bhagavaa||
Gaame vaa yadi vaa'ra~n~ne aladdhaa samam attano,||
Pareti baalo dummedho makkhikaahi purakkhato||
Ye ca siilena sampannaa pa~n~naayupasame rataa||
Upasantaa sukha.m senti naasayitvaana makkhikaa ti.|| ||

 


Contact:
E-mail
Copyright Statement