Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XIII. Kusinaara Vagga

Sutta 127

Pa.thama Anuruddha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[281]

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Atha kho aayasmaa Anuruddho yena Bhagavaa ten'upasa'nkami.|| ||

Upasa'nkamitvaa Bhagavanta.m abivaadetvaa eka-m-anta.m nisiidi.|| ||

Eka-m-anta.m nisinna.m kho aayasmaa Anuruddho Bhagavanta.m etad avoca:|| ||

"Idaaha.m bhante dibbena cakkhunaa visuddhena atikkantamaanusakena yebhuyyena passaami maatugaama.m kaayassa bhedaa param maranaa apaaya.m duggata.m vinipaata.m Niraya.m upapajjamaana.m.|| ||

Katihi nu ko bhante dhammehi samannaagato maatugaamo kaayassa bhedaa param maranaa apaaya.m duggati.m vinipaata.m Niraya.m uppajjatii" ti?|| ||

2. "Tiihi kho Anuruddha dhammehi samannaagato maatugaamo kaayassa bhedaa param mara.naa apaaya.m duggati.m vinipaata.m Niraya.m upapajjati.|| ||

Katamehi tii hi?|| ||

Idha Anuraaddha maatugaamo pubba.nhasamaya.m maccheramalapariyu.t.thitena cetasaa agaara.m ajjhaavasati.|| ||

Majjhantika.m samaya.m issaapariyu.t.thitena cetasaa agaara.m ajjhaavasati.|| ||

Saayanha-samaya.m kaamaraagapariyu.t.thitena cetasaa agaara.m ajjhaavasati.|| ||

Imehi kho Anuruddha tiihi dhammehi samannaagato maatugaamo kaayassa bhedaa param maranaa apaaya.m duggati.m vinipaata.m Niraya.m upapajjatii" ti.|| ||

 


Contact:
E-mail
Copyright Statement