Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XIII. Kusinaara Vagga

Sutta 130

Lekha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[283]

[1][pts][than] Eva.m me suta.m|| ||

Eka.m samaya.m Bhagavaa Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Tayo me bhikkhave puggalaa santo sa.mvijjamaanaa lokasmi.m|| ||

Katame tayo?|| ||

Paasaa.nalekhuupamo puggalo,||
pa.thavilekhuupamo puggalo,||
udakalekhuupamo puggalo.|| ||

Katamo ca bhikkhave paasaa.nalekhupamo puggalo?|| ||

Idha, bhikkhave, ekacco puggalo abhinha.m kujjhati.|| ||

So ca khavassa kodhe diigha-ratta.m anuseti.|| ||

Seyyathaa pi bhikkhave paasaa.ne lekhaa na khippa.m lujjati vaatena vaa udakena vaa,||
cira.t.thitikaa hoti.|| ||

Evam eva kho bhikkhave idh'ekacco puggalo abhi.nha.m kujjhati.|| ||

So ca khavassa kodho diigha-ratta.m anuseti.|| ||

Aya.m vuccati bhikkhave paasaa.na-lekhuupamo puggalo.|| ||

Katamo ca bhikkhave pa.thavi-lekhuupamo puggalo?|| ||

Idha, bhikkhave, ekacco puggalo abhi.nha.m kujjhati.|| ||

So ca khavassa kodho na diigha-ratta.m anuseti.|| ||

Seyyathaa pi, bhikkhave, pa.thaviya.m lekhaa khippa.m luujjati vaatena vaa udakena vaa,||
na cira.t.thitikaa hoti.|| ||

Evam eva kho bikkhave idh'ekacco puggalo abhi.nha.m kujjhati.|| ||

So ca khvassa kodho na duugha-ratta.m anuseti.|| ||

Aya.m vuccati bhikkhave pa.thavi-lekhuupamo puggalo.|| ||

Katamo ca bhikkhave udaka-lekhuupamo puggalo?|| ||

Idha, bhikkhave, ekacco puggalo aagaa.lhena pi vuccamaano||
[284] pharusena pi vuccamaano||
amanaapena pi vuccamaano||
sandhiyati c'eva,||
ssandati c'eva,||
sammodati c'eva.|| ||

Seyyathaa pi, bhikkhave, udake lekhaa khippa.m yeva pa.tivigacchati,||
na cira.t.thitikaa hoti.|| ||

Evam evakho bhikkhave idh'ekacco puggalo aagaa.lhena pi vuccamaano||
pharusena pi vuccamaano||
amanaapena pi vuccamaano||
sandhiyati c'eva||
sa.msandati c'eva||
sammodati c'eva.|| ||

Aya.m vuccati bhikkhave udaka-lekhuupamo puggalo.|| ||

Ime kho bhikkhave tayo puggalaa santo savijjamaanaa lokasmin ti.|| ||

Bhara.n.duvaggo tatiyo.

 


Contact:
E-mail
Copyright Statement