Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XIV. Yodhaajiiva Vagga

Sutta 137

Assakha.lu.nka Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[287]

[1][pts] Eva.m me suta.m|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

"Tayo ca bhikkhave assakha.lu'nke desissaami,||
tayo ca purisakha.lu'nke desessaami.|| ||

Ta.m su.naatha,||
saadhuka.m manasikarotha,||
bhaasissaamii" ti.|| ||

"Eva.m bhante" ti kho bhikkhave bhikkhuu Bhagavato paccassosu.m.|| ||

Bhagavaa etad evoka:|| ||

2. "Katame ca bhikkhave tayo assakha.lu'nkaa? || ||

[288] Idha, bhikkhave, ekacco assakha.lu'nko javasampanno hoti,||
na va.n.nasampanno||
na aarohapari.naahasampanno.|| ||

Idha pana bhikkave ekacco assakha.lu'nko javasampanno ca hoti||
va.n.nasampanno ca,||
na aarohapari.naahasampanno.|| ||

Idha pana bhikkhave ekacco assakha.lu'nko javasampanno ca hoti||
va.n.nasampanno ca||
aarohapari.naahasampanno ca.|| ||

Ime ko bhikkhave tayo assakha.lu'nkaa.|| ||

3. Katame ca bhikkhave tayo purisakha.lu'nkaa?|| ||

Idha, bhikkhave, ekacco purisakha.lu'nko javasampanno hoti,||
na va.n.nasampanno||
na aarohapari.naahasampanno.|| ||

Idha pana bhikkhave ekacco purisakhalu'nekaa javasampanno ca hoti||
va.n.nasampanno ca,||
na aarohapari.naahasampanno.|| ||

Idha pana bhikkhave ekacco purisakha.lu'nko javasampanno ca hoti||
va.n.nasampanno ca||
aarohapari.naahasampanno ca.|| ||

4.Katha~n ca bhikkhave purisakha.lu'nko javasampanno hoti,||
na va.n.nasampanno||
na aarohapari.naahasampanno?|| ||

Idha, bhikkhave, bhikhu:|| ||

'Ida.m dukkhan' ti||
yathaabhuuta.m pajaanaati.|| ||

'Aya.m dukkhasamudayo' ti||
yathabhuuta.m pajaanaati.|| ||

'Aya.m dukkhanirodho' ti||
yathaabhuuta.m pajaanaati.|| ||

'Aya.m dukkhanirodhagaaminii pa.tipadaa' ti||
yathaabhuuta.m pajaanaati.|| ||

Idam assa javasmi.m vadaami.|| ||

Abhidhamme ko pana ahivinaye pa~nha.m pu.t.tho sa.msaadeti no vissajjeti.|| ||

Idam assa na va.n.nasmi.m vadaami.|| ||

Na ko pana laabhii hoti civara-pi.n.dapaata-senaasana-gilaana-paccaya-bhesajja-parikkhaaraana.m.|| ||

Idam assa na aarohapari.naahasmi.m vadaami.|| ||

Eva.m kho bhakkhave purisakha.lu'nko javasampanno hoti,||
na ca va.n.nasampanno||
na ca aarohapari.naahasampanno.|| ||

5. Katha~n ca bhikkhave purisakha.lu'nko javasampanno ca hoti||
va.n.nasampanno ca,||
na aarohapari.naahasampanno?|| ||

Idha, bhikkhave, bhikhu:|| ||

'Ida.m dukkhan' ti||
yathaabhuuta.m pajaanaati.|| ||

'Aya.m dukkhasamudayo' ti||
yathabhuuta.m pajaanaati.|| ||

'Aya.m dukkhanirodho' ti||
yathaabhuuta.m pajaanaati.|| ||

'Aya.m dukkhanirodhagaaminii pa.tipadaa' ti||
yathaabhuuta.m pajaanaati.|| ||

Idam assa javasmi.m vadaami.|| ||

Abhidhamme kho pana abhivinaye pa~nha.m pu.t.tho vissajjeti no sa.msaadeti.|| ||

Idam assa va.n.nasmi.m vadaami.|| ||

Na ko pana laabhii hoti civara-pi.n.dapaata-senaasana-gilaana-paccaya-bhesajja-parikkhaaraana.m.|| ||

Idam assa na aarohapari.naahasmi.m vadaami.|| ||

Eva.m [289] kho bhikkhave purisakha.lu'nko javasampanno ca hoti||
van.nasampanno ca,||
na aarohapari.naahasampanno.|| ||

6. Katha~n ca bhikkhave purisakha.lu'nko javasampanno ca hoti||
van.nasampanno ca,||
aarohaparinaahasampanno ca?|| ||

Idha, bhikkhave, bhikhu:|| ||

'Ida.m dukkhan' ti||
yathaabhuuta.m pajaanaati.|| ||

'Aya.m dukkhasamudayo' ti||
yathabhuuta.m pajaanaati.|| ||

'Aya.m dukkhanirodho' ti||
yathaabhuuta.m pajaanaati.|| ||

'Aya.m dukkhanirodhagaaminii pa.tipadaa' ti||
yathaabhuuta.m pajaanaati.|| ||

Idam assa javasmi.m vadaami.|| ||

Abhidhamme kho pana abhivinaye pa~nha.m pu.t.tho vissajjeti no sa.msaadeti.|| ||

Idam assa va.n.nasmi.m vadaami.|| ||

Laabhii kho pana hoti civara-pi.n.dapaata-senaasana-gilaana-paccaya-bhesajja-parikkhaaraana.m.|| ||

Idam assa aarohapari.naahasmi.m vadaami.|| ||

Eva.m kho bhikkhave purisakha.lu'nko javasampanno ca hoti||
van.nasampanno ca,||
aarohapari.naahasampanno ca.|| ||

Ime kho bhikkhave tayo purisakha.lu'nkaa" ti.|| ||

 


Contact:
E-mail
Copyright Statement