Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XIV. Yodhaajiiva Vagga

Sutta 138

Assasadassaa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[289]

[1][pts] Eva.m me suta.m|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

"Tayo ca bhikkhave assasadasse desissaami tayo ca purisasadasse.|| ||

Ta.m su.naatha, saadhuka.m manasikarotha, bhaasissaamii ti.|| ||

Eva.m bhante ti kho bhikkhave bhikkhuu Bhagavato paccassosu.m.|| ||

Bhagavaa etad evoka:|| ||

Katame ca bhakkhave tayo assasadassaa?|| ||

Idha, bhikkhave, ekacco assasadasso javasampanno hoti,||
na va.n.nasampanno||
na aarohapari.naahasampanno.|| ||

Idha pana bhikkhave ekacco assasadasso javasampanno ca hoti||
va.n.nasampanno ca,||
na aarohapari.naahasampanno.|| ||

Idha pana bhakkhave ekacco assasadasso javasampanno ca hoti||
va.n.nasampanno ca||
aarohapari.naahasampanno ca.|| ||

Ime kho bhikkhave tayo assasadassaa.|| ||

Katame ca bhakkhave tayo purisasadassaa?.|| ||

2. Idha, bhikkhave, ekacco purisasadasso javasampanno hoti,||
na va.n.nasampanno||
na aarohapari.naahasampanno.|| ||

Idha pana bhikkhave ekacco purisasadasso javasampanno ca hoti||
va.n.nasampanno ca,||
na aarohapari.naahasampanno.|| ||

Idha pana bhakkhave ekacco purisasadasso javasampanno ca hoti||
va.n.nasampanno ca||
aarohapari.naahasampanno ca.|| ||

Ime kho bhikkhave tayo purisasadassaa.|| ||

[290] 3. Katha~n ca bhakkhave purisasadasso javasampanno hoti,||
na va.n.nasampanno||
na aarohapari.naahasampanno?|| ||

Idha, bhikkhave, bhikkhuu pa~ncanna.m orambhaagiyaana.m sa~n~nojanaana.m parikkhayaa opapaatiko hoti tattha parinibbaayii anaavattidhammo tasmaa lokaa.|| ||

Idamassa javasmi.m vadaami.|| ||

Abhidhamme ko pana ahivinaye pa~nha.m pu.t.tho sa.msaadeti no vissajjeti.|| ||

Idam assa na va.n.nasmi.m vadaami.|| ||

Na ko pana laabhii hoti civara-pi.n.dapaata-senaasana-gilaana-paccaya-bhesajja-parikkhaaraana.m.|| ||

Idam assa na aarohapari.naahasmi.m vadaami.|| ||

Eva.m kho bhikkhave purisasadasso javasampanno hoti||
na va.n.nasampanno||
na aarohapari.naahasampanno.|| ||

4. Katha~n ca bhakkhave purisasadasso javasampanno ca hoti,||
va.n.nasampanno ca,||
na aarohapari.naahasampanno?|| ||

Idha, bhikkhave, bhikkhuu pa~ncanna.m orambhaagiyaana.m sa~n~nojanaana.m parikkhayaa opapaatiko hoti tattha parinibbaayii anaavattidhammo tasmaa lokaa.|| ||

Idamassa javasmi.m vadaami.|| ||

Abhidhamme kho pana abhivinaye pa~nha.m pu.t.tho vissajjeti no sa.msaadeti.|| ||

Idam assa va.n.nasmi.m vadaami.|| ||

Na ko pana laabhii hoti civara-pi.n.dapaata-senaasana-gilaana-paccaya-bhesajja-parikkhaaraana.m.|| ||

Idam assa na aarohapari.naahasmi.m vadaami.|| ||

Eva.m kho bhikkhave purisasadasso javasampanno hoti||
va.n.nasampanno ca,||
na aarohapari.naahasampanno.|| ||

Katha~n ca bhakkhave purisasadasso javasampanno ca hoti,||
va.n.nasampanno ca,||
aarohapari.naahasampanno ca ?|| ||

Idha, bhikkhave, bhikkhuu pa~ncanna.m orambhaagiyaana.m sa~n~nojanaana.m parikkhayaa opapaatiko hoti tattha parinibbaayii anaavattidhammo tasmaa lokaa.|| ||

Idamassa javasmi.m vadaami.|| ||

Abhidhamme kho pana abhivinaye pa~nha.m pu.t.tho vissajjeti no sa.msaadeti.|| ||

Idam assa va.n.nasmi.m vadaami.|| ||

Laabhi kho pana hoti civara-pi.n.dapaata-senaasana-gilaana-paccaya-bhesajja-parikkhaaraana.m.|| ||

Idam assa aarohapari.naahasmi.m vadaami.|| ||

Eva.m kho bhikkhave purisasadasso javasampanno ca hoti||
va.n.nasampanno ca||
aarohapari.naahasampanno ca.|| ||

Ime kho bhikkhave tayo purisasadassaa" ti.|| ||

 


Contact:
E-mail
Copyright Statement