Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara-Nikaaya
III. Tikanipaata
XVI. Acelaka Vagga

Sutta 151

Pa.thavi Pa.tipadaa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1979 Pali Text Society Anguttara-Nikaya edited by The Rev. Richard Morris, M.A., LL.D., Second Edition, revised by A.K. Warder, B.A., Ph.D., Lecturer in Sanskrit in the University of Edinburgh

 


[295]

[1][pts] Eva.m me suta.m|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

Tisso imaa bhikkhave pa.tipadaa.|| ||

Katamaa tisso?|| ||

Aagaa.lhaa pa.tipadaa,||
nijjhaamaa pa.tipadaa,||
majjhimaa pa.tipadaa.|| ||

2. Katamaa ca bhikkhave aagaa.lhaa pa.tipadaa?|| ||

Idha, bhikkhave, ekacco eva.mvaadi hoti eva.m-di.t.thi:|| ||

"N'attha kaamesu doso" ti.|| ||

So kaamesu paatavyata.m aapajjati.|| ||

Aya.m vuccati bhikkhave aagaa.lhaa pa.tipadaa.|| ||

3. Katamaa ca bhikkhave nijjhaamaa pa.tipadaa?|| ||

Idha, bhikkhave, ekacco acelako hoti muttaacaaro hatthaava-lekhano||
na ehibha-dantiko,||
na ti.t.thabha-dantiko,||
na abhibha.ta.m,||
na uddissaka.ta.m,||
na nimanta.na.m saadiyati.|| ||

So na kumbhi-mukhaa patiga.nhaati,||
na kha.lopi-mukhaa patiga.nhaati,||
na e.lalakam-antara.m,||
na da.n.dam-antara.m,||
na musalam-antara.m,||
na dvinna.m bhu~njamaanaana.m,||
na gabhiniyaa,||
na paayamaanaaya,||
na purisantaragataaya,||
na sa.mkittiisu,||
na yattha saa upa.t.thito hoti,||
na yattha makkhikaa sa.n.dacaarinii,||
na maccha.m,||
na ma.msa.m,||
na sura.m,||
na meraya.m,||
na thusodaka.m pivati.|| ||

So ekaagaariko vaa hoti ekaalopiko,||
dvaagaariko vaa hoti dvaalopiko,||
sattaagaariko vaa hoti sattaalopiko,||
ekissaa pi dattiyaa yaapeti,||
dviihi pi dattiipi yaapeti,||
sattahi pi dattiihi yaapeti,||
ekaahikam pi aahaara.m aahaareti,||
dvaahikam pi aahaara.m aahaareti,||
sattaahikam pi aahaara.m aahaareti.|| ||

-DN 8

So ekaagaariko vaa homi ekaalopiko,||
dvaagaariko vaa homi dvaalopiko,||
sattaagaariko vaa homi sattaalopiko.|| ||

Ekissaa pi dattiyaa yaapemi,||
dviihi pi dattiihi yaapemi,||
sattahi pi dattiihi yaapemi.|| ||

Ekaahikam pi aahaara.m aahaaremi,||
dviihikam pi aahaara.m aahaaremi,||
sattaahikam pi aahaara.m aahaaremi.|| ||

-MN 12 p77

So ekaagaariko vaa hoti,||
ekaalopiko va,||
dvaagaariko va hoti,||
dvaalopiko vaa,||
... pe ...,||
sattaagaariko va hoti||
sattaalopiko vaa.|| ||

Ekissaa pi dattiyaa yaapeti,||
dvihi pi dattiihi yaapeti,||
... pe ...,||
sattahi pi dattihi yaapeti.|| ||

Ekaahikam pi aahaara.m aaraareti,||
dvaahikam pi aahaara.m aahaareti,||
... pe ...,||
sattaahikam pi aahaara.m aahaareti.|| ||

Iti evaruupa.m addhamaasikam pi pariyaaya-bhatta-bojanaanuyogam anuyutto viharati.|| ||

So saaka-bhakkho pi hoti,||
saamaaka-bhakkho pi hoti,||
niivaara-bhakkho pi hoti,||
daddula-bhakkho pi hoti,||
ha.ta-bhakkho pi hoti,||
ka.na-bhakkho pi hota,||
aacaama-bhakkho pi hoti,||
pi~n~naaka-bhakkho pi hoti,||
ti.na-bhakkho pi hoti,||
gomaya-bhakkho pi hoti.|| ||

Vanamuulaphalaahaaro yaapeti pavattaphalahoji.|| ||

So saa.naani pi dhaareti,||
masaa.naani pi dhareti,||
chavadussaani pi dhaareti,||
pa.msukuulaani pi dhaareti,||
tiirii.taani pi dhareti,||
ajinaani pi dhaareti,||
ajinakkhipam pi dhaareti,||
kusaciiram pi dhaareti,||
vaakaviiram pi dhaareti,||
phalakaviiram pi dhaareti,||
kesakambalam pi dhaareti,||
[296] vaalakambalam pi dhaareti,||
uluukapakkham pi dhaareti.|| ||

Kesamassulocako pi hoti||
kesamassulocanaanuyogam anuyutto.|| ||

Ubbha.t.thako pi hoti||
aasanapa.tikkitto.|| ||

Ukku.tiko pi hoti||
ukku.tikappadhaanaam anuyutto.|| ||

Ka.n.takaapassayiko pi hoti||
ka.n.takaapassaye seyya.m kappeti.|| ||

Saaya.m tatiyakam pi udakoroha.naanuyogam anuyutto viharati.|| ||

Iti evaruupa.m aneka-vihita.m kaayassa aataapanaparitaapanaanuyogam anuyutto viharati.|| ||

Aya.m vuccati bhikkhave nijjhaamaa pa.tipadaa.|| ||

4. Katamaa ca bhikkhave majjhimaa pa.tipadaa?|| ||

Idha, bhikkhave, bhikku kaaye kaayaanupassii viharati,||
aataapi sampajaano satimaa vineyya loke abhijjhaadomanassa.m,||
vedanaasu vedanaanu passii viharati,||
aataapi sampajaano satimaa vineyya loke abhijjhaadomanassa.m,||
citte cittaanupassii viharati,||
aataapi sampajaano satimaa vineyya loke abhijjhaadomanassa.m,||
dhammesu dhammaanupassii viharati,||
aataapii sampajaano satimaa vineyya loke abhijjhaadomanassa.m.|| ||

Aya.m vuccati bhikkhave majjhimaa pa.tipadaa.|| ||

Imaa kho bhikkhave tisso pa.tipadaa ti.|| ||

 


Contact:
E-mail
Copyright Statement