Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
IV. Catukka Nipaata
I. Bha.n.dagaama Vagga

Sutta 5

Anusota Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[5]

[1][pts][than][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaaro'me bhikkhave puggalaa santo sa.mvijjamaanaa lokasmi.m.|| ||

Katame cattaaro?|| ||

Anusotagaamii puggalo,||
pa.tisotagaamii puggalo,||
.thitatto puggalo,||
ti.n.no paara'ngato thale ti.t.thati braahma.no.|| ||

Katamo ca bhikkhave anusotagaamii puggalo?|| ||

Idha, bhikkhave, ekacco puggalo kaame ca pa.tisevati,||
paapa~n ca kamma.m karoti.|| ||

Aya.m vuccati bhikkhave anusotagaami puggalo.|| ||

Katamo ca bhikkhave pa.tisotagaamii puggalo?|| ||

Idha, bhikkhave, ekacco puggalo kaame na pa.tisevati,||
paapa~n ca kamma.m na karoti,||
sahaapi dukkhena sahaapi domanassena assumukho pi rudamaano paripu.n.na.m parisuddha.m brahmacariya.m carati.|| ||

Aya.m vuccati bhikkhave pa.tisotagaamii puggalo.|| ||

Katamo ca bhikkhave .thitatto puggalo?|| ||

Idha, bhikkhave, ekacco puggalo pa~ncanna.m orambhaagiyaana.m sa~n~nojanaana.m parikkhayaa opapaatiko hoti,||
tattha parinibbaayii anaavattidhammo tasmaa lokaa.|| ||

Aya.m vuccati bhikkhave .thitatto puggalo.|| ||

Katamo ca bhikkhave puggalo ti.n.no paaragato thale ti.t.thati braahma.no?|| ||

[6] Idha, bhikkhave, ekacco puggalo aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Aya.m vuccati bhikkhave puggalo ti.n.no paaragato thale ti.t.thati braahma.no.|| ||

Ime kho bhikkhave cattaaro puggalaa santo sa.mvijjamaanaa lokasmin ti.|| ||

 

Ye keci kaamesu asa~n~nataa janaa||
aviitaraagaa idha kaama bhogino,||
Punappuna.m jaati-jaruupagaamii te||
ta.nhaadhipannaa anusotagaamino.||
Tasmaa hi dhiiro idh'upa.t.thitaa satii||
kaame ca paape ca asevamaano,||
Sahaapi dukkhena paheyya kaame||
pa.tisotagaamiiti tam aahu puggala.m.|| ||

Yo ve kilesaani pahaaya pa~nca||
paripu.n.nasekho apahaanadhammo,||
Cetovasippatto samaahitindriyo||
sa ve .thitatto ti naro pavuccati.||
Parovaraa yassa samecca dhammaa||
vidhuupitaa atthagataa na santi,||
Sa vedaguu vusitabrahmacariyo||
lokantaguu paaragato ti vuccatii.|| ||

 


Contact:
E-mail
Copyright Statement