Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
IV. Catukka Nipaata
I. Bha.n.dagaama Vagga

Sutta 6

Appasasuta Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[6]

[1] [pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaaro'me bhikkhave puggalaa santo sa.mvijjamaanaa lokasmi.m.|| ||

Katame cattaaro?|| ||

Appassuno sutena anupapanno,||
appassuto sutena upapanno,||
bahussuto sutena anupapanno,||
bahussuto sutena upapanno.|| ||

Katha~n ca bhikkhave puggalo appassuto hoti sutena anupapanno?|| ||

[7] Idha, bhikkhave, ekaccassa puggalassa appaka.m suta.m hoti sutta.m geyya.m veyyaakara.na.m gaathaa udaana.m itivuttaka.m jaataka.m abbhuutadhamma.m vedalla.m.|| ||

So tassa appakassa sutassa na attham a~n~naaya na dhammam a~n~naaya na dhammaanudhammapa.tipanno hoti.|| ||

Eva.m kho bhikkhave puggalo appassuto hoti sutena anupapanno.|| ||

Katha~n ca bhikkhave puggalo appassuto hoti sutena upapanno?|| ||

Idha, bhikkhave, ekaccassa puggalassa appaka.m suta.m hoti sutta.m geyya.m veyyaakara.na.m gaathaa udaana.m itivuttaka.m jaataka.m abbhuutadhamma.m vedalla.m.|| ||

So tassa appakassa sutassa attham a~n~naaya dhammam a~n~naaya dhammaanudhammapa.tipanno hoti.|| ||

Eva.m kho bhikkhave puggalo appassuto hoti, sutena upapanno.|| ||

Katha~n ca bhikkhave puggalo bahussuto hoti sutena anupapanno?|| ||

Idha, bhikkhave, ekaccassa puggalassa bahu.m suta.m hoti sutta.m geyya.m veyyaakara.na.m gaathaa udaana.m Itivuttaka.m jaataka.m abbhuutadhamma.m vedalla.m.|| ||

So tassa bahukassa sutassa na attham a~n~naaya na dhammam a~n~naaya na dhammaanudhamma pa.tipanno hoti.|| ||

Eva.m kho bhikkhave puggalo bahussuto hoti sutena anupapanno.|| ||

Katha~n ca bhikkhave puggalo bahussuto hoti sutena upapanno?|| ||

Idha, bhikkhave, ekaccassa puggalassa bahu.m suta.m hoti sutta.m geyya.m veyyaakara.na.m gaathaa udaana.m itivuttaka.m jaataka.m abbhuutadhamma.m vedalla.m.|| ||

So tassa bahukassa sutassa attham a~n~naaya dhammam a~n~naaya dhammaanudhammapa.tipanno hoti.|| ||

Eva.m kho bhikkhave puggalo bahussuto hoti sutena upapanno.|| ||

Ime kho bhikkhave cattaaro puggalaa santo sa.mvijjamaanaa lokasmin ti.|| ||

 

Appassuto pi ce hoti siilesu asamaahito,||
Ubhayena na.m garahanti siilato ca sutena ca.||
Appassuto pi ce hoti siilesu susamaahito,||
Siilato na.m pasa.msanti naassa sampajjate suta.m.|| ||

Bahussuto pi ce hoti siilesu asamaahito,||
Siilato na.m garahanti nassa sampajjate suta.m.||
[8] Bahussuto pi ce hoti siilesu susamaahito,||
Ubhayena na.m pasa.msanti siilato ca sutena ca.|| ||

Bahussuta.m dhammadhara.m sappa~n~na.m Buddhasaavaka.m,||
Nekkha.m jambonadass'eva ko ta.m ninditum arahati,||
Devaapi na.m pasa.msanti brahmunaapi pasa.msito ti.|| ||

 


Contact:
E-mail
Copyright Statement