Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
IV. Catukka Nipaata
I. Bha.n.dagaama Vagga

Sutta 10

Yoga Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[10]

[1][pts][than][olds][bodh] Eva.m me suta.m.|| ||

Eka.m samaya.m Bhagavaa Vajjiisu viharati Bha.n.dagaame.|| ||

Tratr kho Bhagavaa bhikkhuu aamantesti:|| ||

Bhikkhavo ti.|| ||

Bhadante ti te bhikkhuu Bhagavato paccassosu.m.|| ||

Bhagavaa etad avoca:|| ||

Cattaaro'me bhikkhave yogaa.|| ||

Katame cattaaro?|| ||

Kaama-yogo,||
bhava-yogo,||
di.t.thi-yogo,||
avijjaa-yogo.|| ||

Katamo ca bhikkhave kaama-yogo?|| ||

Idha, bhikkhave, ekacco kaamaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m nappajaanaati.|| ||

Tassa kaamaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m appajaanato yo kaamesu kaamaraago kaamanandi kaamasineho kaamamucchaa kaamapipaasaa kaamapari.laaho kaamajjhosaana.m kaamata.nhaa saanuseti.|| ||

Aya.m vuccati bhikkhave kaama-yogo.|| ||

Iti kaama-yogo.|| ||

Bhava-yogo ca katha.m hoti?|| ||

Idha, bhikkhave, ekacco bhavaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m nappajaanaati.|| ||

Tassa bhavaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m appajaanato yo bhavesu bhavaraago bhavanandi bhavasineho bhavamucchaa bhavapipaasaa bhavapari.laaho bhavajjhosaana.m bhavata.nhaa saanuseti.|| ||

Aya.m vuccati bhikkhave bhavayogo.|| ||

Iti kaama-yogo, bhava-yogo.|| ||

Di.t.thi-yogo ca katha.m hoti?|| ||

Idha, bhikkhave, ekacco di.t.thiina.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m nappajaanaati.|| ||

Tassa di.t.thiina.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m appajaanato [11] yo di.t.thisu di.t.thiraago di.t.thinandi di.t.thisineho di.t.thimucchaa di.t.thipipaasaa di.t.thipari.laaho di.t.thiajjhosaana.m di.t.thita.nhaa saanuseti.|| ||

Aya.m vuccati bhikkhave di.t.thi-yogo.|| ||

Iti kaama-yogo, bhava-yogo, di.t.thi-yogo.|| ||

Avijjaa-yogo ca katha.m hoti?|| ||

Idha, bhikkhave, ekacco channa.m phassaayatanaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m nappajaanaati.|| ||

Tassa channa.m phassaayatanaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m appajaanato yaa chasu phassaayatanesu avijjaa a~n~naa.na.m saanuseti.|| ||

Aya.m vuccati bhikkhave avijjaa-yogo.|| ||

Iti kaama-yogo, bhava-yogo, di.t.thi-yogo, avijjaa-yogo.|| ||

Sa.myutto paapakehi akusalehi dhammehi sa.mkilesehi ponobhavikehi sadarehi dukkhavipaakehi aayati.m jaatijaraa-mara.nikehi,||
tasmaa ayogakkhemii ti vuccati.|| ||

Ime kho bhikkhave cattaaro yogaa.|| ||

 


 

2. Cattaaro'me bhikkhave visa.myogaa.|| ||

Katame cattaaro?|| ||

Kaamayoga-visa.myogo,||
bhavayoga-visa.myogo,||
di.t.thiyoga-visa.myogo,||
avijjaayoga-visa.myogo.|| ||

Katamo ca bhikkhave kaamayoga-visa.myogo?|| ||

Idha, bhikkhave, ekacco kaamaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m pajaanaati.|| ||

Tassa kaamaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m pajaanato yo kaamesu kaamaraago kaamanandi kaamasineho kaamamucchaa kaamapipaasaa kaamapari.laaho kaamajjhosaana.m kaamata.nhaa saa naanuseti.|| ||

Aya.m vuccati bhikkhave kaamayoga-visa.myogo.|| ||

Iti kaamayoga-visa.myogo.|| ||

Bhavayoga-visa.myogo ca katha.m hoti?|| ||

Idha, bhikkhave, ekacco bhavaana.m samudaya~n ca atthagama~n ca assaada~n ca aadinava~n ca nissara.na~n ca yathaabhuuta.m pajaanaati.|| ||

Tassa bhavaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m pajaanato yo bhavesu bhavaraago bhavanandi bhavasineho bhavamucchaa bhavapipaasaa bhavapari.laaho bhavajjhosaana.m bhavata.nhaa saa naanuseti.|| ||

Aya.m vuccati bhikkhave bhavayoga-visa.myogo.|| ||

Iti kaamayoga-visa.myogo, bhavayoga-visa.myogo.|| ||

Di.t.thiyoga-visa.myogo ca katha.m hoti?|| ||

Idha, bhikkhave, ekacco di.t.thiina.m samudaya~n ca atthagama~n ca assaada~n ca aadiinava~n ca [12] nissara.na~n ca yathaabhuuta.m pajaanaati.|| ||

Tassa di.t.thiina.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m pajaanano yo di.t.thiisu di.t.thiraago di.t.thinandi di.t.thimucchaa di.t.thipipaasaa di.t.thipari.laaho di.t.thiajjhosaana.m di.t.thita.nhaa saa naanuseti.|| ||

Aya.m vuccati bhikkhave di.t.thiyoga-visa.myogo.|| ||

Iti kaamayoga-visa.myogo, bhavayoga-visa.myogo, di.t.thiyoga-visa.myogo.|| ||

Avijjaayoga-visa.myogo ca katha.m hoti?|| ||

Idha, bhikkhave, ekacco channa.m phassaayatanaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m pajaanaati.|| ||

Tassa channa.m phassaayatanaana.m samudaya~n ca atthagama~n ca assaada~n ca aadiinava~n ca nissara.na~n ca yathaabhuuta.m pajaanato yaa chasu phassaayatanesu avijjaa a~n~naa.na.m saa naanuseti.|| ||

Aya.m vuccati bhikkhave avijjaayoga-visa.myogo.|| ||

Iti kaamayoga-visa.myogo, bhavayoga-visa.myogo, di.t.thiyoga-visa.myogo, avijjaayoga-visa.myogo.|| ||

Visa.myutto paapakehi akusalehi dhammehi sa.mkilesikehi ponobhavikehi sadarehi dukkha-vipaakehi aayati.m jaatijaraamara.nikehi tasmaa yogakkhemii ti vuccati.|| ||

Ime kho bhikkhave cattaaro visa.myogaa ti.|| ||

Kaamayogena sa.myuttaa bhavayogena cuubhaya.m,||
Di.t.thiyogena sa.myuttaa avijjaaya purakkhataa,||
Sattaa gacchanti sa.msaara.m jaatimara.nagaamino.||
Ye ca kaame pari~n~naaya bhavayoga~n ca sabbaso,||
Di.t.thiyoga.m samuhacca avijja~n ca viraajaya.m,||
Sabbayoga-visa.myuttaa te ve yogaatigaamuno ti.|| ||

Bha.n.dagaamavaggo pa.thamo.

 


Contact:
E-mail
Copyright Statement