Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
III. Uruvelaa Vagga

Sutta 22

Dutiya Uruvelaa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[22]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Ekam idaaha.m bhikkhave samaya.m Uravelaaya.m viharaami najjaa Nera~njaraaya tiire Ajapaalanigrodhe pa.thamaa-bhisambuddho.|| ||

Atha kho bhikkhave sambahulaa braahma.naa ji.n.naa vu.d.dhaa mahallakaa addhagataa vayo-anuppattaa yenaaha.m ten'upasa'nkami.msu.|| ||

Upasa'nkamitvaa mayaa saddhi.m sammodi.msu.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.msu.|| ||

Eka-m-anta.m nisinnaa kho bhikkhave te braahma.naa ma.m etad avocu.m:|| ||

Suta.m ne bho Gotama:|| ||

"Na Sama.no Gotamo braahma.ne ji.n.ne vuddhe mahallake addhagate vayo-anuppatte abhivaadeti vaa paccu.t.theti vaa aasanena vaa nimanteti" ti.|| ||

Ta-y-ida.m bho Gotama tath'eva.|| ||

Na hi bhava.m Gotamo braahma.ne ji.n.ne vuddhe mahallake addhagate vayo-anuppatte abhivaadeti vaa paccu.t.theti vaa aasanena vaa nimanteti.|| ||

Ta-y-ida.m bho Gotama na sampannam evaati.|| ||

3. Tassa mayha.m bhikkhave etad ahosi:|| ||

Na vata'me aayasmanto jaananti thera.m vaa therakara.ne vaa dhamme.|| ||

Vuddho ce pi bhikkhave hoti aasiitiko vaa naavutiko vaa vassasatiko vaa jaatiyaa.|| ||

So ca hoti akaala-vaadii abhuuta-vaadii anattha-vaadii adhamma-vaadii avinaya-vaadii anidhaanavati.m vaaca.m bhaasitaa akaalena anapadesa.m apariyantavati.m anatthasa.mhita.m.|| ||

Atha kho so baalo thero teva sa'nakha.m gacchati.|| ||

Daharo ce pi bhikkhave hoti yuvaa susu kaa.lakeso bhaddena yobbanena samannaagato pa.thamena vayasaa.|| ||

So ca hoti kaala-vaadii bhuuta-vaadii attha-vaadii dhamma-vaadii vinaya-vaadii nidhaanavati.m vaaca.m bhaasitaa kaalena saapadesa.m pariyantavati.m atthasa.mhita.m.|| ||

Atha kho so pa.n.dito thero teva sa'nakha.m gacchati.|| ||

4. Cattaaro'me, bhikkhave, thera-kara.naa dhammaa.|| ||

Katame cattaaro?|| ||

Idha, bhikkhave, bhikkhu siilavaa hoti paatimokkha-sa.mvara-sa.mvuto viharati aacaara-gocara-sampanno a.numattesu vajjesu bhaya-dassaavii samaadaaya sikkhati sikkhaapadesu.|| ||

Bahussuto [23] hoti sutadharo sutasannicayo.|| ||

Ye te dhammaa aadikalyaa.naa||
majjhekalyaa.naa||
pariyosaana-kalyaa.naa||
saatthaa savya~njanaa kevalaparipu.n.naa parisuddha.m brahmacariya.m abhivadanti.|| ||

Tathaaruup'aassa dhammaa bahussutaa honti dhataa vacasaa paricitaa manasaanupekkhitaa di.ti.thiyaa suppa.tividdhaa.|| ||

Catunna.m jhaanaana.m aabhicetasikaana.m di.t.tha-dhamma-sukha-vihaaraana.m nikaamalaabhii hoti akicchalaabhii akasiralaabhii.|| ||

Aasavaana.m khayaa anaasava.m ceto-vimutti.m pa~n~naa-vimutti.m di.t.the va dhamme saya.m abhi~n~naa sacchikatvaa upasampajja viharati.|| ||

Ime kho bhikkhave cattaaro therakara.naa dhammaati.|| ||

 

Yo uddhatena cittena sampha~n ca bahu bhaasati,||
Asamaahita-sa'nkappo asaddhammarato mago,||
Aaraa so thaavareyyamhaa paapadi.t.thi anaadaro.|| ||

Yo ca siilena sampanno sutavaa pa.tibhaanavaa,||
Sa~n~nato dhiro dhammesu pa~n~naayattha.m vipassati,||
Paaraguu sabbadhammaana.m akhilo pa.tibhaanavaa.|| ||

Pahii.najaatimara.no brahmacariyassa kevalii,||
Ta.m aha.m vadaami thero ti yassa no santi aasavaa,||
Aasavaana.m khayaa bhikkhu thero ti pavuccatii ti.|| ||

 


Contact:
E-mail
Copyright Statement