Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
IV. Cakka Vagga

Sutta 32

Sa'ngahavatthu Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[32]

[1][pts][than][bodh] Eva.m me suta.m:|| ||

Eka.m samaya.m Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaarimaani bhikkhave sa'ngahavatthuuni.|| ||

Katamaani cattaari?|| ||

Daana.m,||
peyyavajja.m,||
atthacariyaa,||
samaanattataa.|| ||

Imaani kho bhikkhave cattaari sa'ngahavatthuuniiti.|| ||

 

Daana.m ca peyyavajja~n ca atthacariyaa ca yaa idha,||
Samaanattataa dhammesu tattha tattha yathaaraha.m,||
Ete kho sa'ngahaa loke rathass'aa.nii va yaayato.|| ||

Ete ca sa'ngahaa naassu na maataa puttakaara.naa,||
Labhetha maana.m puuja.m vaa pitaa vaa puttakaara.naa.|| ||

Yasmaa ca sa'ngahaa ete samavekkhanti pa.n.ditaa,||
Tasmaa mahatta.m papponti paasa.msaa ca bhavanti te ti.|| ||

 


Contact:
E-mail
Copyright Statement