Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
IV. Cakka Vagga

Sutta 33

Siiha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][bodh] Eva.m me suta.m:|| ||

Eka.m samaya.m Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Siiho bhikkhave migaraajaa saaya.nhasamaya.m aasayaa nikkhamati.|| ||

Aasayaa nikkhamitvaa vijambhati.|| ||

Vijambhitvaa samantaa catuddisaa anuviloketi.|| ||

Samantaa catuddisaa anuviloketvaa tikkhattu.m siihanaada.m nadati.|| ||

Tikkhattu.m siihanaada.m naditvaa gocaraaya pakkamati.|| ||

Ye kho pana te bhikkhave tiracchaanagataa paa.naa siihassa migara~n~no nadato sadda.m su.nanti,||
yebhuyyena bhaya.m sa.mvega.m santaasa.m aapajjanti.|| ||

Bila.m bilaasayaa pavisanti.|| ||

Daka.m dakaasayaa pavisanti.|| ||

Vana.m vanaasayaa pavisanti.|| ||

Aakaasa.m pakkhino bhajanti.|| ||

Ye pi te bhikkhave ra~n~no naagaa gaamanigamaraajadhaaniisu da.lhehi varattehi bandhanehi baddhaa,||
te pi taani bandhanaani sa~nchinditvaa sampadaaletvaa bhiitaa muttakariisa.m cajamaanaa yena vaa tena vaa palaayanti.|| ||

Eva.m mahiddhiyo kho bhikkhave siiho migaraajaa tiracchaanagataana.m paa.naana.m eva.m mahesakkho eva.m mahaanubhaavo.|| ||

2. Evam eva kho bhikkhave yadaa Tathaagato loke uppajjati araha.m Sammaa-sambuddho vijjaa-cara.na-sampanno sugato loka-viduu anuttaro purisadammasaarathi satthaa deva-manussaana.m buddho Bhagavaa.|| ||

So dhamma.m deseti:|| ||

'Iti sakkaayo,||
iti sakkaayasamudayo,||
iti sakkaaya nirodho,||
iti sakkaayanirodhagaaminii pa.tipadaa' ti.|| ||

Ye pi te bhikkhave devaa diighaayukaa va.n.navanto sukhabahulaa uccesu vimaanesu cira.t.thitikaa,||
te pi Tathaagatassa dhammadesana.m sutvaa yebhuyyena bhaya.m sa.mvega.m santaasa.m aapajjanti.|| ||

Aniccaa vata kira bho maya.m samaanaa nicc'amhaa ti ama~n~nimha.|| ||

Addhuvaa kira bho maya.m samaanaa dhuv'amhaa ti ama~n~nimha.|| ||

Asassataa ca kira bho maya.m samaanaa sassataa ti ama~n~nimha.|| ||

Mayam pi kira bho aniccaa addhuvaa asassataa sakkaayapariyaapannaa ti.|| ||

Eva.m mahiddhiyo kho bhikkhave Tathaagato sadevakassa lokassa.|| ||

Eva.m mahesakkho eva.m mahaanubhaavo ti.|| ||

 

[34] Yadaa buddho abhi~n~naaya dhammacakka.m pavattayi,||
Sadevakassa lokassa satthaa appa.tipuggalo.|| ||

Sakkaaya~n ca nirodha~n ca sakkaayassa ca sambhava.m,||
Ariya.m c'a.t.tha'ngika.m magga.m dukkhuupasamagaamina.m.|| ||

Ye pi diighaayukaa devaa va.n.navanto yasassino,||
Bhiitaa santaasam aapaadu.m siihass'ev'itare migaa te.|| ||

Aviitivattaa sakkaaya.m aniccaa kira bho maya.m,||
Sutvaa arahato vaakya.m vippamuttassa taadino ti.|| ||

 


Contact:
E-mail
Copyright Statement