Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
IV. Cakka Vagga

Sutta 34

Aggappasaada Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[34]

[1][pts][bodh] Eva.m me suta.m:|| ||

Eka.m samaya.m Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaaro'me bhikkhave aggappasaadaa.|| ||

Katame cattaaro?|| ||

Yaavataa bhikkhave sattaa apadaa vaa dipadaa vaa catuppadaa vaa bahuppadaa vaa ruupino vaa aruupino vaa sa~n~nino vaa asa~n~nino vaa n'eva-sa~n~nii-naasa~n~nino vaa,||
Tathaagato tesa.m aggam akkhaayati araha.m Sammaa-sambuddho.|| ||

Ye bhikkhave Buddhe pasannaa,||
agge te pasannaa,||
agge kho pana pasannaana.m aggo vipaako hoti.|| ||

3. Yaavataa bhikkhave dhammaa sa'nkhataa,||
ariyo a.t.tha'ngiko maggo tesa.m aggam akkhaayati.|| ||

Ye bhikkhave ariye a.t.tha'ngike magge pasannaa,||
agge te pasannaa,||
agge kho pana pasannaana.m aggo vipaako hoti.|| ||

4. Yaavataa bhikkhave dhammaa sa'nkhataa vaa asa'nkhataa vaa,||
viraago tesa.m dhammaana.m aggam akkhaayati.|| ||

Yad ida.m madanimmadano pipaasavinayo aalayasamugghaato va.t.tupacchedo ta.nhakkhayo viraago nirodho nibbaana.m.|| ||

Ye bhikkhave dhamme pasannaa,||
agge te pasannaa,||
agge kho pana pasannaana.m aggo vipaako hoti.|| ||

5. Yaavataa bhikkhave sa'nghaa vaa ga.naa vaa,||
Tathaagata-saavaka-sa'ngho tesa.m aggam akkhaayati.|| ||

Yad ida.m cattaari purisayugaani a.t.tha purisapuggalaa,||
esa Bhagavato saavakasa'ngho aahuneyyo paahu.neyyo dakkhi.neyyo a~njalikara.niiyo anuttara.m pu~n~nakkhetta.m lokassa.|| ||

[35] Ye bhikkhave sa'nghe pasannaa,||
agge te pasannaa,||
agge kho pana pasannaana.m aggo vipaako hoti.|| ||

Ime kho bhikkhave cattaaro aggappasaadaati.|| ||

 

Aggato ve pasannaana.m agga.m dhamma.m vijaanata.m,||
Agge Buddhe pasannaana.m dakkhi.neyye anuttare.|| ||

Agge dhamme pasannaana.m viraaguupasame sukhe,||
Agge sa'nghe pasannaana.m pu~n~nakkhette anuttare.|| ||

Aggasmi.m daana.m dadata.m agga.m pu~n~na.m pava.d.dhati,||
Agga.m aayu~n ca va.n.no ca yaso kitti sukha.m bala.m.|| ||

Aggassa daataa medhaavii aggadhammasamaahito,||
Devabhuuto manusso vaa aggappatto pamodatii ti.|| ||

 


Contact:
E-mail
Copyright Statement