Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
IV. Cakka Vagga

Sutta 38

Patiliina Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[41]

[1][pts][bodh] Panu.n.napaccekasacco bhikkhave bhikkhu samavayasa.t.thesano passaddhakaayasankhaaro patiliino ti vuccati.|| ||

Katha~n ca bhikkhave bhikkhu panunnapaccekasacco hoti?|| ||

Idha, bhikkhave, bhikkhuno yaani taani,||
puthusama.na-braahma.naana.m puthupaccekasaccaani,||
seyyathiida.m sassato loko ti vaa||
asassato loko ti vaa||
antavaa loko ti vaa||
anantavaa loko ti vaa;||
ta.m jiiva.m ta.m sariiran ti vaa||
a~n~na.m jiiva.m a~n~na.m sariiran ti vaa||
hoti Tathaagato para.m mara.naa ti vaa||
na hoti Tathaagato para.m mara.naa ti vaa;||
hoti ca na hoti ca Tathaagato para.m mara.naa ti vaa||
n'eva hoti na na hoti Tathaagato para.m mara.naa ti vaa.|| ||

Sabbaani'ssa taani panunnaani honti,||
cattaani,||
vantaani,||
muttaani,||
pahii.naani,||
pa.tinissa.t.thaani.|| ||

Eva.m kho bhikkhave bhikkhu panunnapaccekasacco hoti.|| ||

Katha~n ca bhikkhave bhikkhu samavayasa.t.thesano hoti?|| ||

Idha, bhikkhave, bhikkhuno kaamesanaa pahii.naa hoti.|| ||

Bhavesanaa pahii.naa hoti.|| ||

Brahmacariyesanaa pa.tippassaddhaa.|| ||

Eva.m kho bhikkhave bhikkhu samavayasa.t.thesano hoti.|| ||

Katha~n ca bhikkhave bhikkhu passaddhakaayasankhaaro hoti?|| ||

Idha, bhikkhave, bhikkhu sukhassa ca pahaanaa dukkhassa ca pahaanaa pubb'eva somanassa-domanassaana.m attha'ngamaa adukkha.m-asukha.m upekkhaa-sati-paarisuddhi.m catuttha.m-jhaana.m upasampajja viharati.|| ||

Eva.m kho bhikkhave bhikkhu passaddhakaayasankhaaro hoti.|| ||

Katha~n ca bhikkhave bhikkhu patiliino hoti?|| ||

Idha, bhikkhave, bhikkhuno asmimaano pahii.no hoti.|| ||

Ucchinnamuulo,||
taalaavatthukato,||
anabhaavakato,||
aayati.m anuppaadadhammo.|| ||

Eva.m kho bhikkhave bhikkhu patiliino hoti.|| ||

Panu.n.napaccekasacco bhikkhave bhikkhu samavayasa.t.thesano passaddhakaayasankhaaro patiliinoti vuccatii ti.|| ||

[42] Kaamesanaa bhavesanaa brahmacariyesanaa saha,||
Iti saccaparaamaaso di.t.thi.t.thaanaa samussayaa.|| ||

Sabbaraagavirattassa ta.nhakkhayavimuttino,||
Esanaa pa.tinissa.t.thaa di.t.thi.t.thaana.m samuuhataa.|| ||

Sa ve santo sato bhikkhu passaddho aparaajito,||
Maanaabhisamayaa buddho patiliinoti vuccatii ti.|| ||

 


Contact:
E-mail
Copyright Statement