Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
IV. Cakka Vagga

Sutta 39

Ujjaaya Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[42]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

2. Atha kho Ujjaayo braahma.no yena Bhagavaa ten'upasa'nkami.|| ||

Upasa'nkamitvaa Bhagavataa saddhi.m sammodi.|| ||

Sammodaniiya.m katha.m saaraa.niiya.m viitisaaretvaa eka-m-anta.m nisiidi.|| ||

Eka-m-anta.m nisinno kho Ujjaayo braahma.no Bhagavanta.m etad avoca:|| ||

"Bhavam pi no Gotamo ya~n~na.m va.n.netii" ti?|| ||

3. Na kho aha.m braahma.na sabba.m ya~n~na.m va.n.nemi.|| ||

Na panaaha.m braahma.na sabba.m ya~n~na.m na va.n.nemi.|| ||

Yathaaruupe ca kho braahma.na ya~n~ne gaavo ha~n~nanti,||
aje.lakaa ha~n~nanti,||
kukku.tasuukaraa ha~n~nanti,||
vividhaa paa.naa sa'nghaata.m aapajjanti,||
evaruupa.m kho aha.m braahma.na saarambha.m ya~n~na.m na va.n.nemi.|| ||

Ta.m kissa hetu?|| ||

Evaruupa.m hi braahma.na saarambha.m ya~n~na.m na upasa'nkamanti arahanto vaa arahamagga.m samaapannaa vaa.|| ||

Yathaaruupe ca kho braahma.na ya~n~ne n'eva gaavo ha~n~nanti,||
na aje.lakaa ha~n~nanti,||
na kukku.tasuukaraa ha~n~nanti,||
na vividhaa paa.naa sa'nghaata.m aapajjanti.|| ||

Evaruupa.m kho aha.m braahma.na niraarambha.m ya~n~na.m va.n.nemi.|| ||

Yad ida.m niccadaana.m anukulaya~n~na.m.|| ||

Ta.m kissa hetu?|| ||

Evaruupa.m hi braahma.na niraarambha.m ya~n~na.m upasa'nkamanti arahanto vaa arahamagga.m vaa samaapannaati.|| ||

 

Assamedha.m purisamedha.m sammaapaasa.m vaajapeyya.m||
[43] Niraggala.m mahaarambhaa na te honti mahapphalaa.|| ||

Aje.lakaa ca gaavo ca vividhaa yattha ha~n~nare,||
Na ta.m sammaggataa ya~n~na.m upayanti mahesino.|| ||

Ya.m ca ya~n~na.m niraarambha.m yajanti anukula.m sadaa,||
aje.lakaa ca gaavo ca vividhaa n'ettha ha~n~nare.|| ||

Ta.m ca sammaggataa ya~n~na.m upayanti mahesino,||
Eta.m yajetha medhaavii eso ya~n~no mahapphalo.|| ||

Eta.m hi yajamaanassa seyyo hoti na paapiyo,||
Ya~n~no ca vipulo hoti pasiidanti ca devataati.|| ||

 


Contact:
E-mail
Copyright Statement