Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
IV. Cakka Vagga

Sutta 40

Udaayii Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[43]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

2. Atha kho Udaayii braahma.no yena Bhagavaa ten'upasa'nkami.|| ||

Upasa'nmitvaa Bhagavataa saddhi.m sammodi.|| ||

Sammodaniiya.m katha.m saaraa.niiyaa.m viitisaaretvaa eka-m-anta.m nisiidi.|| ||

Eka-m-anta.m nisinno kho Udaayii braahma.no Bhagavanta.m etad avoca:|| ||

"Bhavam pi no Gotamo ya~n~na.m va.n.netii" ti?|| ||

3. Na kho aha.m braahma.na sabba.m ya~n~na.m va.n.nemi.|| ||

Na panaaha.m braahma.na sabba.m ya~n~na.m na va.n.nemi.|| ||

Yathaaruupe ca kho braahma.na ya~n~ne gaavo ha~n~nanti,||
aje.lakaa ha~n~nanti,||
kukku.tasuukaraa ha~n~nanti,||
vividhaa paa.naa sa'nghaata.m aapajjanti,||
evaruupa.m kho aha.m braahma.na saarambha.m ya~n~na.m na va.n.nemi.|| ||

Ta.m kissa hetu?|| ||

Evaruupa.m hi braahma.na saarambha.m ya~n~na.m na upasa'nkamanti arahanto vaa arahamagga.m samaapannaa vaa.|| ||

Yathaaruupe ca kho braahma.na ya~n~ne n'eva gaavo ha~n~nanti,||
na aje.lakaa ha~n~nanti,||
na kukku.tasuukaraa ha~n~nanti,||
na vividhaa paa.naa sa'nghaata.m aapajjanti.|| ||

Evaruupa.m kho aha.m braahma.na niraarambha.m ya~n~na.m va.n.nemi.|| ||

Yad ida.m niccadaana.m anukulaya~n~na.m.|| ||

Ta.m kissa hetu?|| ||

Evaruupa.m hi braahma.na niraarambha.m ya~n~na.m upasa'nkamanti arahanto vaa arahamagga.m vaa samaapannaati.|| ||

 

Abhisa'nkhata.m niraarambha.m ya~n~na.m kaalena kappiya.m,||
[44] taadisa.m upasa.myanti sa~n~nataa brahmacaariyaa.|| ||

Vivattacchaddaa ye loke viitivattaa kaala.m gati.m,||
Ya~n~nam eta.m pasa.msanti buddhaa pu~n~nassa kovidaa.|| ||

Ya~n~ne vaa yadi vaa saddhe bhavya.m katvaa yathaaraha.m,||
Pasannacitto yajati sukhette brahmacaarisu.|| ||

Suhuta.m suyi.t.tha.m suppatta.m dakkhi.neyyesu ya.m kata.m,||
Ya~n~no ca vipulo hoti pasiidanti ca devataa.|| ||

Eva.m yajitvaa medhaavii saddho muttena cetasaa,||
Avyaapajjha.m sukha.m loka.m pa.n.dito upapajjatii ti.|| ||

 

Cakkavaggo catuttho

 


Contact:
E-mail
Copyright Statement