Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
V. Rohitassa Vagga

Sutta 46

Dutiya Rohitassa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

2. Eka.m samaya.m Bhagavaa Saava.t.thiya.m viharati Jetavane Anaathapi.n.dikassa aaraame.|| ||

Atha kho Bhagavaa tassaa rattiyaa accayena bhikkhuu aamantesi:|| ||

Ima.m bhikkhave ratti.m Rohitasso devaputto abhikkantaaya rattiyaa abhikkantavana.n.no kevalakappa.m jevana.m obhaasetvaa yenaaha.m ten'upasa'nkami,||
upasa'nkamitvaa ma.m abhivaadetvaa eka-m-anta.m a.t.thaasi,||
eka-m-anta.m .thito kho bhikkhave rohitasso devaputto ma.m etad avoca:|| ||

"Yattha nu kho bhante na jaayati,||
na jiiyati,||
na miiyyati||
na cavati,||
na uppajjati,||
sakkaa nu kho bhante gamanena lokassa anta.m ~naatu.m vaa da.t.thu.m vaa paapu.nitu.m vaa" ti?|| ||

Eva.m vutte aha.m bhikkhave Rohitassa.m devaputta.m etad avoca.m:|| ||

"Yattha kho aavuso na jaayati,||
na jiiyati,||
na miiyyati,||
na cavati,||
na uppajjati||
naahan ta.m gamanena lokassa anta.m ~naatayya.m da.t.thayya.m pattayyan ti vadaami."|| ||

Eva.m vutte bhikkhave rohitasso devaputto ma.m etad avoca:|| ||

2. "Acchariyama bhante,||
abbhuutam bhante,||
yaava subhaasita.m c'idam bhante Bhagavataa:|| ||

'Yattha kho aavuso na jaayati||
na jiiyati||
na miiyyati||
na cavati||
na uppajjati,||
naahanta.m gamanena lokassa anta.m ~naatayya.m da.t.thayya.m pattayyan ti vadaamii'.|| ||

Bhuutapubbaaha.m bhante,||
Rohitasso naama isi ahosi.m bhojaputto iddhimaa vehaasa'ngamo.|| ||

Tassa mayha.m bhante evaruupo javo ahosi,||
seyyathaa pi naama da.lhadhammo dhanuggaho sikkhito katahattho katuupaasano lahukena asanena appakasirena tiriya.m taalacchaaya.m atipaateyya.|| ||

Evaruupo padaviitihaaro ahosi,||
seyyathaa pi naama puratthimaa samuddaa pacchimo samuddo.|| ||

Tassa mayha.m bhante evaruupena javena samantaagatassa evaruupena ca padaviitihaarena, evaruupa.m icchaagata.m uppajji:|| ||

Aha.m gamanena lokassa anta.m paapu.nissaamiiti.|| ||

So kho'ha.m bhante a~n~natr'eva asitapiitakhaayitasaayitaa,||
a~n~natr'uccaarapassaavakammaa,||
a~n~natra niddaakilamatha-pa.tivinodanaa,||
vassasataayuko vassasatajiivii vassasata.m gantvaa appatvaa ca lokassa anta.m antaraa kaalakato.|| ||

Acchariya.m bhante abbhuuta.m bhante yaava subhaasita.m c'idam bhante Bhagavataa:|| ||

'Yattha kho aavuso na jaayati||
na jiiyati||
na miiyyati||
na cavati||
na uppajjati,||
naahanta.m gamanena lokassa anta.m ~naatayya.m da.t.thayya.m pattayyan ti vadaamii.'|| ||

Eva.m vutte aha.m bhikkhave Rohitassa.m devaputta.m etad avoca.m:|| ||

3. Yattha kho aavuso na jaayati,||
na jiiyati,||
na miiyati,||
na cavati,||
na uppajjati,||
naahanta.m gamanena lokassa anta.m ~naatayya.m da.t.thayya.m pattayyan ti vadaami,||
na caaha.m aavuso appatvaa va lokassa anta.m dukkhassa antakiriya.m vadaami.|| ||

Api caaha.m aavuso imasmi.m yeva byaamatte kalebare sa~n~nimhi samanake loka~n ca pa~n~naapemi||
lokasamudaya~n ca||
lokanirodha~n ca||
lokanirodhagaamini~n ca pa.tipadanti.|| ||

Gamanena na pattabbo lokass'anto kudaacana.m,||
Na ca appatvaa lokanta.m dukkhaa atthi pamocana.m.|| ||

Tasmaa have lokaviduu sumedho lokantaguu vusitabrahmacariyo,||
Lokassa anta.m samitaavii ~natvaa naasi.msatii lokam ima.m para~n caa tii.|| ||

 


Contact:
E-mail
Copyright Statement