Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
V. Rohitassa Vagga

Sutta 48

Visaakha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saava.t.thiya.m viharati Jetavane Anaathapi.n.dikassa aaraame.|| ||

Tena kho pana samayena aayasmaa Visaakho Pa~ncaaliputto upa.t.thaanasaalaaya.m bhikkhuu dhammiyaa kathaaya sandasseti samaadapeti samuttejeti sampaha.mseti poriyaa vaacaaya vissa.t.thaaya anelagalaaya atthassa vi~n~naapaniyaa pariyaapannaaya anissitaaya.|| ||

Atha kho Bhagavaa saaya.nhasamaya.m patisallaanaa vu.t.thito yen'upa.t.thaanasaalaa ten'upasa'nkami.|| ||

Upasa'nkamitvaa pa~n~natte aasane nisiidi.|| ||

Nisajja kho Bhagavaa bhikkhuu aamantesi:|| ||

"Ko nu kho bhikkhave upa.t.thaanasaalaaya.m bhikkhuu dhammiyaa kathaaya sandasseti samaadapeti samuttejeti sampaha.mseti poriyaa vaacaaya vissa.t.thaaya anelagalaaya atthassa vi~n~naapaniyaa pariyaapannaaya anissitaayaa" ti?|| ||

"Aayasmaa bhante Visaakho Pa~ncaaliputto upa.t.thaanasaalaaya.m bhikkhuu dhammiyaa kathaaya sandasseti samaadapeti samuttejeti sampaha.mseti poriyaa vaacaaya vissa.t.thaaya anelagalaaya atthassa vi~n~naapaniyaa pariyaapannaaya anissitaayaa" ti.|| ||

Atha kho Bhagavaa aayasmanta.m Visaakha.m Pa~ncaaliputta.m etad avoca:|| ||

"Saadhu saadhu visaakha,||
saadhu kho tva.m Visaakha bhikkhuu dhammiyaa kathaaya sandassesi samaadapesi samuttejesi sampaha.msesi poriyaa vaacaaya vissa.t.thaaya anelagalaaya atthassa vi~n~naapaniyaa pariyaapannaaya anissitaayaa" ti.|| ||

Na bhaasamaana.m jaananti missa.m baalehi pa.n.dita.m,||
Bhaasamaana~n ca jaananti desenta.m amata.m pada.m.|| ||

Bhaasaye jotaye dhamma.m pagga.nhe isina.m dhaja.m,||
Subhaasitadhajaa isayo dhammo hi isina.m dhajo ti.|| ||

 


Contact:
E-mail
Copyright Statement