Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
VI. Pu~n~naabhisanda Vagga

Sutta 51

Pa.thama Pu~n~naabhisanda Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[63]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

2. Cattaaro'me bhikkhave pu~n~naabhisandaa kusalaabhisandaa sukhassaahaaraa sovaggikaa sukhavipaakaa saggasa.mvattanikaa i.t.thaaya kantaaya manaapaaya hitaaya sukhaaya sa.mvattanti.|| ||

Katame cattaaro?|| ||

Yassa bhikkhave bhikkhu ciivara.m paribhu~njamaano appamaa.na.m ceto-samaadhi.m upasampajja viharati,||
appamaa.no tassa pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Yassa bhikkhave bhikkhu pi.n.dapaata.m paribhu~njamaano appamaa.na.m ceto-samaadhi.m upasampajja viharati,||
appamaa.no tassa pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

[55] Yassa bhikkhave bhikkhu senaasana.m paribhu~njamaano,||
appamaa.na.m ceto-samaadhi.m upasampajja viharati,||
appamaa.no tassa pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Yassa bhikkhave bhikkhu gilaanapaccayabhesajjaparikkhaara.m paribhu~njamaano,||
appamaa.na.m ceto-samaadhi.m upasampajja viharati,||
appamaa.no tassa pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Ime kho bhikkhave cattaaro pu~n~naabhisandaa kusalaabhisandaa sukhassaahaaraa sovaggikaa sukhavipaakaa saggasa.mvattanikaa i.ti.thaaya kantaaya manaapaaya hitaaya sukhaaya sa.mvattanti.|| ||

2. Imehi ca pana bhikkhave catuhi pu~n~naabhisandehi kusalaabhisandehi samannaagatassa ariyasaavakassa na sukara.m pu~n~nassa pamaa.na.m gahetu.m,||
ettako pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Atha kho asa'nkheyyo appameyyo mahaapu~n~nakkhandho t'veva sa'nkha.m gacchati.|| ||

3. Seyyathaa pi, bhikkhave, mahaasamudde na sukara.m udakassa pamaa.na.m gahetu.m||
ettakaani udakaa.lhakaaniiti vaa||
ettakaani udakaa.lhakasataaniiti vaa||
ettakaani udakaa.lhakasahassaaniiti vaa||
ettakaani udakaa.lhakasatasahassaaniiti vaa.|| ||

Atha kho asa'nkheyyo appameyyo mahaaudakakkhandho t'veva sa'nkha.m gacchati.|| ||

Evam eva kho bhikkhave imehi catuhi pu~n~naabhisandehi kusalaabhisandehi samantaagatassa ariyasaavakassa na sukara.m pu~n~nassa pamaa.na.m gahetu.m,||
ettako pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattatii ti.|| ||

Atha kho asa'nkheyyo appameyyo mahaapu~n~nakkhandhotv eva sa'nkha.m gacchatiiti|| ||

Mahodadhi.m aparimita.m mahaasara.m||
bahubherava.m ratanaga.naanamaalaya.m,||
Najjo yathaa naraga.nasa'nghasevitaa [56]||
puthuu savanti upayanti saagara.m.|| ||

Eva.m nara.m annadapaanavatthada.m||
seyyaanisajjatthara.nassa daayaka.m,||
Pu~n~nassa dhaaraa upayanti pa.n.dita.m||
najjo yathaa vaarivahaava saagaranti.

 


Contact:
E-mail
Copyright Statement