Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
VI. Pu~n~naabhisanda Vagga

Sutta 52

Dutiya Pu~n~naabhisanda Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[56]

[1][pts][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati
Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

2. Cattaaro'me bhikkhave pu~n~naabhisandaa kusalaabhisandaa sukhassaahaaraa sovaggikaa sukhavipaakaa saggasa.mvattanikaa i.t.thaaya kantaaya manaapaaya hitaaya sukhaaya sa.mvattanti.|| ||

Katame cattaaro?|| ||

Idha, bhikkhave, ariyasaavako Buddhe aveccappasaadena samannaagato hoti:|| ||

Iti pi so Bhagavaa araha.m sammaasambuddho vijjaacara.nasampanno sugato lokaviduu anuttaro purisadammasaarathii satthaa deva-manussaana.m buddho Bhagavaa ti.|| ||

Aya.m bhikkhave pa.thamo pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Puna ca para.m bhikkhave ariyasaavako dhamme aveccappasaadena samantaagato hoti:|| ||

Svaakkhaato Bhagavataa dhammo sandi.t.thiko akaaliko ehipassiko opanayiko paccatta.m veditabbo vi~n~nuuhiiti.|| ||

Aya.m bhikkhave dutiyo pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Puna ca para.m bhikkhave ariyasaavako sa'nghe aveccappasaadena samannaagato hoti:|| ||

Supa.tipanno Bhagavato saavakasa'ngho,||
ujupa.tipanno Bhagavato saavakasa'ngho,||
~naayapa.tipanno Bhagavato saavakasa'ngho,||
saamiicipa.tipanno Bhagavato saavakasa'ngho,||
yad ida.m cattaari purisayugaani,||
a.t.thapurisapuggalaa.|| ||

Esa Bhagavato saavakasa'ngho aahuneyyo paahu.neyyo dakkhi.neyyo a~njalikara.niiyo anuttara.m pu~n~nakkhetta.m lokassaati.|| ||

Aya.m bhikkhave tatiyo pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Puna ca para.m bhikkhave ariyasaavako ariyakantehi siilehi samantaagato hoti akha.n.dehi acchiddehi asabalehi [57] akammaasehi bhujissehi vi~n~nuppasatthehi aparaama.t.thehi samaadhisa.mvattanikehi.|| ||

Aya.m bhikkhave catuttho pu~n~naabhisando kusalaabhisando sukhassaahaaro sovaggiko sukhavipaako saggasa.mvattaniko i.t.thaaya kantaaya manaapaaya hitaaya sukhaaya sa.mvattati.|| ||

Ime kho bhikkhave cattaaro pu~n~naabhisandaa kusalaabhisandaa sukhassaahaaraa sovaggikaa sukhavipaakaa saggasa.mvattanikaa i.t.thaaya kantaaya manaapaaya hitaaya sukhaaya sa.mvattantii ti.|| ||

Yassa saddhaa Tathaagate acalaa suppati.t.thitaa,
Siila~n ca yassa kalyaa.na.m ariyakanta.m pasa.msita.m.|| ||

Sa'nghe pasaado yass'atthi ujubhuta~n ca dassana.m,
Ada.liddo ti ta.m aahu amogha.m tassa jiivita.m.|| ||

Tasmaa saddha~n ca siila~n ca pasaada.m dhammadassana.m,
Anuyu~njetha medhaavii sara.m buddhaana saasanan ti.|| ||

 


Contact:
E-mail
Copyright Statement