Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
VI. Pu~n~naabhisanda Vagga

Sutta 53

Pa.thama Sa.mvaasa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[57]

[1][pts][bodh] Eva.m me suta.m:|| ||

Eka.m samaya.m Bhagavaa antaraa ca Madhura.m antaraa ca Vera~nji.m addhaanamaggapa.tipanno hoti.|| ||

Sambahulaa pi kho gahapatii ca gahapataaniyo ca antaraa ca Vera~nji.m antaraa ca Madhura.m addhaanamaggapa.tipannaa honti.|| ||

Atha kho Bhagavaa maggaa okkamma a~n~natarasmi.m rukkhamuule pa~n~natte aasane nisiidi.|| ||

Addasa.msu kho gahapatii ca gahapataaniyo ca Bhagavanta.m a~n~natarasmi.m rukkhamuule nisinna.m||
disvaa yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinne kho te gahapatii ca gahapataaniyo ca Bhagavaa etad avoca:|| ||

2. "Cattaaro'me gahapatayo sa.mvaasaa.|| ||

Katame cattaaro?|| ||

Chavo chavaaya saddhi.m sa.mvasati,||
chavo deviyaa saddhi.m sa.mvasati,||
devo chavaaya saddhi.m sa.mvasati,||
devo deviyaa saddhi.m sa.mvasati.|| ||

3. Katha~n ca gahapatayo chavo chavaaya saddhi.m sa.mvasati?|| ||

[58] Idha gahapatayo saamiko hoti paa.naatipaatii,||
adinnaadaayii,||
kaamesu micchaacaarii,||
musaavaadii,||
suraamerayamajjapamaada.t.thaayii dussiilo paapadhammo,||
maccheramalapariyu.t.thitena cetasaa agaara.m ajajhaavasati,||
akkosakaparibhaasako sama.na-braahma.naana.m,||
bhariyaa pi'ssa hoti paa.naatipaatinii,||
adinnaadaayinii,||
kaamesu micchaacaarinii,||
musaavaadinii,||
suraamerayamajjapamaada.t.thaayinii,||
dussiilaa paapadhammaa,||
maccheramalapariyu.t.thitena cetasaa agaara.m ajajhaavasati,||
akkosikaparibhaasikaa sama.na-braahma.naana.m.|| ||

Eva.m kho gahapatayo chavo chavaaya saddhi.m sa.mvasati.|| ||

Katha~n ca gahapatayo chavo deviyaa saddhi.m sa.mvasati?|| ||

Idha gahapatayo saamiko hoti paa.naatipaatii,||
adinnaadaayii,||
kaamesu micchaacaarii,||
musaavaadii,||
suraamerayamajjapamaada.t.thaayii,||
dussiilo paapadhammo,||
maccheramalapariyu.t.thitena cetasaa agaara.m ajjhaavasati,||
akkosakaparibhaasako sama.na-braahma.naana.m,||
bhariyaa ca khvassa hoti paa.naatipaataa pa.tivirataa||
adinnaadaanaa pa.tivirataa||
kaamesu micchaacaaraa pa.tivirataa||
musaa-vaadaa pa.tivirataa||
suraamerayamajjapamaada.t.thaanaa pa.tivirataa||
siilavatii kalyaa.nadhammaa,||
vigatamalamaccherena cetasaa aagaara.m ajjhaavasati,||
anakkosikaparibhaasikaa sama.na-braahma.naana.m.|| ||

Eva.m kho gahapatayo chavo deviyaa saddhi.m sa.mvasati.|| ||

Katha~n ca gahapatayo devo chavaaya saddhi.m sa.mvasati?|| ||

Idha gahapatayo saamiko hoti paa.naatipaataa pa.tivirato,||
adinnaadaanaa pa.tivirato,||
kaamesu micchaacaaraa pa.tivirato,||
musaa-vaadaa pa.tivirato,||
suraamerayamajjapamaada.t.thaanaa pa.tivirato,||
siilavaa kalyaa.nadhammo,||
vigatamalamaccherena cetasaa agaara.m ajjhaavasati,||
anakkosakaparibhaasako sama.na-braahma.naana.m,||
bhariyaa ca khvassa hoti paa.naatipaatinii,||
adinnaadaayinii,||
kaamesu micchaacaarinii,||
musaavaadinii,||
suraamerayamajjapamaada.t.thaayinii,||
dussiilaa paapadhammaa,||
maccheramalapariyu.t.thitena cetasaa agaara.m ajjhaavasati,||
akkosikaparibhaasikaa sama.na-braahma.naana.m.|| ||

Eva.m kho gahapatayo devo chavaaya saddhi.m sa.mvasati.|| ||

Katha~n ca gahapatayo devo deviyaa saddhi.m sa.mvasati?|| ||

Idha gahapatayo saamiko hoti paa.naatipaataa pa.tivirato,||
adinnaadaanaa pa.tivirato,||
kaamesu micchaacaaraa pa.tivirato,||
musaa-vaadaa pa.tivirato,||
suraamerayamajjapamaada.t.thaanaa pa.tivirato,||
siilavaa kalyaa.nadhammo,||
vigatamalamaccherena cetasaa agaara.m ajjhaavasati,||
anakkosakaparibhaasako sama.na-braahma.naana.m,||
bhariyaapi'ssa hoti paa.naatipaataa pa.tivirataa,||
adinnaadaanaa pa.tivirataa,||
kaamesu micchaacaaraa pa.tivirataa,||
musaa-vaadaa pa.tivirataa,||
suraamerayamajjapamaada.t.thaanaa pa.tivirataa,||
siilavatii kalyaa.nadhammaa,||
vigatamalamaccherena cetasaa agaara.m ajjhaavasati,||
anakkosikaparibhaasikaa sama.na-braahma.naana.m.|| ||

Eva.m kho gahapatayo devo deviyaa saddhi.m sa.mvasati.|| ||

[59] Ime kho gahapatayo cattaaro sa.mvaasaati.|| ||

Ubho ca honti dussiilaa kadariyaa paribhaasakaa,||
Te honti jaanipatayo chavaa sa.mvaasamaagataa.|| ||

Saamiko dussiilo hoti kadariyo paribhaasako,||
Bhariyaa siilavatii hoti vada~n~nuu viitamaccharaa;||
Saapi devii sa.mvasati chavena patinaa saha.|| ||

Saamiko siilavaa hoti vada~n~nuu viitamaccharo,||
Bhariyaa'ssa hoti dussiilaa kadariyaa paribhaasikaa;||
Saapi chavaa sa.mvasati devena patinaa saha.|| ||

Ubho saddhaa vada~n~nuu ca sa~n~nataa dhammajiivino,||
Te honti jaanipatayo a~n~nama~n~na.m piya.mvadaa.|| ||

Atthaa sampacuraa honti vaasattha.m upajaayati,||
Amittaa dummanaa honti ubhinna.m samasiilina.m.|| ||

Idha dhamma.m caritvaana samasiilabbataa ubho,||
Nandino devalokasmi.m modanti kaamakaamino ti.|| ||

 


Contact:
E-mail
Copyright Statement