Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
VI. Pu~n~naabhisanda Vagga

Sutta 54

Dutiya Sa.mvaasa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][bodh] Eva.m me suta.m:|| ||

Eka.m samaya.m Bhagavaa bhikkhuu aamantesi:|| ||

'Bhikkhavo' ti.|| ||

'Bhadante' ti te bhikkhuu Bhagavato paccassosu.m.|| ||

Bhagavaa etad avoca:|| ||

2. "Cattaaro'me bhikkhave sa.mvaasaa.|| ||

Katame cattaaro?|| ||

Chavo chavaaya saddhi.m sa.mvasati,||
chavo deviyaa saddhi.m sa.mvasati,||
devo chavaaya saddhi.m sa.mvasati,||
devo deviyaa saddhi.m sa.mvasati.|| ||

3. Katha~n ca bhikkhave chavo chavaaya saddhi.m sa.mvasati?|| ||

Idha bhikkhave saamiko hoti paa.naatipaatii,||
adinnaadaayii,||
kaamesu micchaacaarii,||
musaavaadii,||
pisunaavaaco,||
pharusaavaaco,||
sampapphalaapii,||
abhijjhaalu,||
vyaapannacitto,||
micchaadi.t.thiko,||
dussiilo paapadhammo,||
maccheramalapariyu.t.thitena cetasaa agaara.m ajajhaavasati,||
akkosakaparibhaasako sama.na-braahma.naana.m,||
bhariyaa pi'ssa hoti paa.naatipaatinii,||
adinnaadaayinii,||
kaamesu micchaacaarinii,||
musaavaadinii,||
pisunaavaaco,||
pharusaavaaco,||
sampapphalaapii,||
abhijjhaalu,||
vyaapannacitto,||
micchaadi.t.thiko,||
dussiilaa paapadhammaa,||
maccheramalapariyu.t.thitena cetasaa agaara.m ajajhaavasati,||
akkosikaparibhaasikaa sama.na-braahma.naana.m.|| ||

Eva.m kho bhikkhave chavo chavaaya saddhi.m sa.mvasati.|| ||

Katha~n ca bhikkhave chavo deviyaa saddhi.m sa.mvasati?|| ||

Idha bhikkhave saamiko hoti paa.naatipaatii,||
adinnaadaayii,||
kaamesu micchaacaarii,||
musaavaadii,||
pisunaavaaco,||
pharusaavaaco,||
sampapphalaapii,||
abhijjhaalu,||
vyaapannacitto,||
micchaadi.t.thiko,||
dussiilo paapadhammo,||
maccheramalapariyu.t.thitena cetasaa agaara.m ajjhaavasati,||
akkosakaparibhaasako sama.na-braahma.naana.m,||
bhariyaa ca khvassa hoti paa.naatipaataa pa.tivirataa||
adinnaadaanaa pa.tivirataa||
kaamesu micchaacaaraa pa.tivirataa||
musaa-vaadaa pa.tivirataa||
pisunaavaacaa pa.tivirato,||
pharusaavaacaa pa.tivirato,||
samphappalaapaa pa.tivirato,||
anabhijjhaalu,||
avyaapannacitto,||
sammaadi.t.thiko,||
siilavatii kalyaa.nadhammaa,||
vigatamalamaccherena cetasaa aagaara.m ajjhaavasati,||
anakkosikaparibhaasikaa sama.na-braahma.naana.m.|| ||

Eva.m kho bhikkhave chavo deviyaa saddhi.m sa.mvasati.|| ||

Katha~n ca bhikkhave devo chavaaya saddhi.m sa.mvasati?|| ||

Idha bhikkhave saamiko hoti paa.naatipaataa pa.tivirato,||
adinnaadaanaa pa.tivirato,||
kaamesu micchaacaaraa pa.tivirato,||
musaa-vaadaa pa.tivirato,||
pisunaavaacaa pa.tivirato,||
pharusaavaacaa pa.tivirato,||
samphappalaapaa pa.tivirato,||
anabhijjhaalu,||
avyaapannacitto,||
sammaadi.t.thiko,||
siilavaa kalyaa.nadhammo,||
vigatamalamaccherena cetasaa agaara.m ajjhaavasati,||
anakkosakaparibhaasako sama.na-braahma.naana.m,||
bhariyaa ca khvassa hoti paa.naatipaatinii,||
adinnaadaayinii,||
kaamesu micchaacaarinii,||
musaavaadinii,||
pisunaavaaco,||
pharusaavaaco,||
sampapphalaapii,||
abhijjhaalu,||
vyaapannacitto,||
micchaadi.t.thiko,||
dussiilaa paapadhammaa,||
maccheramalapariyu.t.thitena cetasaa agaara.m ajjhaavasati,||
akkosikaparibhaasikaa sama.na-braahma.naana.m.|| ||

Eva.m kho bhikkhave devo chavaaya saddhi.m sa.mvasati.|| ||

Katha~n ca bhikkhave devo deviyaa saddhi.m sa.mvasati?|| ||

Idha bhikkhave saamiko hoti paa.naatipaataa pa.tivirato,||
adinnaadaanaa pa.tivirato,||
kaamesu micchaacaaraa pa.tivirato,||
musaa-vaadaa pa.tivirato,||
pisunaavaacaa pa.tivirato,||
pharusaavaacaa pa.tivirato,||
samphappalaapaa pa.tivirato,||
anabhijjhaalu,||
avyaapannacitto,||
sammaadi.t.thiko,||
siilavaa kalyaa.nadhammo,||
vigatamalamaccherena cetasaa agaara.m ajjhaavasati,||
anakkosakaparibhaasako sama.na-braahma.naana.m,||
bhariyaapi'ssa hoti paa.naatipaataa pa.tivirataa,||
adinnaadaanaa pa.tivirataa,||
kaamesu micchaacaaraa pa.tivirataa,||
musaa-vaadaa pa.tivirataa,||
pisunaavaacaa pa.tivirato,||
pharusaavaacaa pa.tivirato,||
samphappalaapaa pa.tivirato,||
anabhijjhaalu,||
avyaapannacitto,||
sammaadi.t.thiko,||
siilavatii kalyaa.nadhammaa,||
vigatamalamaccherena cetasaa agaara.m ajjhaavasati,||
anakkosikaparibhaasikaa sama.na-braahma.naana.m.|| ||

Eva.m kho bhikkhave devo deviyaa saddhi.m sa.mvasati.|| ||

[59] Ime kho bhikkhave cattaaro sa.mvaasaati.|| ||

Ubho ca honti dussiilaa kadariyaa paribhaasakaa,||
Te honti jaanipatayo chavaa sa.mvaasamaagataa.|| ||

Saamiko dussiilo hoti kadariyo paribhaasako,||
Bhariyaa siilavatii hoti vada~n~nuu viitamaccharaa;||
Saapi devii sa.mvasati chavena patinaa saha.|| ||

Saamiko siilavaa hoti vada~n~nuu viitamaccharo,||
Bhariyaa'ssa hoti dussiilaa kadariyaa paribhaasikaa;||
Saapi chavaa sa.mvasati devena patinaa saha.|| ||

Ubho saddhaa vada~n~nuu ca sa~n~nataa dhammajiivino,||
Te honti jaanipatayo a~n~nama~n~na.m piya.mvadaa.|| ||

Atthaa sampacuraa honti vaasattha.m upajaayati,||
Amittaa dummanaa honti ubhinna.m samasiilina.m.|| ||

Idha dhamma.m caritvaana samasiilabbataa ubho,||
Nandino devalokasmi.m modanti kaamakaamino ti.|| ||

 


Contact:
E-mail
Copyright Statement