Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
VII. Pattakamma Vagga

Sutta 62

Ana.na Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[69]

[1][pts][than][bodh] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Atha kho Anaathapi.n.diko gahapati yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinna.m kho Anaathapi.n.dika.m gahapati.m Bhagavaa etad avoca:|| ||

2. Cattaar'imaani gahapati sukhaani adhigamaniiyaani gihinaa kaamabhoginaa kaalena kaala.m samayena samaya.m upaadaaya.|| ||

Katamaani cattaari?|| ||

Atthi-sukha.m,||
bhoga-sukha.m,||
ana.na-sukha.m,||
anavajja-sukha.m.|| ||

3. Katama~n ca gahapati atthi-sukha.m?|| ||

Idha gahapati kulaputtassa bhogaa honti u.t.thaanaviriyaadhigataa baahaabalaparicitaa sedaavakkhittaa dhammikaa dhammaladdhaa.|| ||

So - bhogaa me atthi u.t.thaanaviriyaadhigataa baahaabalaparicitaa sedaavakkhittaa dhammikaa dhammaladdhaa ti - adhigacchati sukha.m,||
adhigacchati somanassa.m.|| ||

Ida.m vuccati gahapati atthisukha.m.|| ||

4. Katama~n ca gahapati bhoga-sukha.m?|| ||

Idha gahapati kulaputto u.t.thaanaviriyaadhigatehi bhogehi baahaabalaparicitehi sedaavakkhittehi dhammikehi dhammaladdhehi bhoge ca bhu~njati,||
pu~n~naani ca karoti.|| ||

So - u.t.thaanaviriyaadhigatehi bhogehi baahaabalaparicitehi sedaavakkhittehi dhammikehi dhammaladdhehi bhoge ca bhu~njaami pu~n~naani ca karomii ti -||
adhigacchati sukha.m,||
adhigacchati somanassa.m.|| ||

Ida.m vuccati gahapati bhoga-sukha.m.|| ||

5. Katama~n ca gahapati ana.na-sukha.m?|| ||

Idha gahapati kulaputto na kassa ki~nci dhaareti appa.m vaa bahu.m vaa.|| ||

So - na kassaci ki~nci dhaaremi appa.m vaa bahu.m vaa ti -||
adhigacchati sukha.m,||
adhigacchati somanassa.m.|| ||

Ida.m vuccati gahapati ana.na-sukha.m.|| ||

6. Katama~n ca gahapati anavajja-sukha.m?|| ||

Idha gahapati ariyasaavako||
anavajjena kaayakammena samannaagato hoti,||
anavajjena vaciikammena samannaagato hoti,||
anavajjena manokammena samannaagato hoti.|| ||

So - [70] anavajjen'amhi kaayakammena samannaagato,||
anavajjena vaciikammena samannaagato,||
anavajjena manokammena samannaagato ti -||
adhigacchati sukha.m,||
adhigacchati somanassa.m.|| ||

Ida.m vuccati gahapati anavajja-sukha.m.|| ||

Imaani kho gahapati cattaari sukhaani adhigamaniiyaani gihinaa kaamabhoginaa kaalena kaala.m samayena samaya.m upaadaayaati.|| ||

 

Ana.na.m-sukha.m ~natvaana atho atthi-sukha.m sare,||
Bhu~nja.m bhoga sukha.m macco tatho pa~n~naa vipassati.|| ||

Vipassamaano jaanaati ubho bhaage sumedhaso,||
Anavajja-sukhass'eta.m kala.m naagghati so.lasin ti.|| ||

 


Contact:
E-mail
Copyright Statement