Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttara Nikaaya
4. Catukka Nipaata
VII. Pattakamma Vagga

Sutta 67

Ahi(metta) Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][piya][than] Eka.m samaya.m Bhagavaa Saava.t.thiya.m viharati Jetavane Anaathapi.n.dikassa aaraame.|| ||

Tena kho pana samayena Saava.t.thiya.m a~n~nataro bhikkhu ahinaa da.t.tho kaalakato hoti.|| ||

Atha kho sambahulaa bhikkhuu yena Bhagavaa ten'upasa'nkami.msu.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.msu.|| ||

Eka-m-anta.m nisinnaa kho te bhikkhuu Bhagavanta.m etad avocu.m:|| ||

2. "Idha bhante Saava.t.thiya.m a~n~nataro bhikkhu ahinaa da.t.tho kaalakato" ti.|| ||

Na ha nuuna so bhikkhave bhikkhu cattaari ahiraajakulaani mettena cittena phari||
sace hi so bhikkhave bhikkhu cattaari ahiraajakulaani mettena cittena phareyya,||
na hi so bhikkhave bhikkhu ahinaa da.t.tho kaala.m kareyya.|| ||

Katamaani cattaari ahiraajakulaani?|| ||

Viruupakkha.m ahiraajakula.m,||
Eraapatha.m ahiraajakula.m,||
Chabyaaputta.m ahiraajakula.m,||
Ka.nhaagotamaka.m ahiraajakula.m.|| ||

Na ha nuuna so bhikkhave bhikkhu imaani cattaari ahiraajakulaani mettena cittena Phari,||
sace hi so bhikkhave bhikkhu imaani cattaari ahiraajakulaani mettena cittena phareyya,||
na hi so bhikkhave bhikkhu ahinaa da.t.tho kaala.m kareyya.|| ||

Anujaanaami bhikkhave imaani cattaari ahiraajakulaani mettena cittena pharitu.m,||
attaguttiyaa attarakkhaaya attaparittaayaati.|| ||

 

Viruupakkhehi me metta.m||
metta.m Eraapathehi me,||
Chabyaaputtehi me metta.m||
metta.m Ka.nhaagotamakehi ca|| ||

Apaadakehi me metta.m||
metta.m dipaadakehi me||
[73] Catuppadehi me metta.m||
metta.m bahuppadehi me|| ||

Maa ma.m apaadako hi.msi||
maa ma.m hi.msi dipaadako||
Maa ma.m catuppado hi.msi||
maa ma.m hi.msi bahuppado|| ||

Sabbe sattaa||
sabbe paa.naa||
sabbe bhuutaa ca kevalaa,||
Sabbe bhadraani passantu||
maa ka~nci paapam aagamaa.|| ||

 

Appamaa.no buddho.||
Appamaa.no dhammo.||
Appamaa.no sa'ngho.||
Pamaa.navantaani siri.msapaani ahivicchikaa satapadii u.n.naanaabhi sarabuu muusikaa.|| ||

Kataa me rakkhaa.||
Kataa me parittaa.||
Pa.tikkamantu bhutaani.||
So'ha.m namo Bhagavato.||
Namo sattanna.m sammaa-sambuddhaanan.|| ||

 


Contact:
E-mail
Copyright Statement