Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
VIII: Apa.n.naka Vagga

Sutta 76

Kusinaaraa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Kusinaaraaya.m viharati Upavattane Mallaana.m saalavane,||
antarena yamaka-saalaana.m parinibbaa.na-samaye.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti||
te bhikkhuu Bhagavato paccassosu.m.|| ||

Bhagavaa etad avoca:|| ||

2. "Siyaa kho pana bhikkhave ekabhikkhussa pi ka'nkhaa vaa vimati vaa Buddhe vaa Dhamme vaa Sa'nghe vaa Magge vaa Pa.tipadaaya vaa,||
pucchatha bhikkhave, maa pacchaa vippa.tisaarino ahuvattha:|| ||

'Sammukhiibhuuto no satthaa ahosi,||
naasakkhimha Bhagavanta.m sammukhaa pa.tipucchitun ti.'|| ||

Eva.m vutte te bhikkhuu tu.nhii ahesu.m.|| ||

3. Dutiyam pi kho Bhagavaa bhikkhuu aamantesi:|| ||

"Siyaa kho pana bhikkhave ekabhikkhussa pi ka'nkhaa vaa vimati vaa Buddhe vaa Dhamme vaa Sa'nghe vaa Magge vaa Pa.tipadaaya vaa,||
pucchatha bhikkhave, maa pacchaa vippa.tisaarino ahuvattha:|| ||

'Sammukhiibhuuto no satthaa ahosi,||
naasakkhimha Bhagavanta.m sammukhaa pa.tipucchitun ti.'|| ||

Dutiyam pi kho te bhikkhuu tu.nhii ahesu.m.|| ||

4. Tatiyam pi kho Bhagavaa bhikkhuu aamantesi:|| ||

"Siyaa kho pana bhikkhave ekabhikkhussa pi ka'nkhaa vaa vimati vaa Buddhe vaa Dhamme vaa Sa'nghe vaa Magge vaa Pa.tipadaaya vaa,||
pucchatha bhikkhave, maa pacchaa vippa.tisaarino ahuvattha:|| ||

'Sammukhiibhuuto no satthaa ahosi,||
naasakkhimha Bhagavanta.m sammukhaa pa.tipucchitun ti.'|| ||

Tatiyam pi kho te bhikkhuu tu.nhii ahesu.m.|| ||

5. Atha kho Bhagavaa bhikkhuu aamantesi:|| ||

"Siyaa kho pana bhikkhave Satthu gaaravenaa pi na puccheyyaatha,||
sahaayako pi bhikkhave sahaayakassa arocetu" ti.|| ||

Eva.m vutte te bhikkhuu tu.nhi ahesu.m.|| ||

6. [80] Atha kho aayasmaa Aanando Bhagavanta.m etad avoca:|| ||

"Acchariya.m bhante,||
abbhuuta.m bhante.|| ||

Eva.m pasanno aha.m bhante imasmi.m bhikkhusa'nghe||
n'atthi imasmi.m bhikkhusa'nghe ekabhikkhussa pi ka'nkhaa vaa vimati vaa Buddhe vaa Dhamme vaa Sa'nghe vaa Magge vaa Pa.tipadaaya vaa" ti.|| ||

7. "Pasaadaa kho tva.m Aananda vadesi.|| ||

~Naa.nam eva h'ettha Aananda Tathaagatassa,||
n'atthi imasmi.m bhikkhusa'nghe ekabhikkhussa pi ka'nkhaa vaa vimati vaa Buddhe vaa Fhamme vaa Sa'nghe vaa Magge vaa Pa.tipadaaya vaa.|| ||

Imesa.m Aananda pa~ncanna.m bhikkhusataana.m yo pacchimako bhikkhu,||
so sotaapanno avinipaatadhammo niyato sambodhiparaayano" ti.|| ||

 


Contact:
E-mail
Copyright Statement