Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
VIII: Apa.n.naka Vagga

Sutta 80

Kamboja Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts][olds] Eva.m me suta.m:|| ||

Eka.m samaya.m Bhagavaa Kosambiya.m viharati Ghositaaraame.|| ||

Atha kho aayasmaa Aanando yena Bhagavaa ten'upasa'nkami.|| ||

Upasa'nkamitvaa Bhagavanta.m abhivaadetvaa eka-m-anta.m nisiidi.|| ||

Eka-m-anta.m nisinno kho aayasmaa Aanando Bhagavanta.m etad avoca.|| ||

"Ko nu kho bhante hetu,||
ko paccayo,||
yena maatugaamo n'eva sabhaaya.m nisiidati,||
na kammanta.m payojeti,||
na Kamboja.m gacchatii" ti?|| ||

"Kodhano Aananda maatugaamo,||
issukii Aananda maatugaamo,||
[83] maccharii Aananda maatugaamo,||
duppa~n~no Aananda maatugaamo.|| ||

Aya.m kho Aananda hetu,||
aya.m paccayo,||
yena maatugaamo n'eva sabhaaya.m nisiidati,||
na kammanta.m payojeti,||
na Kamboja.m gacchatii" ti.|| ||

Apa.n.nakavaggo tatiyo.|| ||

 


Contact:
E-mail
Copyright Statement