Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
X: Asura Vagga

Sutta 94

Tatiya Samaadhi Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


[93]

[1][than][pts][Olds] Eva.m me suta.m:|| ||

Eka.m samaya.m Bhagavaa Saavatthiya.m viharati.|| ||

Tatra kho Bhagavaa bhikkhuu aamantesi:|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

2. Cattaaro'me bhikkhave puggalaa santo sa.mvijjamaanaa lokasmi.m.|| ||

Katame cattaaro?|| ||

Idha, bhikkhave, ekacco puggalo laabhii hoti ajjhatta.m ceto-samathassa,||
na laabhii adhipa~n~naa-dhamma-vipassanaaya.|| ||

Idha [94] pana bhikkhave ekacco puggalo laabhii hoti adhipa~n~naa-dhamma-vipassanaaya,||
na laabhii ajjhatta.m ceto-samathassa.|| ||

Idha pana bhikkhave ekacco puggalo n'eva laabhii hoti ajjhatta.m ceto-samathassa,||
na laabhii adhipa~n~naa-dhamma-vipassanaaya.|| ||

Idha pana bhikkhave ekacco puggalo laabhii c'eva hoti ajjhatta.m ceto-samathassa,||
laabhii ca adhipa~n~naa-dhamma-vipassanaaya.|| ||

Ime kho bhikkhave cattaaro puggalaa santo sa.mvijjamaanaa lokasminti.|| ||

 


 

Tatra, bhikkhave, yvaaya.m puggalo laabhii ajjhatta.m ceto-samathassa,||
na laabhii adhipa~n~naa-dhamma-vipassanaaya,||
tena bhikkhave puggalena yvaaya.m puggalo laabhii adhipa~n~naa-dhamma-vipassanaaya,||
so upasa'nkamitvaa evam assa vacaniiyo:|| ||

Katha.mnu kho aavuso sankhaaraa da.t.thabbaa?|| ||

Katha.m sankhaaraa sammasitabbaa?|| ||

Katha.m sankhaaraa vipassitabbaati?|| ||

Tassa so yathaadi.t.tha.m yathaavidita.m vyaakaroti:|| ||

"Eva.m kho aavuso saa'nkhaaraa da.t.thabbaa,||
eva.m sankhaaraa sammasitabbaa,||
eva.m sankhaaraa vipassitabbaa" ti.|| ||

So aparena samayena laabhii c'eva hoti ajjhatta.m ceto-samathassa,||
laabhii ca adhipa~n~naa-dhamma-vipassanaaya.|| ||

 


 

Tatra, bhikkhave, yvaaya.m puggalo laabhii adhipa~n~naa-dhamma-vipassanaaya,||
na laabhii ajjhatta.m ceto-samathassa||
tena bhikkhave puggalena yvaaya.m puggalo laabhii ajjhatta.m ceto-samathassa,||
so upasa'nkamitvaa evam assa vacaniiyo:|| ||

"Katha.m nu kho aavuso citta.m sa.n.thapetabba.m?|| ||

Katha.m citta.m sannisaadetabba.m?|| ||

Katha.m citta.m ekodi kattabba.m?|| ||

Katha.m citta.m samaadahaatabban ti?.|| ||

"Tassa so yathaadi.t.tha.m yathaavidita.m vyaakaroti:|| ||

"Eva.m kho aavuso citta.m sa.n.thapetabba.m,||
eva.m citta.m sannisaadetabba.m,||
eva.m citta.m ekodikattabba.m,||
eva.m citta.m samaadahaatabban" ti.|| ||

So aparena samayena laabhii c'eva hoti adhipa~n~naa-dhamma-vipassanaaya,||
laabhii ca ajjhatta.m ceto-samathassa.|| ||

 


 

Tatra, bhikkhave, yvaaya.m puggalo n'eva laabhii ca ajjhatta.m ceto-samathassa,||
na laabhii adhipa~n~naa-dhamma-vipassanaaya,||
tena bhikkhave puggalena yvaaya.m puggalo laabhii c'eva ajjhatta.m ceto-samathassa,||
laabhii ca adhipa~n~naa-dhamma-vipassanaaya.|| ||

So upasa'nkamitvaa evam assa vacaniiyo:|| ||

"Katha.m nu kho aavuso citta.m sa.n.thapetabba.m?|| ||

Katha.m citta.m sannisaadetabba.m?|| ||

Katha.m citta.m ekodi kattabba.m?|| ||

Katha.m citta.m samaadahaatabba.m?|| ||

Katha.m sankhaaraa da.t.thabbaa?|| ||

Katha.m sankhaaraa sammasitabbaa?|| ||

Katha.m sankhaaraa vipassitabbaa" ti?|| ||

Tassa so yathaadi.t.tha.m yathaavidita.m vyaakaroti:|| ||

"Eva.m kho aavuso citta.m sa.n.thapetabba.m,||
eva.m citta.m sannisaadetabba.m,||
eva.m citta.m ekodi kattabba.m,||
eva.m citta.m samaadahaatabba.m,||
eva.m sankhaaraa da.t.thabbaa,||
eva.m sankhaaraa sammasitabbaa||
eva.m sankhaaraa vipassitabbaa" ti.|| ||

So aparena [95] samayena laabhii c'eva hoti ajjhatta.m ceto-samathassa,||
laabhii ca adhipa~n~naa-dhamma-vipassanaaya.|| ||

Tatra, bhikkhave, yvaaya.m puggalo laabhii c'eva hoti ajjhatta.m ceto-samathassa,||
laabhii ca adhipa~n~naa-dhamma-vipassanaaya,||
tena bhikkhave puggalena tesu yeva kusalesu dhammesu pati.t.thaaya uttari.m aasavaana.m khayaaya yogo kara.niiyo.|| ||

Ime kho bhikkhave cattaaro puggalaa santo sa.mvijjamaanaa lokasmin ti.|| ||

 


Contact:
E-mail
Copyright Statement