Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XI: Valaahaka Vagga

Sutta 103

Kumbha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

Cattaaro'me bhikkhave kumbhaa.|| ||

Katame cattaaro?|| ||

Tuccho pihito,||
puuro viva.to,||
tuccho viva.to,||
puuro pihito.|| ||

Ime kho cattaaro kumbhaa.|| ||

Evam eva kho bhikkhave cattaaro'me kumbhuupamaa puggalaa santo sa.mvijjamaanaa lokasmi.m.|| ||

Katame cattaaro?|| ||

Tuccho pihito,||
puuro viva.to,||
tuccho viva.to,||
puuro pihito.|| ||

Katha~n ca bhikkhave puggalo tuccho hoti pihito?|| ||

Idha, bhikkhave, ekaccassa puggalassa paasaadika.m hoti abhikkanta.m pa.tikkanta.m aalokita.m vilokita.m sammi~njita.m pasaarita.m sanghaa.tipattaciivaradhaara.na.m.|| ||

So ida.m dukkhan ti yathaabhuuta.m nappajaanaati.|| ||

Aya.m dukkha samudayoti yathaabhuuta.m nappajaanaati.|| ||

Aya.m dukkhanirodho ti yathaabhuuta.m nappajaanaati.|| ||

Aya.m dukkhanirodhagaaminii pa.tipadaa ti yathaabhuuta.m nappajaanaati.|| ||

Eva.m kho bhikkhave puggalo tuccho hoti pihito. Seyyaapi so bhikkhave kumbho tuccho pihito,||
tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo puuro hoti viva.to?|| ||

Idha, bhikkhave, ekaccassa puggalassasa na paasaadika.m hoti abhikkanta.m pa.tikkanta.m aalokita.m vilokita.m sammi~njita.m pasaarita.m sanghaa.tipattaciivaradhaara.na.m.|| ||

So ida.m dukkhan ti yathaabhuuta.m pajaanaati.|| ||

Aya.m dukkha samudayoti yathaabhuuta.m pajaanaati.|| ||

Aya.m dukkhanirodho ti yathaabhuuta.m pajaanaati.|| ||

Aya.m dukkhanirodhagaaminii pa.tipadaa ti yathaabhuuta.m pajaanaati.|| ||

Eva.m kho bhikkhave puggalo puuro hoti viva.to.|| ||

Seyyathaa pi so bhikkhave kumbho puuro viva.to, tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo tuccho hoti viva.to?|| ||

Idha, bhikkhave, ekaccassa puggalassa na paasaadika.m hoti abhikkanta.m pa.tikkanta.m aalokita.m vilokita.m sammi~njita.m pasaarita.m sanghaa.tipattaciivaradhaara.na.m.|| ||

So ida.m dukkhan ti yathaabhuuta.m nappajaanaati.|| ||

Aya.m dukkhasamudayo ti yathaabhuuta.m nappajaanaati. Aya.m dukkhanirodho ti yathaabhuuta.m nappajaanaati.|| ||

Aya.m dukkhanirodho ti yathaabhuuta.m pajaanaati.|| ||

Aya.m dukkhanirodhagaaminii pa.tipadaa ti yathaabhuuta.m nappajaanaati.|| ||

Eva.m kho bhikkhave puggalo tuccho hoti viva.to.|| ||

Seyyathaa pi so bhikkhave kumbho tuccho viva.to,||
tathuupamaaha.m bhikkhave ima.m puggalra.m vadaami.|| ||

Katha~n ca bhikkhave puggalo puuro hoti pihito?|| ||

Idha, bhikkhave, ekaccassa puggalassa paasaadika.m hoti abhikkanta.m pa.tikkanta.m aalokita.m vilokita.m sammi~njita.m pasaarita.m sanghaa.tipattaciivaradhaara.na.m.|| ||

So ida.m [105] dukkhan ti yathaabhuuta.m pajaanaati.|| ||

Aya.m dukkha samudayoti yathaabhuuta.m pajaanaati.|| ||

Aya.m dukkhanirodho ti yathaabhuuta.m pajaanaati.|| ||

Aya.m dukkhanirodhagaaminii pa.tipadaa ti yathaabhuuta.m pajaanaati.|| ||

Eva.m kho bhikkhave puggalo puuro hoti pihito.|| ||

Seyyathaa pi so bhikkhave kumbho puuro pihito, tathuupamaaha.m bhikkhave ima.m puggala.m vadaami.|| ||

Ime kho bhikkhave cattaaro kumbhuupamaa puggalaa santo sa.mvijjamaanaa lokasmin ti.|| ||

 


Contact:
E-mail
Copyright Statement