Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XI: Valaahaka Vagga

Sutta 108

Balivadda Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Cattaaro'me bhikkhave balivaddaa.|| ||

Katame cattaaro?|| ||

[109] Sagavaca.n.do no paragavaca.n.do,||
paragavaca.n.do no sagavaca.n.do,||
sagavaca.n.do ca paragavaca.n.do ca,||
n'eva sagavaca.n.do no paragavaca.n.do.|| ||

Ime kho bhikkhave cattaaro balivaddaa.|| ||

Evam eva kho bhikkhave cattaaro'me balivadduupamaa puggalaa santo sa.mvijjamaanaa lokasmi.m.|| ||

Katame cattaaro?|| ||

Sagavaca.n.do no paragavaca.n.do,||
paragavaca.n.do no sagavaca.n.do,||
sagavaca.n.do ca paragavaca.n.do ca,||
n'eva sagavaca.n.do no paragavaca.n.do.|| ||

Katha~n ca bhikkhave puggalo sagavaca.n.do hoti no paragavaca.n.do?|| ||

Idha, bhikkhave, ekacco puggalo saka.m parisa.m ubbejetaa hoti,||
no paraparisa.m.|| ||

Eva.m kho bhikkhave puggalo sagavaca.n.do hoti no paragavaca.n.do.|| ||

Seyyathaa pi so bhikkhave balivaddo sagavaca.n.do no paragavaca.n.do,||
tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo paragavaca.n.do hoti no sagavaca.n.do?|| ||

Idha, bhikkhave, ekacco puggalo paraparisa.m ubbejetaa hoti no sakaparisa.m.|| ||

Eva.m kho bhikkhave puggalo paragavaca.n.do hoti no sagavaca.n.do.|| ||

Seyyathaa pi so bhikkhave balivaddo paragavaca.n.do no sagavaca.n.do,||
tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo sagavaca.n.do ca hoti paragavaca.n.do?|| ||

Idha, bhikkhave, ekacco puggalo sakaparisa~n ca ubbejetaa hoti paraparisa~n ca.|| ||

Eva.m kho bhikkhave puggalo sagavaca.n.do ca hoti paragavaca.n.do ca.|| ||

Seyyathaa pi so bhikkhave baliddo sagavaca.n.do ca paragavaca.n.do ca,||
tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo n'eva sagavaca.n.do hoti no paragavaca.n.do?|| ||

Idha, bhikkhave, ekacco puggalo n'eva sakaparisa.m ubbejetaa hoti no paraparisa.m.|| ||

Eva.m kho bhikkhave puggalo n'eva sagavaca.n.do hoti no paragavaca.n.do.|| ||

Seyyathaa pi so bhikkhave balivaddo n'eva sagavaca.n.do no paragavaca.n.do,||
tathuupamaaha.m bhikkhave ima.m puggala.m vadaami.|| ||

Ime kho bhikkhave cattaaro balivadduupamaa puggalaa santo sa.mvijjamaanaa lokasmin ti.|| ||

 


Contact:
E-mail
Copyright Statement