Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XI: Valaahaka Vagga

Sutta 109

Rukkha Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Cattaaro'me bhikkhave rukkhaa.|| ||

Katame cattaaro?|| ||

[110] Pheggu phegguparivaaro,||
pheggu saaraparivaaro,||
saaro phegguparivaaro,||
saaro saaraparivaaro.|| ||

Ime kho bhikkhave cattaaro rukkhaa.|| ||

Evam eva kho bhikkhave cattaaro'me rukkhuupamaa puggalaa santo sa.mvijjamaanaa lokasmi.m.|| ||

Katame cattaaro?|| ||

Pheggu phegguparivaaro,||
pheggu saaraparivaaro,||
saaro phegguparivaaro,||
saaro saaraparivaaro.|| ||

Katha~n ca bhikkhave puggalo pheggu hoti phegguparivaaro?|| ||

Idha, bhikkhave, ekacco puggalo dussiilo hoti paapadhammo.|| ||

Parisaa pi'ssa hoti dussiilaa paapadhammaa.|| ||

Eva.m kho bhikkhave puggalo pheggu hoti phegguparivaaro.|| ||

Seyyathaa pi so bhikkhave rukkho pheggu phegguparivaaro,||
tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo pheggu hoti saaraparivaaro?|| ||

Idha, bhikkhave, ekacco puggalo dussiilo hoti paapadhammo,||
parisaa ca khvassa hoti siilavatii kalyaa.nadhammaa.|| ||

Eva.m kho bhikkhave puggalo pheggu hoti saaraparivaaro.|| ||

Seyyathaa pi so bhikkhave rukkho pheggu saaraparivaaro,||
tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo saaro hoti phegguparivaaro?|| ||

Idha, bhikkhave, ekacco puggalo siilavaa hoti kalyaa.nadhammo.|| ||

Parisaa ca khvassa hoti dussiilaa paapadhammaa.|| ||

Eva.m kho bhikkhave puggalo saaro hoti phegguparivaaro,||
tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo saaro hoti saaraparivaaro?|| ||

Idha, bhikkhave, ekacco puggalo siilavaa hoti kalyaa.nadhammo.|| ||

Parisaa pi'ssa hoti siilavatii kalyaa.nadhammaa.|| ||

Eva.m kho bhikkhave puggalo saaro hoti saaraparivaaro. Seyyathaa pi so bhikkhave rukkho saaro saaraparivaaro,||
tathuupamaaha.m bhikkhave ima.m puggala.m vadaami.|| ||

Ime kho bhikkhave cattaaro rukkhuupamaa puggalaa santo sa.mvijjamaanaa lokasmin ti.|| ||

 


Contact:
E-mail
Copyright Statement