Anguttara Nikaya


[Site Map]  [Home]  [Sutta Indexes]  [Glossology]  [Site Sub-Sections]

The Pali is transliterated as Velthuis (aaiiuu.m'n~n.t.d.n.l). Alternatives:
[ ASCII (aiumnntdnl) | IAST Unicode (āīūṃṅñṭḍṇḷ) ]

 

A'nguttaranikaayo
Catukkanipaato
XI: Valaahaka Vagga

Sutta 110

Aasivisa Sutta.m

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the Pali Text Society Anguttara-Nikaya edited by Rev. Richard Morris, M.A., LL.D.

 


 

[1][pts] Eva.m me suta.m:|| ||

Eka.m samaya.m Bhagavaa Saavatthiya.m viharati Jetavane Anaathapi.n.dikassa aaraame.|| ||

Tatra kho Bhagavaa bhikkhuu aamantesi|| ||

"Bhikkhavo" ti.|| ||

"Bhadante" ti te bhikkhuu Bhagavato paccassosu.m.|| ||

Bhagavaa etad avoca:|| ||

"Cattaaro'me bhikkhave aasivisaa.|| ||

Katame cattaaro?|| ||

Aagataviso na ghoraviso,||
ghoraviso na aagataviso,||
aagataviso ca ghoraviso ca,||
nevaagataviso na ghoraviso.|| ||

Ime kho bhikkhave cattaaro aasivisaa. [111] Evam eva kho, bhikkhave, cattaaro'me aasivisuupamaa puggalaa santo sa.mvijmaanaa lokasmi.m.|| ||

Katame cattaaro?|| ||

Aagataviso na ghoraviso,||
ghoraviso na aagataviso,||
aagataviso ca ghoraviso ca,||
nevaagataviso na ghoraviso.|| ||

Katha~n ca bhikkhave puggalo aagataviso hoti na ghoraviso?|| ||

Idha, bhikkhave, ekacco puggalo abhi.nha.m kujjhati.|| ||

So ca khvassa kodho na diigha-ratta.m anuseti.|| ||

Eva.m kho bhikkhave puggalo aagataviso hoti na ghoraviso.|| ||

Seyyathaa pi so bhikkhave aasiiviso aagataviso na ghoraviso,||
tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo ghoraviso hoti na aagataviso?|| ||

Idha, bhikkhave, ekacco puggalo na heva kho abhi.nha.m kujjhati.|| ||

So ca khvassa kodho diigha-ratta.m anuseti.|| ||

Eva.m kho bhikkhave puggalo ghoraviso hoti na aagataviso.|| ||

Seyyathaa pi so bhikkhave aasiviso ghoraviso na aagataviso,||
tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo aagataviso ca hoti ghoraviso ca?|| ||

Idha, bhikkhave, ekacco puggalo abhi.nha.m kujjhati.|| ||

So ca khvassa kodho diigha-ratta.m anuseti.|| ||

Eva.m kho bhikkhave puggalo aagataviso ca hoti ghoraviso ca.|| ||

Seyyathaa pi so bhikkhave aasiviso aagataviso ca ghoraviso ca,||
tathuupamaaha.m bhikkhave ima.m puggala.m vadaami.|| ||

Katha~n ca bhikkhave puggalo nevaagataviso hoti na ghoraviso?|| ||

Idha, bhikkhave, ekacco puggalo na heva kho abhi.nha.m kujjhati.|| ||

So ca khvassa kodho na diigha-ratta.m anuseti.|| ||

Eva.m kho bhikkhave puggalo nevaagataviso na ghoraviso.|| ||

Seyyathaa pi so bhikkhave aasiviso nevaagataviso na ghoraviso,||
tathuupamaaha.m bhikkhave ima.m puggala.m vadaami.|| ||

Ime kho bhikkhave cattaaro aasivisuupamaa puggalaa santo sa.mvijjamaanaa lokasminti.|| ||

Valaahaka vaggo pa.thamo.|| ||

 


Contact:
E-mail
Copyright Statement